Kolose 3:10 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹⁰ ĭm numpūrak eni, ĭm kūmūvakūm ugi neteme ĭtevaū, umnumpi ĭtevau ugi nelekon sugkū safi eni iyi mori yemumpi iyi;

Kolose 3:10 ပူးပေါင်းရင်းမြစ်များ

Yoane 17:3

Im imo nomūrep ūbrūni ma irora wagkilok, Nōbū itnesog siteven, ĭm Iesū Krĭstō mori kĭratamūli.

Netiyi Eni Pol Apostol Punora Oveteme Rom 12:2

Utūte kĭmi ra netevarū sugkū lō ra nemap: kō ūte kĭmi sī ugi nōwami ĭtevaū, ma kĭmi wagkili tarū eni Nōbū, mori siame aremī ĭm nugko ĭm tanepoves ūnĭpmi eni.

Netiyi Eni Pol Apostol Punora Oveteme Rom 13:12

Yivia sū pūmrok, umrokorag marima: popōwo pe sugkū aremī kos kelen tafugi ōvun numpūrak nilevokevat, ĭm lĭvakosugi siame tavesves ra nilara.

Netiyi Eni Pol Apostol Punora Oveteme Rom 13:14

Kō ūvakūmugi ra Iesū Krĭstō Novsūromon, ĭm kotū mĭntarūgi siame ūnōwami ūr etūwi.

Netiyi Eni Pol Apostol Punora Oveteme Rom 6:4

Dūmūteneme kos ra baptisma irant ra nemas: ma sugkū yemevsorasah marugi nemas ugi nilasewi eni Itemen, kos sugkū ko kel avan ra nomūrep ĭtevaū.

Netiyi Eni Pol Apostol Punora Oveteme Rom 8:29

Im irora mori yemesepen okilora, yepimtampolora woreta ūnōwanda sugkū sū safi eni iyi pe iyi Netni isen, ma iyi ante ĭtnetemefi iranda raveneme sikat:

II. Korint 3:18

Kō kos omwisū kos kĭm lagesi aremī sugkū ra klas nilasilaswi eni Novsūromon, ĭm umnumpi kos ĭtevaū ra safi siteven ugi nilasilaswi ra nilasilaswi, sugkū marugi Novsuromon mori Naviat.

II. Korint 4:16

Popōwo pe sugkū ya otūm mandoromoro; ĭm nagkū namarat nelug nokolisirag wokon, kō naviat enyaū umentorugat dan sū dan sū.

II. Korint 4:6

It iyi Nōbū pe yemokū, Oneselī nilara marugi nelebokevat yemselī ūnōwag, worevugi nilara, noĭntanwi nilasilaswi isen Nōbū ūnĭpmi eni Iesū Krĭsto.

II. Korint 5:17

Popōwo pe magkū sī neteme antindowi ra Krĭsto, iyi neteme ĭtevaū: umampia ōvun siame ĭtnempris; pah, marima umante ōvun siame ĭtevaū Siame omwisū umamne ra Nōbū,

Kalesia 3:27

Popōwo kĭmi sū mori kūmūvakūmugi Krĭstō mori kūmūvi baptiso tovuni Krĭstō kĭmi.

Kalesia 6:15

Worevi namon oti nindewavū, ĭm woretūvĭ namon nindewavū sugkū, kō sie sī sīteven aremī mori nowan ĭtevaū.

Efesus 2:10

It pe kos ōvun numpūrak isen, yemumpi kos ra Iesū Krĭstō ugi nuinpūrak aremi, mori Nōbū yepmokū kos kelenumpi ĭndowi.

Efesus 2:15

yivīpelah ra nokolisiran nakan mori yemete, mori nam alam ra selnivi nam ra nuīwaki isenda lō Yūdia; memagkū iyi ampi neteme endūrū menumpi irora sīteven ĭtevaū, ĭm sugkū menumpi ninparata;

Kolose 3:12

Popōwo pe, ōvun tampoli eni Nōbū, ōvun tumpora nelĭntugi paū, ūvīugi nowami nelĭntugi paū nisekonda ōveteme, nelĭntugi, nemolsep, nemlū, nefielĭntugi;

Kolose 3:14

ĭm mōmū iranda siame omwisū ūvīugi nelĭntugi, ĭt imo oti nam nam ūnam tanepoves.

Filimon 1:6

ma nesitū ugin tavniri enugkĭk onumpi horog aremī worokili ugi ōvun siame omwisū aremī enugkĭk pugi Krĭstō.

Hibru 6:6

ĭm ōvun numpurak ra nempugon mori ampelum, nagkū irora wontorileki mōmū, nugkugko worefitorileki mōmū irora ūnōwand, popōwo irora ūmentalugi nempugon sīmomū Netni eni Nōbū nisekonda mōmumpi onerumprum iran ūniminda ōveteme

I. Yoane. 2:3

Im ugi imo kos kelagkili ma kos kemlagkili iyi nagkū kos kelnenalekoleki ōvun nam alam isen.

I. Yoane. 2:5

kō iyi mori umampaieves nam isen, ĭtnesog umakopeli nelintugi eni Nōbū ūnisog iyi. Im popōwo ugi imo kos kemlagkili ma kos ūnisog iyi:

Reveleson 21:5

kū nesorū, tawi indowi mōmū tiame ĭtnimpria dūmūviasū. Im iyi mori umantesep ra potnumpūtūroa yemenūwi, memokū, ĭtnesog yakum mumpi tiamesū ĭtevaū. Im iyi yemenūwi poyau, memokū, Etaiyi: