Kolose 1:9 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

⁹ Popōwo pe sugkū marugi dan mori kam lorigi ugi pe, kam letūwi worefwaki ĭndowi mōmesenĭgi nisekomi, ma kwampwarugi kĭmi ugi nointanwi ugi nakūrgi isen ra ōvun nelekon ĭm nelavenūri ra Naviat,

Kolose 1:9 ပူးပေါင်းရင်းမြစ်များ

Yoane 7:17

Nagkū sī umnakīugi worumpi sugkū tarū eni, iyi agkili ugi nam tavsogi mori, nagkū eni Nōbū, kū nagkū ya umasepen nenūwi.

Ovun Apostol 12:5

Piter ūnisog nimo nugkugko; kō semsimak dūmūsenigi Nōbū mūmatekisah popōwo ugi iyi.

Netiyi Eni Pol Apostol Punora Oveteme Rom 12:2

Utūte kĭmi ra netevarū sugkū lō ra nemap: kō ūte kĭmi sī ugi nōwami ĭtevaū, ma kĭmi wagkili tarū eni Nōbū, mori siame aremī ĭm nugko ĭm tanepoves ūnĭpmi eni.

I. Korint 1:5

Popōwo ugi iyi kūmūvī siame sū aremī omwisū, ugi nesūli ves nam omwisū,

Efesus 1:8

ĭtemas mori yemumpi worenug pugkos ra nointanwi omwisū ĭm nelekon omwisū,

Efesus 5:10

nugkoves ĭm nam ĭtnesog omwisū) mōĭmisorugi imo mori aremi ūnipmi Novsūromon;

Efesus 5:17

Popōwo pe ūtūte ugi neyompele kĭmi kō ukili nam eni Novsūromon.

Efesus 6:6

tawi sugkū ūnĭmĭnda worokesi, sugkū umnumpi worevi narĭgi morokonda, ōveteme; kō sugkū ōvun lĭvsaū eni Krĭstō wumpi nakiugi eni Nōbū marugi nowami;

Filipi 1:4

ra ōvun nesenug omwisū enyau dan sū nisekomi kĭmi omwisū ĭm ya umnumpi nesenug enyaū ugi navos,

Kolose 1:6

sugkū okevelum ra nūrūsū nūrūsū ra nemap omwisū umnumpi novwan ugi tandamsah, sugkū umnumpi irami, marugi dan mori kūmūrigi mūkili nelĭntugi ĭtemas pau eni Nōbū ugi ĭtnesog;

Kolose 3:16

Antindowi nūsian irami nam eni Krĭstō ra noĭntanwi omwisū; mūtavsogkūm kĭmigo ugi ōvun narūfo omwisū aremī, Osemsi ugi nelĭntugives ūnōwami pugi Nōbū.

Kolose 4:12

Epafaras, neteme enugkimi, livsaū eni Iesū Kristo, emagkū kĭmi paū, ĭt iyi umnatekisah ĭndowi nisekomi ugi nufwaki isen, ma kimi kwante tanepoves ĭm ūnam ĭndowi aremī ra nakiugi omwisū eni Nōbū.

Kolose 4:5

Wavan aremī ūnĭmĭnda mori ōvun natūtavniri, mūfinte ves ōvun nempugon.

I. Teselonia 1:3

metūmawi worenteme numpurak tavniri enugkĭmi ĭm torugat nelintugi ĭm nemolsep ratevetūi ra Iesū Krĭsto Novsūromon, ūnĭpmi Nōbū Itement;

Teselonia 1:11

Popōwo pe sugkū yakum nufwaki dan sū nisekomi, ma Nōbū agkū kĭmi aremī ugi imo mori dumamperugkūm ugi, mōmovugkūm numpurak tavniri omwisū aremī, ugi horog;

Filimon 1:4

Yakum mumpalugi indowi pugi Nōbū enyau, ĭm memlanūok ra nufwaki enyaū dan sū,

Filimon 1:6

ma nesitū ugin tavniri enugkĭk onumpi horog aremī worokili ugi ōvun siame omwisū aremī enugkĭk pugi Krĭstō.

Hibru 10:36

It aremī nisekomi woreti ugi nemolsep, ma, polsugkū kwonekompeli sū sugkū tarū eni Nōbū kĭmi kwampi imo mori aremī dūpmūnūwi ugi.

Hibru 13:21

wumpi kĭmi aremī ĭndowi ra tiame sū omwisū worumpi sugkū nakiugi isen, worumpi ūnisog kos imo mori aremī ūnipmi isen, ugi Iesū Krĭstō, antemante pugi nilasilaswi ūvūm nevisū indowi indowi Amen.

Yakobo 1:5

Kō nagku sī irami ĭm tawi nelekon isen aremī iyi osenigi Nōbū, mori umentalokugi tamas pun ora ōveteme omwisū ĭm tawi sī nam niyevi ugi: ĭm itnesog iyi ampi.

Yakobo 3:17

Kō nelekon mori umamne marugi pokop oti sentevives mampum, penūri iyi ninparata ĭm nemolsep, umandigi pe itnum, ĭm ūvwarugi nelĭntugi ĭm umamampūō ugi nowan aremī, ĭm tawi tarūtaru isen, ĭm tawi nimpiri.

I. Piter 2:15

Popōwo ĭt imo oti tarū eni Nōbū, ma ugi numpūrak aremī enugkimi kwosampat sebet nam isenda ōvun numgī:

I. Piter 4:2

ma kĭmi ūtūwanti ra nugkon nomūrep enugkimi umante tovūni nilasivian isenda ōveteme, kō ugi tavniri pugi Nōbū.

I. Yoane. 2:17

Nemap umampia, ĭm nilasivian isen: kō iyi mori umnumpi sugkū tarū eni Nōbū antindowi ūvum nevisū.

I. Yoane. 5:20

Im kos kemlagkili ma Netni eni Nōbū okovelum, ĭm yemevugkos nelekon, ma kos kelagkili iyi mori oti tanepo, ĭm kos ūnisog iyi oti tanepo, iyi mori Iesū Krĭstō Netni eni. Imo oti Nōbū itnesog, ĭm nomurep ūvrūni.