Kalesia 6:12 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹² Irora mori ūmnakīugi worumpi ratilat wokon sugkū ōveteme aremī ūnĭmĭnda ōveteme aremī, ūmnatekisah ma kĭmi kwampi namon irami; ugi imo wokon memagkū irora ūtū wampi nesesaū ugi nēūmparum eni Krĭstō.

Kalesia 6:12 ပူးပေါင်းရင်းမြစ်များ

Kalesia 5:11

Ravūgsīeme, nagkū ya um magkū ōveteme wampī namon iranda, irasie umnumpi nesesaū irag? nagkū tawi nakan iran nē umparum.

Kolose 2:23

Itnesog imo siame umnumpi sugkū safi nelekon ra tevita umasepen numpi, ĭm nemolsep ratilat, ĭm ugi netipe nugkugko ra nokolisiran; kō irora tawi faneteme woresompat sat ra nokolisiran.

II. Korint 11:13

Irora ōvun apostol namli ovragi mori, ōvun torugat nimpiri, ūmagkū irora ōvun apostol isen Kristo.

Ovun Apostol 15:1

Im nugkoneme mori dūmūyep dūmne ra Yūdia mū mūtavsokonda ravintsīeme mūmūnūwi mūmokū, Nagkū ūtūon numpi namon irami sugkū nam eni Moses, oti amkūmēyōwara.

Kalesia 2:3

Im dūtokū ma Tītus neteme Krik, mori yemūri yaū, ampi namon iran:

Nam Navosavos Eni Luk 16:15

Miyi yemenūwi punora, memokū, Kĭmi kūmasepen numpi kimi tanepo ūnimĭnda oveteme, kō, Nōbū umagkilisū ūnōwami; ĭt imosū oveteme ūmagkū aremi wokon, nelĭlūo sat ūnĭpmi isen Nōbū.

Filipi 3:18

Popōwo sikat ūmnavan, mori yaū morūnenūwi pugkūm ugi irora, ĭm ya umanūwi marima ugi nageri, memagkū, irora ōvun novsin nakan eni nēūmparom isen Krĭstō:

Filipi 2:4

tawi sī kū sī irami ontarū ugi siame isen iyi wokon, kō iyi ontarū sugkū ugi siame enirora ōveteme.

Filipi 1:15

Nugkon ra irora ūmentorenūwi Krĭsto ugi narakara ĭm nesesaū; ĭm nugkon ugi nōwanda aremī:

Kalesia 6:13

Im iroromo mori dūmūvī namon iranda irora ūtūm nalekoleki nam alam; kō irora ūmnakĭugi ma kĭmi kwampī namon irami memagkū irora wanūwi narĭgi enirora ugi nokolisirami.

Kalesia 2:14

Kō pol sugkū yaū mokesi ma, irora dūmavan nagkaū, ĭm tawi sugkū netevarū aremī ra nam navosavos, yaū menūwi pugi Sifas ūnĭmĭnda omwisū memokū, Nagkū kĭk neteme Yūdia kotūm numpi sugkū ōveteme Yūdia, irasie kĭm magkū irora lō pelah wonumpi sugkū ōveteme Yūdia?

II. Korint 10:12

Ya otū agkū ya anūwi yaū dal irora mori ūmanūwi narĭgi enirora: kō pol sugkū irora ūmanūwi narigi enirora, magkū nugkon ra irora mōmū aremi iranda nugkon ra irora, irora tawi nelekon.

Ovun Apostol 15:5

Kō nugkon ra irora ōvun Faresi ōvun tavniri dūmūtūok mūmūnūwi mūmokū aremī worumpi namon iranda mōimpasiwokonda woralekoleki ōvun nempasiwugi sū eni Mōses.

Yoane 7:18

Iyi sī umasepen nenūwi umnesorugi nevietevisep nĭsekon; kō iyi sī mori umnesorugi nevietevisep nisekon iyi mori yemtamūli, iyi ĭtnesog, miyi tanepo wokon.

Nam Navosavos Eni Luk 20:47

mirora ūmneforugi netevotesū ōvun neviumpūi, mūmūseni sat isenda ugi ōvun nufwaki tantop; irora mori wampī tampenĭgi iranda tamas.

Matiyu 23:28

Unimĭnda ōveteme kĭmi sugkū tanepo, kō ūmnovūarugi ūnōwami nempiri ĭm satĭndi.

Matiyu 23:5

Irora ūmnumpi tiamesū ma sugkū ōveteme wagesora, mūmnumpi fĭlakteri enirora tamas, mōv nemas enirora tantop,

Matiyu 6:16

Im pol sugkū kūmantovokon ūtūte-sugkū ōvun nempiriugi nimĭnda nevivat; it irora ūmampūli nimĭnda ma sugkū ōveteme wagkū irora umantovokom; ĭtnesog ya umanūwi pugkūm irora ūmampī nĭpmi enirora.

Matiyu 6:2

Pol sugkū kemnumpi ovun numpelēves etū olentovūi mampūm sugkū ovun nempiri ūmnumpi ūnisog ovun nimo tavsogi, ĭm ra ovun selat alam, mūmagkū ōveteme wamoietivesep iranda; ĭtnesog, ya umanūwi pugkūm memagkū, irora ūmampĭ, nĭpmi enirora.

Matiyu 6:5

Im pol sugkū kemnufwaki etūte sugkū ōveteme nempiri, ĭt irora umnelentugi worufwaki mūmantūrū ūnisog ovun nimo tavsogi, im ra selemsug ovun selat alam ma sugkū ōveteme wagesora; ĭtnesog ya umanūwi pugkūm memagkū, irora ūmampĭ nĭpmi enirora.

Matiyu 5:10

Nevĭeves irora mori ūmampīĭndi popōwo ugi tanepō, ĭt enirora lō ūnpokūp.

Matiyu 23:27

Owĭ irami ōvun Somūl mōvun Faresi, ōvun nempiri! ĭt kĭmi sugkū ōvun velitenemi ūmnumpi nesebo, umagesi ratilat aremī, mūnisog umampūarugi ōvun nōiran ōveteme nemás, ĭm tiame nelĭlūo.