Kalesia 5:13 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹³ Dūmūtorokūm, ravugsieme, ra nemolsep; kō ūtū wumpi netevarū sugkū etūwi ra nemolsep, kō ugi nelintugi ūnōwami ūtorugat irami kĭmi.

Kalesia 5:13 ပူးပေါင်းရင်းမြစ်များ

Nam Navosavos Eni Luk 4:18

Naviat isen Novsūromon irag, Miyi am Kriso irag, magkū ya ontorenūwisah nam navosavos punora ovun narumko; Montamūli yaū magkū ya amkororĭgives ūmnesorū ūnōwanda, montorenūwi nagkū, osūlora ovun nēeti, Movun nimtei memagesi, Mosemsempari iranda ovun nelileki,

Ovun Apostol 20:35

Yaū morūn nesesi pug kūm siamesū ugi nokowo kĭmi kwandūn numpūrak sugkū worumpeleves iranda ōvun netūrumuro, memninteme nam eni Novsūromon Iesū mori iyi yemenūwi memokū, mōmū nevīeves worevugi ra imo, worevi.

I. Korint 8:9

Kō ūfinte kĭmi ma imo faneteme enugkimi otū ante nūrah ĭtahkeli iranda ōvun netromoro.

I. Korint 9:19

Popōwo yaū mete nesūli yaū marokonda ōveteme omwisū, yaū mumpi yaū worelĭvsaū wokon nisekonda omwisū, ma ya onto rora mōmū sikat.

II. Korint 12:15

Im ya um nakīugi woretevūrak ĭm woretorugat nisekon naviat enugkimi. Kō pol sugkū ya um nelintugkūm mōmū tamas, kĭmi kūm nelĭntokoyaū mōmū virok mōmū.

II. Korint 2:8

Popōwo pe yakum nesenugkūm worumpi ūnam nelintugi enugkimi nisekon.

II. Korint 3:17

Im Novsūromon oti Naviat mori: ĭm yūi umante Naviat eni Novsūromon, umante sugkū nemolsep aremī nisekonda ōveteme.

II. Korint 4:5

Popōwo ya otū torenūwi yaū, kō Iesū Krĭstō Novsūromon, ĭm yaū sugkū lĭvsaū wokon enugkimi popōwo ugi Iesū.

Kalesia 2:4

ĭm imo yeti popōwo ugi raveteme nimpiri dūmūvelum pugkam, kō kam letūkilora, dūmūtesūo iramam, kō tawi ĭtnesog, worokesi navan aremī enugkam ra Iesū Krĭstō, ma irora wantipe numpukontom iramam:

Kalesia 4:22

Popōwo dūmūtĭyi mūmokū yemete dūrū ōvun netnime eni Ebraham, sī ugi nasiven torugat isen, ĭm sī ugi nasiven nasimnalam.

Kalesia 5:1

Ute kĭmi ūnam ra nemolsep mori Kristo yemumpi nisekomi, mūtū torileki kĭmi mōmū ra nagelaū nugkugko.

Kalesia 5:14

Popōwo umalekoleki selnivi nam omwisū ra nam sīteven wokon, sugkū imo; Elintugi numpūnaram sugkū kĭmnelintugkĭk.

Kalesia 5:22

Kō novwan ugi Naviat Tumpora oti imo; nelintugi, navos, ninparata, natekisah indowi, numpeleves dan sū iranda ōveteme, nowan aremī, tanepoves,

Kalesia 6:2

Uvorokūm kĭmi ra ōvun nesorū mōvun numpokentum enugkĭmi, ma sugkū kwonalekoleki nam alam eni Krĭstō kĭmi.

Efesus 5:21

ūsesieves pugkūm kĭmi mūmtitugi ves Krĭstō.

I. Teselonia 1:3

metūmawi worenteme numpurak tavniri enugkĭmi ĭm torugat nelintugi ĭm nemolsep ratevetūi ra Iesū Krĭsto Novsūromon, ūnĭpmi Nōbū Itement;

I. Piter 2:16

sugkū ra nemolsep, kō woretū seni satindi ugi nemolsep irami, kō sugkū ōvun livsaū wokon eni Nōbū ūtorugat iran ugi imo nemolsep kūmūvī.

II. Piter 2:19

ūmagkū wamponora nemolsep mūsūlora, ĭm irora pe irora ūmnagelaū wokon ugi nugkugko ra nililūō ovitav ugi; popōwo iyi mori sī neteme umentantevakepe iran umante ra mumpon nokoven worelivsaū wokon.

Netaiyi eni Jūd 1:4

Popōwo okovelum pugkos ugi nimpiri, mori irora mori dūmūtaiyi ugi irora ĭtetūwai nimūn imo neworapatevi iranda, ōvun narekisat, dūmūvoli itemas paū eni Nōbū enugkos ra nilaūviansat, ĭm dūmūsendūeye Narisah Novsūromon, Iesū Krĭstō enugkos.