Kalesia 3:1 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Ah ōveteme Kalesia nemlū, mē yemumpi kĭmi neyoĭmpelĭgi, memagkū kĭmi kūtū alekoleki nam ĭtnesog mori yemsesi aremī Iesū Krĭstō ūnĭmetemi, dūmūtalugi iyi ra nē ūmparum, yūi enugkĭmiwi?

Kalesia 3:1 ပူးပေါင်းရင်းမြစ်များ

Matiyu 24:24

popōwo ōvun krĭstō nempiri wampelum, mōvun profet nempiri sugkū, mirora wonumpi ōvun nokosĭnpūp navlugi worempiriwokonda ōveteme, mōvuntampoli nagkū irora faneteme.

Matiyu 7:26

Miyi sĭ umandĭgi imo nam enyaū motūmnumpi sugkū, ya anūwi magkū iyi sugkū neteme numgĭ mori yemetipe nimo eni ra nareven; yemebĭp memetepū nōisap,

Nam Navosavos Eni Luk 24:25

Miyi yemenūwi punora, memokū, Ah, kĭmi ōvun numgī! kūmandumorō wontavnirigi omwisū mori ōvun profet dūpmūmūnūwi, mūmōkū ugi.

Ovun Apostol 16:6

Im Pol sugkū irora dūmavan ra nūrū sū Frukia ĭm Kalasia ĭm Naviat Tumpora yemenūali punora woram ra Asia;

Ovun Apostol 6:7

Im nam eni Nōbū yemteli; movnūrie dūmū tandamsah tamas ra Yerūsalem; ĭm sikat ra irora ōveteme sokowar dūmūsendiuki nam tavniri.

Netiyi Eni Pol Apostol Punora Oveteme Rom 10:16

Kō nugkon oveteme dūtūrĭgi aremī nam navosavos. Popōwo Isēa yemenūwi memokū, Ah, Novsūromon, mē dūmūrĭgi nam tempĭgi enugkam?

Netiyi Eni Pol Apostol Punora Oveteme Rom 2:8

kō nisekonda sendokie metū alekoleki nam ĭtnesog, kō umalekoleki satindi;

Netiyi Eni Pol Apostol Punora Oveteme Rom 6:17

sugkū kūmūte ōvun lĭvsaū ra sat, kūmūvī umnalekoleki ūnōwami netevarū nam tavsogi mori dūmūtipe kĭmi ugi; ĭm polekū dūmūfiorekūm marugi sat,

I. Korint 11:26

Popōwo pol sugkū kĭmi kwoneni imo yōūp mamoneki marugi imo kup, kĭmi kūoseei nemas eni Novsūromon afeli nimpugon iyi omĭn torileki.

I. Korint 2:2

Popōwo ya onūwi unōwag ugi naviat sorūg omwisū ma ya otūm nakiugi worekili sī entie sī dal kĭmi, Iesū Krĭsto wokon, ĭm nemas isen ra neumparum.

II. Korint 10:5

kō horog ūnipmi eni Nōbū woro talepasi siame nugkugkoi); ka kim lentalepasi ōvun tarū tarū enirora oveteme, ĭm ōvun nugkugko ūnōwanda mori umesompat nilara eni Nōbū ĭm ka kim lentorora ōvun tarū woretorugat iran Kristo;

II. Korint 11:3

Kō ya um amtītugi, kū entawi sī unumpi ūr nowami worūwi netevarū ĭtnesog enugkimi ugi Krĭstō, sugkū neskil yemimpirigi Iv.

Kalesia 1:2

ĭm raveteme omwisū mori ūnuū yaū, ūmagkū punora nōvu nilpon sī lō tumpora Kaletia:

Kalesia 1:6

Ya um navlugi popōwo kĭmi kūmūwi itnum iyi mori yemovrugkūm ugi ĭtemas paū eni Krĭstō ra nam navosavos sī;

Kalesia 2:14

Kō pol sugkū yaū mokesi ma, irora dūmavan nagkaū, ĭm tawi sugkū netevarū aremī ra nam navosavos, yaū menūwi pugi Sifas ūnĭmĭnda omwisū memokū, Nagkū kĭk neteme Yūdia kotūm numpi sugkū ōveteme Yūdia, irasie kĭm magkū irora lō pelah wonumpi sugkū ōveteme Yūdia?

Kalesia 3:3

Itnesog kum memlū kĭmi; kūm atipotni ra Naviat Tumpora, kō kĭmi kūm magkū Nōbū onekompeli kĭmi aremī ugi netevarū ra nemap kū?

Kalesia 4:9

kō marima popōwo kĭmi kūmagkili Nōbū, kō mōmū Nōbū umagkilekūm, irasie kūmūtorileki kĭmi ra tavsogi siame ūr ĭm nindewavū wokon, mori kĭmi kūmakĭugi worotorileki worelĭvsaū iranda?

Kalesia 5:11

Ravūgsīeme, nagkū ya um magkū ōveteme wampī namon iranda, irasie umnumpi nesesaū irag? nagkū tawi nakan iran nē umparum.

Efesus 3:8

Po yaū, mori mōmū virok iranda ōveteme aremi omwisū, kō dūmūvoyaū imo ĭtemas paū, ma ya ontoreuūwi punora lo pelah sī nam navosavos eni Krĭsto, nūsian aremī sugkū sie?

Efesus 4:14

ma kos kel letū ante mōmū ovunyan, umĭntorora ōvun nemetagi omwisū, ugi numpi isenda ōveteme, ugi nimpiri, ĭm ōvun numpi nagkaū ĭm namli;

Efesus 5:15

Ufinte nokowo kwonavan kĭmi, tawi sugkū ōvun numgi, kō sugkū ōvun nelekon;

Teselonia 1:8

worumpi nurian naraki iranda ūtū magkili Nōbū, ĭm iranda mori ūtūm alekoleki nam navosavos eni Iesū Novsūromon enugkos:

I. Timote 6:4

ĭm nam alam sesieves iran Nōbū; iyi neteme nowan mori nugkugko, otūm magkili sie sī, kō umnakīugi tamas woretagkeli ōvun nam ugi nesesaū wokon, ĭm umantepū ugi imo norigi sat, nesesaū,

Hibru 11:8

Ugi tavniri Ebraham, pol sugkū yemovokiugi, yemtavnirigi woreve ra sī nūrū mori nisekon iyi worevī ugi tampenum; miyi yive mori, metukili yivea mori.

Hibru 5:9

ĭm polekū yemete aremi wokon yemete nomurep ūvrūni nisekonda omwisū umintavnirĭgi iran;

I. Piter 1:22

Im popōwo kūmūsendomsi nowami ugi sendiokives nam aremī ugi nelintugi ĭtnesog nisekonda ravinsīeme,

I. Piter 4:17

Popōwo tanepugon okovelum sū worūrian iranda ra nimo tumpora eni Nōbū: ĭm nagkū atipotni irant mampūm, wamsokonda mori ūtūmontavniri nam navosavos eni Nōbū?

II. Piter 2:18

Popōwo ugi ōvun nam horog wokon kō tawi fan, irora ūmūntorora ra ōvun nakīugi nilasivian nokolisiran nililūō, irora mori ūmbotibot worale morokonda mori umantindowi ra nagkaū;

Reveleson 18:3

Popōwo ūmomol ōvun lō sū popōwo ugi naraki nipmi tampalaū isen; ĭm ōvun fan lō ra nemap dūmumpi tampalaū ūndū iyi, ĭm ōveteme sevasi dūmūvai nōēte tamas popōwo ugi tiame aremai sikat iyi yivasi tovun ora dan sū.

Reveleson 2:20

Kō imo sai sat enugkĭk ya okesi iram, pe imo; kĭm metūrian iran nasiven Yesebel, mori emagkū, iyi sai porfet; ĭm iyi umentavsokonda memtorora ōvun lĭvsaū enyaū worumpi tampalaū, ĭm woreni tiami mori umnofwaki iran nisekonda ōvun natmas.