Kalesia 2:20 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

²⁰ Yaū mepmas ra nē umparum ūndū Krĭsto; ĭm ya umamūrep: ĭm tawi yaū mori umamūrep, kō Krĭstō umamūrep ūndū yaū: ĭm imo nomūrep mori yakum nomūrepwi marima ra nemap ya um amūrep ra tavniri, tavniri mori iran Netni eni Nōbū, mori yemelĭntokoyaū, ĭm yem espen tenimpe iyi nisekūg.

Kalesia 2:20 ပူးပေါင်းရင်းမြစ်များ

Kalesia 5:24

Irora mori isen Iesu Krĭstō dūmūtalugi ra nēūmparum nowanda etūwi, ĭm nilasivian ĭm sat ra nokolisiranda.

II. Korint 5:15

ĭm iyi yimas nisekonda omwisū, ma irora mori ūmamūrep ūtū wamūrep nisekonda irora, kō pugi iyi mori yimas nisekonda mō mevsoresah.

Netiyi Eni Pol Apostol Punora Oveteme Rom 6:8

Im nagkū kos kĭm lamas ūndū Krĭstō, kos kĭm lentavnirĭgi ma kos kel amūrep ūndū iyi sugkū;

Kalesia 6:14

Kō ya otū onarĭgi ugi sī entie sī, kō ugi nē umparum wokon eni Iesu Krĭstō Novsūromon enugkos, ĭt sugkū nemas nisekūg siame ra nemap ugi iyi, ĭm sugkū nemas enyau toveni nemap.

II. Korint 13:5

Usorugi nowami kĭmi, nagkū kĭmi kūmūntavnirĭgi; ūkilekum kĭmi kūmūtūkili ugi kĭmigo, ma iyi Iesu Kristo ūnowami? kū entawi kĭmi ōvun nareki sat.

Netiyi Eni Pol Apostol Punora Oveteme Rom 6:13

ūtū tĭnepe ōvun nugkon nokolisirami pugi sat woreti nūrah nimsin netūtanepo; kō ūtĭnepe kĭmi pugi Nōbū, sugkū nomūrep marugi nemas, ĭm ōvun nivlugkon nokolisirami woreti nūrah nĭsin ra tanepo pugi Nōbū.

I. Teselonia 5:10

mori, yimas nisekont, memagkū nagku, kos kelelampe kū alēepo, kos kel amūrep kos ūndū iyi.

Tītus 2:14

iyi mori yespentenimpe iyi nisekont, ma iyi amkosēyōwara marugi ōvun sat sū omwisū, ĭm sendomsi sentevives sī netevokontū nisekon, mori ūmnatekisah ra ōvun numpurak aremī.

Kalesia 1:4

mori vemespen tenipe iyi ugi sat sū enugkos, ma iyi osemsempari irant marugi netevarū ra imo nemap sat, sugkū ugi tarū eni Nōbū Itament:

Yoane 17:21

ma irora omwisū wanti siteven sugkū kĭk Itemen ra mumpon yaū, ĭm yaū ra mumpon kĭk, ma irora sugkū wanti siteven ra mumpon kos, ma nemap wontavnirigi kīmtamūliyaū.

Netiyi Eni Pol Apostol Punora Oveteme Rom 8:37

Kō kos faneteme, ĭm kos kelen tantevakepe ra imo sū siame omwisū ugi iyi yemelĭntugkos.

I. Yoane. 5:20

Im kos kemlagkili ma Netni eni Nōbū okovelum, ĭm yemevugkos nelekon, ma kos kelagkili iyi mori oti tanepo, ĭm kos ūnisog iyi oti tanepo, iyi mori Iesū Krĭstō Netni eni. Imo oti Nōbū itnesog, ĭm nomurep ūvrūni.

Efesus 5:2

ūte ugi nelintugi pugkūm kĭmi, sugkū Krĭsto yemelĭntugkūm, mōĭmtinepe iyi pe iyi nisekont, toveni nemas sokowar aremī pugi Nōbū nempeneves tamas aremī.

Filipi 4:13

Yaū faneteme worumpi tiame sū omwisū ugi iyi mori umnumpi yaū faneteme.

Efesus 3:17

ma Krĭstō ante mante ūnōwami ugi tavniri: ma sugkū kĭmi, ugi nōatnin, ĭmpwap ūnam ra nelīntugi,

Kalesia 3:11

Itnesog ūmagkili ves, memokū, otū anti tanepo ūnĭpmi eni Nōbū sī neteme popōwo ugi numpūrak ra nani alam: popōwo, Wamūrep ōveteme ĭt nogko numpūrak isenda ugi tavniri isenda;

Yoane 3:16

It Nōbū yemelentokonda losu tamas memovunora Netni pau siteven eni, ma iyi si umentavnirigi Iyi otuonamiap, ko, ampi nomurep ubruni.

I. Yoane. 1:7

kō nagku kos kelenavan ra nilar, sugkū iyi umante ra nilara, kos kelante aremai saiteven dalekos, ĭm de eni Iesū Netni eni osendumsi irant marugi sat sū omwisū.

Kolose 1:27

punora pe Nōbū yemokū iyi anūwi sie nūsian aremī nilasilaswi ugi imo nam yemetiumpeni punora lō pelah sī mori oti Krĭstō ūnisog kĭmi, ratevetūwi nilasilasewi:

Netiyi Eni Pol Apostol Punora Oveteme Rom 5:2

mugi iyi ko kel lentorĭmpe ugi tavniri ra itemas mori ko kel evī, memavos memtavetūwi ugi nilasilaswi eni Nōbū.

Netiyi Eni Pol Apostol Punora Oveteme Rom 1:17

It omanūatumpeni naraki eni Nōbū marugi eni Nōbū ra tavniri pugi tavniri: sugkū umetīyi ugi, Kō ōvun tanepo wamūrep ugi tavniri.

II. Korint 13:3

ĭtnesog kĭmi kū akiugi safi memagkū Krĭstō umanūwi ra yaū, popōwo iyi tawi netromoro pugkūm, kō horog ūnisog kĭmi:

Reveleson 1:5

potnimpūtūō eni; ĭm marugi Iesū Krĭstō, numpūvsok tanepo, mori oti nevsorasah yipmovūm marugi nemas,

I. Teselonia 1:10

ĭm woretevetūi Netni isen marugi pokop, mori yemevsorasah marugi nemas, mori Iesū, mori vemumkoseyowara irant marugi naraki ampelum.

Yoane 10:11

Yaū neteme navles aremi enirora ōvun pugipugi. Iyi nefĭnte aremī umampugi nomūrep eni woretampnemokonda ōvun pugipugi.

Yoane 6:57

Sugkū Itemen mori umnomūrep yemtamūli yaū, ĭm ya umnomūrep ugi Itemen, iyi sugkū mori umneni yaū amūrep ugi yaū.

Reveleson 3:20

Urigi, ya um mantūr ra negon selat, mementetai: nagkū me sai andigi navig sorūg ĭm taipelah bukitampet, ya ampelum pugi ūnisog, ĭm ya ampag ūndū iyi miyi ūndū yaū.

I. Piter 1:8

mori kĭmi kūmūtokesi, kō kūmelintugi; iyi mori, kūtūmagesi, kō kūmūtaviniri iran, ĭm kūmnavosavos ugi navosavos tamas ūvwarugi nilasilaswi:

Matiyu 20:28

sugkū Netni eni neteme, iyi yivelum metūmokū ōveteme wontorugat iran, kō yemokū iyi ontorugat iranda, mampugi nomūrep eni nĭpmi nevasĭgi nĭsekonda ōveteme sikat.

Yoane 15:13

Imo nelintugi ra nūsian pol sugkū sī neteme umasepen ōwi nomūrep eni woretampnemokonda raveneme.

Kalesia 2:16

ĭm kos kim lagkili ma irora ūtū magkū ĭt nogko navan eni neteme popōwo ugi nam alam, kō ugi tesūwi iran Iesū Krĭstō wokon, kos kĭm lentesūwi iran Iesū Krĭstō, memagkū irora wanūwi ĭt nogko navan soret popōwo ugi tesūwi enugkos iran Iesū Krĭstō, kū tawi ugi nalekoleki nam alam: otū magkū ĭt nogko navan eni sī neteme popōwo ugi nam alam.

II. Korint 10:3

Ka kim lante ra nemap ugi nokolisiran, kō ka kĭm letūavakat ugi siame ra nokolisiran

Yoane 6:69

Im ka kemlentavnirigi ĭm lagkili ma kĭk Krĭstō, Netni eni Nōbū umnomūrep.

Yoane 1:49

Natanael yemenūwi pugi memokū, Rabi kĭk netni eni Nōbū; kĭk natemonok ra nusian enirora oveteme Isrēel.

II. Korint 1:24

Im tawi sugkū ma kam mōmū horog irami ra tavniri enugkĭmi worūrian, kō ma ka kel avorokūm ra navosavos enugkĭmi; popōwo ugi tavniri kūmante ūnam.

Ovun Apostol 9:20

Marimago iyi yemtorenūwi sah memokū Krĭstō Netni isen Nōbū ra mumpon ōvun nimo tavsogi.

Efesus 5:25

Im kĭmi ōvateman, kwonelĭntokonda ōvun retepmimi kĭmi sugkū Krĭstō yemelintugi nilpon sī lō tumpora, mōmeviugki nomūrep isen nimsin;

II. Korint 5:7

isūt marugi Novsūromon (popōwo kos kim lenavan ugi tavniri, tawi ugi nokesi);

Yoane 3:35

Iyi Itemen umneliutugi Netni memovugi siemesū ra mumpon nokoven eni.

I. Yoane. 4:14

Im koskemlokesi ĭm lenumpūvsok ugi ma Itemen yemtamūli Netni woreti Nēyōwara ra nemap.

Ovun Apostol 8:36

Im polekū irora dūmūve ra selat dūmūvelum ra sī nū;

Matiyu 4:3

Im neteme tapmi yivelum pugi memenūwi memokū, Nagkū kĭk netni eni Nōbū enūwi ma imo nevat sū meti yōūp. Kō Iyi yemtamsi memenūwi memokū,

Netiyi Eni Pol Apostol Punora Oveteme Rom 3:22

mori tanepoves eni Nōbū ugi tavniri iran Iesū Krĭstō punora sū wontavnirĭgi;

Netiyi Eni Pol Apostol Punora Oveteme Rom 4:25

iyi mori dūmū tinimpe sokomulep tīwi ugi sat sū enugkos, ĭm dūmūtori marugi nemas ma kos kel et tanepoyes ugi.

Netiyi Eni Pol Apostol Punora Oveteme Rom 5:6

Popōwo pol sugkū kos kem leti ōvun netromoro itnesog Krĭstō yimas, ra nempugon dūmūnūwi ugi, nisekonda ōvun narekisat.

Netiyi Eni Pol Apostol Punora Oveteme Rom 5:8

Kō Nōbū yemsesi nilentugi isen iyi pugkos, memagkū (ugi imo), pol sugkū kos kem leti ōvun narekisat, Krĭstō yimas nisekont.

Netiyi Eni Pol Apostol Punora Oveteme Rom 8:10

Im nagkū Krĭsto ūnisog kĭmi, okemas nokolisiran popōwo ugi sat; kō nōwami umamūrep popōwo ugi tanepoves.

Netiyi Eni Pol Apostol Punora Oveteme Rom 14:7

Tawi sī neteme amūrep ugi iyi pe iyi, ĭm tawi sī anūwi magkū isen iyi nemas isen.

I. Korint 6:17

Kō iyi mori umampelesi iran Novsūromon oti naviat sīteven ūndū iyi.

II. Korint 5:14

Popōwo nelintugi eni Kristo umĭntorokoyaū, popōwo ya magkū nagkū neteme siteven yimas nisekonda ōveteme omwisū, ĭtnesog omwisū dūpmas;

II. Korint 11:10

It umante ūnōwag siame ĭtnesog eni Krĭstō, ĭm tawi sī osompat imo nam horog enyaū ra nūrū sū nūrū sū Akea-Irasie?

Filipi 1:21

Popōwo nisekūg woramūrep oti Krĭstō, ĭm woreti nemas aremi nisekūg.

Hibru 8:3

Popōwo umetipe ōvun tavsogi tumpora woresakrefīs ugi ra ōvun itemas ĭm ōvun sarefīs; ĭm popowo pe it eti aremi ma imo tavsogi tumpora umantipe sugkū sie sī woresakrefīs ugi.