Kalesia 2:16 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹⁶ ĭm kos kim lagkili ma irora ūtū magkū ĭt nogko navan eni neteme popōwo ugi nam alam, kō ugi tesūwi iran Iesū Krĭstō wokon, kos kĭm lentesūwi iran Iesū Krĭstō, memagkū irora wanūwi ĭt nogko navan soret popōwo ugi tesūwi enugkos iran Iesū Krĭstō, kū tawi ugi nalekoleki nam alam: otū magkū ĭt nogko navan eni sī neteme popōwo ugi nam alam.

Kalesia 2:16 ပူးပေါင်းရင်းမြစ်များ

Filipi 3:9

ma ya ampi Krĭstō, ĭm woretindowi ra iyi, ĭm woretū tavniri ra sī netevarū nugko enyaū sugkū ugi nam alam kō ugi imo mori umamne ra tavniri ra Krĭstō, tanepoves mori marugi Nōbū ugi tavnirima ya agkili iyi,

Netiyi Eni Pol Apostol Punora Oveteme Rom 9:30

Kos kel anūwi sie ugi imo? Ma ōvun nelebokevat, mori dūtūri tanepo ra netevarū enirora, kō dūmūvĭ tanepo iranda, pe tanepo mori ra tavniri:

I. Piter 3:18

Popōwo ĭt iyi Krĭstō yempī nesorū nempugon sīteven wokon tīwi sat sū, neteme tanepo nisekonda ōvun narekisat, memagkū iyi ontorokos pugi Nōbū; dūmūtalugi nokolisiran, kō yōmomūrep ra naviat;

Netiyi Eni Pol Apostol Punora Oveteme Rom 4:2

Pot nagkū Ebraham yeti tanepo ugi nalekoleki nam alam, umante tovuni narigi eni ugi; kō tawi ūnipmi eni Nōbū.

I. Piter 2:24

iyi pe iyi yemuriuki nipmi satsū enugkos ra nokolisiran ra nēūmparum, ma kos, kim lamas ugi satsū, wamūrep pugi tanepoves: ĭt kĭmi kūmaūrep popōwo ugi ōvun selatevi iran.

Netiyi Eni Pol Apostol Punora Oveteme Rom 8:3

Im imo mori nam alam yetū faneteme worumpi popōwo ugi netromori ra nokolisiran, Nōbū yemtamuli Netni eni ra safi nokolisirant sat woreti nĭmsĭn sokowar ugi sat, yemenūwali sat ra nokolisirant:

Netiyi Eni Pol Apostol Punora Oveteme Rom 3:30

Popōwo pe ĭt Nōbū mori sīteven onumpi tanepo irora mori dūmumpi namon iranda ra tavniri enirora, ĭm irora mori dūtū umpi namon iranda ugi tavniri enirora.

Netiyi Eni Pol Apostol Punora Oveteme Rom 1:17

It omanūatumpeni naraki eni Nōbū marugi eni Nōbū ra tavniri pugi tavniri: sugkū umetīyi ugi, Kō ōvun tanepo wamūrep ugi tavniri.

I. Yoane. 1:7

kō nagku kos kelenavan ra nilar, sugkū iyi umante ra nilara, kos kelante aremai saiteven dalekos, ĭm de eni Iesū Netni eni osendumsi irant marugi sat sū omwisū.

II. Piter 1:1

Simon Piter, livsaū ĭm apostol eni Iesū Krĭstō, punora mori dūmūvi tavinri aremī sugkū kam ra tanepo eni Nōbū im Iesū Krĭstō novsūromon enugkos ĭtemas paū

Reveleson 7:9

Im penūri imo sū tiame yaū mokesi, ĭm pah, sai semsimak ōveteme tamas wokon, tawi sai neteme faneteme worespi irora, dūmne morugi ōvun lō, ĭm marugi savetasū, ĭm marugi ōveteme ra ōvun nam sū, ĭm irora dūmūtūr ūnipmi potnumpūtūō ĭm ūnipmi Lam, ĭm irora dūmūvaiugi iranda nemas nataūsep nesebo, ĭm dūmūvai nugklen pam ra nokovenda,

Kalesia 5:4

Usūlūkūm kĭmi marugi Krĭstō, kĭmi mori kūmagkū kwonumpi kĭmi tanepo popōwo ugi nam alam; kĭmi kum mumol marugi itemas paū.

I. Korint 6:11

Im kūmūte sugkū nugkon kĭmi: kō dūmūsendumsi kĭmi, ĭm dūmumpi kĭmi aremī, ĭm dūmumpi kĭmi tanepo ra nin eni Iesū Krĭstō Novsūromon, ĭm ugi Naviat eni Nōbū enugkos.

Yoane 20:31

kō, umnetīyi memagkū ugi imosū ma kĭmi kwontavnirĭgi ma Iesū, Krĭstō, miyi Netni eni Nōbū; ma kĭmi kwampi tavnirigi nomūrep ra nin eni.

Kalesia 4:5

yemete ra mumpon nam alam, ma iyi oneviēyōwara iranda dūmūte ra mumpon nam alam, ma kos kel ante ōvun netnime isen.

Reveleson 7:14

Im yaū menūwipugi, Narisah, kĭk emagkili. Im iyi yemenūwi poyaū, memokū, Imo irora mori dūmūvelum marugi norigumpūnū tamas, ĭm irora dūmūsentivi ōvun nemas naūtaūsep enirora, ĭm dūmūsentivi irora ra de eni Lam.

I. Piter 1:2

ugi nesepen nokili eni Nōbū Itemen ugi tumporoves eni Naviat ugi nalekoleki nam ĭm ugi navokūm ugi de eni Iesū Krĭstō Itemas paū pugkūm ĭm ninparata antin tandamsah.

Netiyi Eni Pol Apostol Punora Oveteme Rom 4:24

kō nisekont sugkū, wanūwi magkū nugko netevarū enugkos mori ūmintavniri iran iyi mori yemtori Iesū Novsūromon enugkos marugi nemas,

Ovun Apostol 4:12

tawi sī mōmū nin ra nūrūsū umampunora ōveteme imo siteven wokon worumkosēyōwara ugi.