I. Yoane. 5:18 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹⁸ Kos kemlagkili memagkū ma irora sū dūmumprokontol ugi Nōbū ūtū umpi sat; popōwo iyi mori yemumprokomol ugi Nōbū umafinte iyi, ĭm iyi mori narekisat tawi faneteme worumpi nugkugko iran.

I. Yoane. 5:18 ပူးပေါင်းရင်းမြစ်များ

Matiyu 5:37

Monokowo; monokowo; Tawi; tawi; ĭt mōmū ra imosū emamne ra sat.

Matiyu 6:13

Metūtōrokam ran tapmi, kō semsimpari iramam marugi sat sū; ĭt lō enugkĭk, ĭm horog, ĭm nilasilaswi, ūvūrn nevisū, ĭndōwi, ĭndōwi. Amen.

Yoane 1:13

irora mori dūmumprokomol, tawi ugi ōvun fan lō, tawi ugi nakiugi nataman kū nasiven, tawi ugi neteme, Kō ugi Nōbū.

Yoane 14:30

Penuri imo ya otūanūwi nam tantop pugkūm; popōwo iyi Narisah ra imo nemap umampelum miyi otūagesi sīsesī eni ūnisog yaū.

Yoane 15:4

Sī dugon tawi faneteme woresepen novūo; otūampūo nagkū otūantendōwi ra nelumpoi vin. Kĭmi sugkū, nagkū kūtūwantendōwi ra mumpon yaū.

Yoane 15:7

Nagkū kĭmi kwantendōwi ra mumpon yaū, ĭm nam enyaū antendōwi ra mumpon kimi, sisesī kĭmi kwonakīugi kwonesenĭgi, ĭm onumpi irami.

Yoane 15:9

Itemen umnelintokoyaū, ĭm ya umnelintugkūm sugkū; ūteadōwi ra nelintugi enyaū.

Ovun Apostol 11:23

ĭm pol sugkū yive pelum me mokesi ĭtemas eni Iehōva, yavosavos; memenūavsokonda woramplesi iran Novsuromon ugi natekisah:

Yakobo 1:18

Ugi nesepen tarū isen yempī kos ugi nam nam ĭtnesog, ma kos kelanti novwan siugi ra ōvun siame iyi yemumpi.

Yakobo 1:27

Tavnirigi tanepo ĭm sentevives wokon ūnipini Nōbū Itemen enugkos oti imo, woratnemora ōvalalaū tawi itemenda, ĭm ōvun neviumpiwi ra norĭgumpūnū enirora, ĭm worefinte iyi sentevives wokon marugi nemap.

I. Piter 1:23

ūfielintugkūm kĭmi ra nowami omwisū ĭtnesog: it kĭmi kūmumprokomol ĭtevaū, tawi ugi novsin avitar, kō ugi novsin otū avitar, popōwo ugi nam eni Nōbū, mori umante ĭm umamūrep,

I. Yoane. 2:29

Im nagkū kūmagkili ma iyi tanepo, kĭmi kumagkili ma irora sū umnumpi aremi, ūmumpi popōwo dūmumprokomol ĭtevaū ugi iyi.

I. Yoane. 3:12

ĭm tawi sugkū Kēn mori yemne ra iyi, mori nareki sat, yemtalugi avinsai isen. Im irasie yemtalugi iyi? Popōwo ōvun numpūrak isen ūr, kō ōvun numpūrak eni avinsai aremai.

I. Yoane. 3:3

Im irora sū mori ūmūntevetūwi iyi ūmūsendomsi irora, sugkū iyi sentevives ĭndowi.

I. Yoane. 3:9

Iyi mori umumprokomol ugi Nōbū otum numpi sat, popōwo novsin umante ūnisog iyi,

I. Yoane. 4:6

Kam isen Nōbū: iyi mori umagkili Nōbū umandegi nam enugkam; iyi mori yetūmne ra Nōbū otūmandugkam. Im ugi imo koskemlagkili naviat itnesog, ĭm naviat nempiri.

I. Yoane. 5:1

Irora sū mori ūmantavniri ma Iesū oti Krĭstō ūmmprokomol ugi Nōbū: irora sū umnelintokonda ōvetemenda ōvunyan umnelintokonda ōvunyan isenda sugkū.

I. Yoane. 5:15

ĭm nagku kos kemlagkili magkū iyi umandugkos ugi tiame sū kos kemlesenigi ugi, koskemlagkili ma kos kelevai marugi iyi sugkū nesenigi enugkos.

I. Yoane. 5:19

Kos kemlagkili ma kos isen Nōbū, kō ōveteme omwisū ra nemap ūmante dal iyi mori narekisat.

I. Yoane. 5:20

Im kos kemlagkili ma Netni eni Nōbū okovelum, ĭm yemevugkos nelekon, ma kos kelagkili iyi mori oti tanepo, ĭm kos ūnisog iyi oti tanepo, iyi mori Iesū Krĭstō Netni eni. Imo oti Nōbū itnesog, ĭm nomurep ūvrūni.

I. Yoane. 5:21

Ovunyan paū enyau, ūfinte kĭmi marugi sokowara ra ōvun natmas.

I. Yoane. 5:4

Irora sū mori dūmumprokomol ugi Nōbū ūmentantevakepe iranda ōvun tiame sū ra nemap: ĭm imo mori umnumpi kos woretantevakepe iranda ōvun tiame ra nemap, mori tavniri enugkos.

Netaiyi eni Jūd 1:21

ĭm mūsenigi ugi Naviat Tumpora, ūte tamas ugi nelintugi eni Nōbū, mūratevetūwi nelintugi horog eni Iesū Krĭstō Novsūromon enugkos tovune nomurep mūvrūni.

Netaiyi eni Jūd 1:24

Im pugi iyi mori faneteme woresemsempari irami marugi itakeli omwisū, ĭm woretipe kĭmi ūn-nipmi nilaūlasewi isen nūūan ugi navosavos ampekotekat enugkĭmi,

Reveleson 2:13

yaum magkili nete enugkĭk, mori iye umante potnumpūtūo eni Setan: kō kĭk umeravsivsi nin enyau, ĭm kĭm eti unam ra tavniri irag, ran dan mori dūmūtalugi Antipas dal kĭmi, iye mori Setan umante, kō iyi yeti neteme numpūvsok tanepo enyau.