I. Yoane. 5:13 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹³ Imo tiame ya umnetaiyi pugkūm, memagkū kwagkili magkū kĭmi kūmūvai nomūrep ūvrūne, pugkūm mori kūmūtavniri ra nin eni Netni eni Nōbū.

I. Yoane. 5:13 ပူးပေါင်းရင်းမြစ်များ

Yoane 1:12

Kō Iyi yemovunora mori dūmūvĭ Iyi horog woreti ōvun netnime eni Nōbū, mori Umuntavnirigi nin eni,

Yoane 2:23

Im ra nempugon Iyi ra Yerūsalem ra narigari paska sikat dūmūtavnirĭgi nin eni, momokesi ōvun numpūrah horog mori Iyi yemumpi.

Yoane 20:31

kō, umnetīyi memagkū ugi imosū ma kĭmi kwontavnirĭgi ma Iesū, Krĭstō, miyi Netni eni Nōbū; ma kĭmi kwampi tavnirigi nomūrep ra nin eni.

Yoane 21:24

Iyi nūrie mori umnumpūvsok ugi imosū, memetīyi imosū; ĭm ka kĭmlagkili ma numpūvsok eni itnesog.

Yoane 3:18

Iyi sī umentavnirĭgi, otūmnūrian iran; kō, iyi sī otūmentavnirĭgi Iyi, nworepatevi eni umantendōwi iran, popōwo iyi otūmentavnirigi nin eni Netni paū siteven eni Nōbū.

Yoane 5:24

Itnesog, ĭtnesog, ya umanūwi pugkūm, memagkū, Iyi sī umandĭgi nam enyaū mementavnirĭgi Iyi mori yemtamūli yaū, nomūrep ūbrūni eni, otūonumpi iyi nworepatevi, popōwo iyi yemowi nemás mentorĭmpe ra nomūrep.

Ovun Apostol 3:16

Im ugi tavniri ra nin eni imo neteme kūmagesi mūmagkili iyi oti horigives; nin isen umpi iyi faneteme; itnesog, tavniri umpi iyi horigives wokon ūnemitemi omwisū.

Ovun Apostol 4:12

tawi sī mōmū nin ra nūrūsū umampunora ōveteme imo siteven wokon worumkosēyōwara ugi.

II. Korint 5:1

Kos kim lagkili ma nagku wontalepasi nimo noko lisirant, umante nisekont nimo marugi Nōbū, nimo ūtūni numpi ugi nokovenda ōveteme, ūnam indowi, unpokop.

Kalesia 4:6

Im popōwo kĭmi ōvun netnime isen Nōbū yemetipe Naviat eni Netni isen ūnōwami, umnasorasah, memagkū Nate, Itemen.

I. Piter 5:12

Yakum netiyi botibot pugkūm ra Silvanus, mori ya magkū iyi aventsī tanepo ĭtnesog enugkos, worenūwi indowi ĭm worumpūvsok memagkū imo oti ĭtemas pau ĭtnesog eni Nōbū: ūte kimi iran ūnam.

I. Yoane. 1:4

ĭm imo siame ka kĭm litaiyi pugkūm, memagkū ūvwarugi navos enugkam.

I. Yoane. 2:1

Ovunyan paū sorūg, ya umnetaiyi imo siame pugkūm, mamagkū ūtū wumpi sat kĭmi. Bot nagkū sai onumpi sat, umante sai Nesitū enugkos pugi Itemen, Iesū Krĭstō neteme tanepo:

I. Yoane. 2:21

Yaū metū etaiyi pugkūm powōwo kĭmi kūtūmagkili nam navosavos, kō popōwo kĭmi kumagkili sū, ĭm popōwo tawi sai nam saiteven nagkū ra nam ĭtnesog.

I. Yoane. 2:25

Im imo nam ūnam isen yepinenūwi pugkos, memagkū nomūrep ūvrūni.

I. Yoane. 2:26

Im ya otaiyi imo tiame pugkūm ugi irora mori ūmnakaiugi woretorokūm nagkaū.

I. Yoane. 3:23

Im imo oti selenivi nam eni, ma koskelentavnirigi ra nin eni Netni Iesū Krĭstō, ĭm nelĭntugkos, sugkū iyi yempasiwogkos.

I. Yoane. 4:9

Im ugi imo yemetūratumpene nelintugi eni Nōbū ūnisog kos, ĭt, Nōbū yemtamūli Netni eni ra nemap, ma koskelamūrep ugi iyi.

I. Yoane. 5:10

Iyi mori umentavniri iran Netni eni Nōbū okevai ūnōwan eni numpūvsok: iyi mori otū tavniri iran Nōbū; umagkū iyi umnamlai; popōwo yetūtavniri numpūvsok eni Nōbū ugi Netni eni.

I. Yoane. 5:11

Im imo numpūvsok mori, memagkū ma Nōbū yemevugkos nomūrep ūvrūne ĭm imo nomūrep umante ūnisog Netni eni.

I. Yoane. 5:20

Im kos kemlagkili ma Netni eni Nōbū okovelum, ĭm yemevugkos nelekon, ma kos kelagkili iyi mori oti tanepo, ĭm kos ūnisog iyi oti tanepo, iyi mori Iesū Krĭstō Netni eni. Imo oti Nōbū itnesog, ĭm nomurep ūvrūni.