I. Yoane. 5:12 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹² Iyi mori umante ūndū Netni eni Nōbū umamūrep; iyi mori tawi ūndū Netni eni Nōbū tawi nomūrep isen.

I. Yoane. 5:12 ပူးပေါင်းရင်းမြစ်များ

Mark 16:16

Iyi sĭ mori ontavnirigi mō mampi baptisma iran, anti neviēōwara iyi; miyi sĭ mori otū ontavniri anti noworepatevi tovūni nemás.

Yoane 1:12

Kō Iyi yemovunora mori dūmūvĭ Iyi horog woreti ōvun netnime eni Nōbū, mori Umuntavnirigi nin eni,

Yoane 3:15

ma iyi sī umuntavnirigi Iyi otūonamiap, kō ampi nomūrep ūbrūni.

Yoane 3:36

Iyi sī umuntavnirigi Netni umantipe eni nomūrep ūbrūni; miyi sī otūmentavnirĭgi Netni mori otūagesi nomūrep; kō, naraki eni Nōbū umantendōwi iran.

Yoane 5:24

Itnesog, ĭtnesog, ya umanūwi pugkūm, memagkū, Iyi sī umandĭgi nam enyaū mementavnirĭgi Iyi mori yemtamūli yaū, nomūrep ūbrūni eni, otūonumpi iyi nworepatevi, popōwo iyi yemowi nemás mentorĭmpe ra nomūrep.

I. Korint 1:30

It kĭmi kūmante ra Iesu Krĭstō ugi Nōbū, yemete nisekont nointanwi marugi Nōbū, ĭm tanepoves, ĭm nelugelugeves, ĭm nēyōwareves;

Kalesia 2:20

Yaū mepmas ra nē umparum ūndū Krĭsto; ĭm ya umamūrep: ĭm tawi yaū mori umamūrep, kō Krĭstō umamūrep ūndū yaū: ĭm imo nomūrep mori yakum nomūrepwi marima ra nemap ya um amūrep ra tavniri, tavniri mori iran Netni eni Nōbū, mori yemelĭntokoyaū, ĭm yem espen tenimpe iyi nisekūg.

Hibru 3:14

popōwo kos kelevī sīteven ūndū Kristo nagkū kos kel ante ūnam ra tavniri mampūm enugkos mafeli ra nisah: ra nempugon pol sugkū wanūwi magkū,

II. Yoane 1:9

Iyi mori umnumpi sugkū tarū isen ĭm otū mantindowi ra tavsogi eni Krĭstō, otū vai Nōbū: kō iyi mori umantindowi ra tavsogi eni Krĭstō, okevai Itemen ĭm Netni.