I. Yoane. 3:2 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

² Ravūgsieme paū, marima kos ōvun netnĭ eni Nōbū, ĭm ūtūmagkili lap memagkū kos kelanti sugkū mē. Kō koskemagkili ma nagkū anūatumpene iyi kos kelante sugkū iyi; popōwo koskelagesi iyi pe iyi.

I. Yoane. 3:2 ပူးပေါင်းရင်းမြစ်များ

Matiyu 5:8

Nevĭeves ōvun sentevives ūnōwanda, ĭt irora wagesi Nōbū.

Nam Navosavos Eni Luk 17:30

Wanti sugkū imosū ra dan mori ōmantūratumpeni Netni isen neteme.

Nam Navosavos Eni Luk 20:36

ĭt irora sugkū ōvun agelō, mirora ōvun netnime itōvatanian isen Nōbū, ĭt irora ōvun netnime ra nevsorasah marugi nemas.

Yoane 1:12

Kō Iyi yemovunora mori dūmūvĭ Iyi horog woreti ōvun netnime eni Nōbū, mori Umuntavnirigi nin eni,

Yoane 11:52

memokū, Iesū amas woretampnemokonda lō Isrēel, ĭm tawi woretampnemokonda imo lō wokon, kō yemokū osemsimokonda ōvun netnime eni Nōbū; marugi nūrūsū dūmnaseviokonda, ra semsimak siteven.

Yoane 17:24

Nate, ya umagkū aremī ma irora mori kĭmovoyaū wante dal yaū ra nūrū ya antewi, ma irora wagesi nilasilaswi enyaū, mori kĭmovo yaū; it kĭmelintokoyaū pol sugkū tawi natipotnin nemap.

Netiyi Eni Pol Apostol Punora Oveteme Rom 8:16

It nowanda ūmagkili ugi Naviat eni Nōbū ma kos ōvun netni eni Nōbū:

Netiyi Eni Pol Apostol Punora Oveteme Rom 8:18

Popōwo yakum manūwi memagkū ĭt irora ōvun norĭgumpūnū marima nĭndewavū wokon ĭm tawi worenūwi ugi irora popōwo ugi nilasilaswi mori umanūatumpene pugkos.

Netiyi Eni Pol Apostol Punora Oveteme Rom 8:19

Popōwo lō sū lō sū ūmentevetuwi ugi nakiugi nūsian siame sū aremi ōvun netnime eni Nōbū wanūtumpene.

Netiyi Eni Pol Apostol Punora Oveteme Rom 8:29

Im irora mori yemesepen okilora, yepimtampolora woreta ūnōwanda sugkū sū safi eni iyi pe iyi Netni isen, ma iyi ante ĭtnetemefi iranda raveneme sikat:

I. Korint 13:12

Im marima kos kĭm lagesi ra miror sugkū nakoūp tawi aremī; kō ra nimpugon sī kos kel agesi ves sugkū kos ūnĭminit: ya magkili nugkon marima; kō ra nempugon mori va agkili omwisū sugkū ūmagkili yaū.

I. Korint 15:49

Kos kĭm livī safi neteme mori yemne ra nemap aremī kos kelevī sugkū safi mori yemne ra pokop.

I. Korint 2:9

kō sugkū yetin netīyi, Siame dūtokesi ugi nĭmĭnda, ĭm telegunda dūtūrīgi, Im yetūtorĭmpe ūnōwan neteme, Ovun siame sū Nōbū yemsiman nisekonda mori umnelintugi iyi.

II. Korint 3:18

Kō kos omwisū kos kĭm lagesi aremī sugkū ra klas nilasilaswi eni Novsūromon, ĭm umnumpi kos ĭtevaū ra safi siteven ugi nilasilaswi ra nilasilaswi, sugkū marugi Novsuromon mori Naviat.

II. Korint 4:17

It virok ĭm botibot norĭgumpūnū enugkos, umnumpi nisekont tamas mōmū navosavos ūvūm nevi sū indowi;

Kalesia 3:26

Im kĭmi sū ōvun netnime eni Nōbū, popōwo ugi tavniri enugkimi ra Iesū Kristo.

Kalesia 4:6

Im popōwo kĭmi ōvun netnime isen Nōbū yemetipe Naviat eni Netni isen ūnōwami, umnasorasah, memagkū Nate, Itemen.

Filipi 3:21

ma ante sugkū nokolisiran isen nilasilaswi, sugkū ugi numpi horog isen mori iyi faneteme worumpi siame sū nisekon iyi.

Kolose 3:4

Pol sugkū Krĭsto mori nomurep enugkos, antūratumpene, ĭm kwantūratumpene sugkū kĭmi dal iyi ra nilasilaswi.

Hibru 9:28

ĭm sugkū, dūmūsakrerīs Krĭstō nempugon sīteven, memagkū, iyi ante nipmi tĭwi satsū isenda ōveteme sikat, kō iyi omampelum nempugon simōmū, punora, ūmenteveteme iyi worumkorēyōwara ugi nomurep ūvūni, ĭm otū ante sat iran.

II. Piter 1:4

popōwo ugi imo yemovugkos nam niyeviwos nūsian ĭm aremī ĭndowi; ma popōwo ugi imosū kĭmi kwonalō marugi sat umante ra nemap popōwo ugi nilasivien sat eni neteme.

I. Yoane. 2:28

Im ya umagkū pugkūm, ah ovunyan pau sorūg, ūtindowi ūnisog iyi; ma, nagkū anūatumneni iyi, ma koskel antindowi ūnam ūnōwant, im metū narumprum ūnipmi isen polsugkū iyi ampelum.

I. Yoane. 2:7

Ravūgsaīeme pau, ya otū onetaiyi nani alam ĭtevaū pugkūm, kō nam alam etūwai mori kūmūvai marugi natipotnin: nam alam etūwai oti saiteven mori kĭm ūrĭgi.

I. Yoane. 3:1

Ukosi nelintugi nūsian eni Itement pugkos, ĭt iyi umnatovninekos magkū ōvun netni eni Nōbū: ĭm ĭtnesog kos sugkū. Im popōwo pe sugkū ōveteme ra nemap ūtūmagkilekos popōwo irora ūtūmagkili iyi.

I. Yoane. 3:10

tawi faneteme worumpi sat popōwo yemumprokomol ugi Nōbū. Umagkilora ōvun netni eni Nōbū, ĭm ōvun netni setan sugkū: iyi mori otū umpi aremai tawi iyi isen Nōbū, ĭm iyi sugkū mori otum nelintugi avinsai eni.

I. Yoane. 3:21

Ravūgsaime paū, nagkū nowant otūonūrian irant; ĭtnesog kos mōmū faneteme woratekisah pugi Nōbū;

I. Yoane. 5:1

Irora sū mori ūmantavniri ma Iesū oti Krĭstō ūmmprokomol ugi Nōbū: irora sū umnelintokonda ōvetemenda ōvunyan umnelintokonda ōvunyan isenda sugkū.

Reveleson 2:28

sugkū ya okevai marugi Itemen enyaū; ĭm ya ampuig mosi ūyaros.

Reveleson 22:4

ĭm irora wagesi nipmi isen; ĭm ante nin isen ra nafininda.