I. Timote 6:18 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹⁸ ma irora wonumpi aremī, ma irora wonumpi aremī ōvun numpurak aremī sikat, ma irora wonelintokonda ugi netevūrah;

I. Timote 6:18 ပူးပေါင်းရင်းမြစ်များ

Matiyu 5:42

Ovugi iyi mori umnesenugkik; Im polsugkū sĭ umnakĭugi worevīugi lap enugkĭk, etūsiugi.

Nam Navosavos Eni Luk 12:21

Im iyi sī umentavĭnepon noete nĭsekon iyi, metū tavĭnepon nōete itnesog ūnpokōp, iyi mori sugkū imo neteme nōete.

Nam Navosavos Eni Luk 3:11

Miyi yemtamsi memenūwi punora memokū, Iyi sī umantipe isen semplaūon dūrū ampugi sī tawi isen; miyi sī umantipe isen nevag onumpi sugkū.

Ovun Apostol 10:38

nokowo Nōbū yemavūi Iesū neteme Nasaret ugi Naviat Tumpora ĭm horog: mori yemavan, memnumpi aremī, memumkororĭgives irora mori dūm molaswoni ugi sētan; popowo Nōbū ūtidū iyi.

Ovun Apostol 11:29

Movnūrie omwisū dūmūnūwi mūmokū, wōntamuli ōvun itemas woretevūrak wokonda isenda ravensieme ra Yūdia sugkū irora dūmūtipe:

Ovun Apostol 9:36

Im sī nūrie ra Yoppa nin eni Tabisa nalig Dorkas, imo navisen yemnumpi ōvun numpūrak aremī sikat, mov numpelēves.

Netiyi Eni Pol Apostol Punora Oveteme Rom 12:13

ūvun ora ōvun tavniri norumkora; ūte horog kĭmi ugi navūgonora oveteme dan sū.

Netiyi Eni Pol Apostol Punora Oveteme Rom 12:8

iyi mori umesuki ves pun ora woreti nowanda, aremi iyi ante mafinte aremī imo numpūrak isen: iyi umnumpi ĭtemas, aremī iyi unumpi ugi nowan ūnisog itnesog; iyi mori umafinte ōveteme sugkū numpūnda, aremī iyi onumpi imo ugi natekisah dan sū; iyi mori umentogesovolora, aremī iyi onumpi imo ugi nowan navosavos.

I. Korint 16:2

Ran dan nōbūm ra wik ūtipe muni kĭmi sū omwisū nimsin sugkū Nōbū umampugkūm siame sū, ma sugkū otū wumpi sī koleksen ra nempugon ya ampelum.

II. Korint 8:12

Im umagkū aremī iran neteme, nagku iyi umnakīugi wosesitū, ĭm tawi ugi imo siame nugkugko iran worevi, kō ugi imo isen.

II. Korint 8:9

Popōwo kĭmi kūmagkili Itemas paū eni Novsūromon Iesū Kristo, ma, iyi yeti neteme nōēte, kō yemyeti neteme norumkor popōwo ugi kĭmi, ma kĭmi kwante ōveteme nōēte popōwo ugi norumkor isen.

Kalesia 6:10

Popōwo pe aremī kos kelen atekisah ra ōvun nempugon aremī enugkos worumpi ōvun numpūrak aremī nisekonda ōveteme omwisū, kō tamas nisekonda ōvun tavniri.

Efesus 4:28

Iyi mori yemumprok otū onumprok nempugon sī mōmū ĭndowi: kō mōmū aremī iyi ontorugat mōmumpūrak ugi nokoven siame aremī, ma ante mōmū sie isen worevunora ōvun norumkora, ūtō amne marugi nugūmi sī nam sat,

I. Timote 5:10

ūmanūwi aremī ugi numpūrak aremī ovunyan enirora, nagkū dūmavegonora ōvun domo, nagkū dūmandewugi nowanda ōveteme aremī, nagku dūmelĭntokonda ōvun norĭgumpūnū, nagkū dūmūri unam ōvun numpurak aremī omwisū.

Tītus 2:14

iyi mori yespentenimpe iyi nisekont, ma iyi amkosēyōwara marugi ōvun sat sū omwisū, ĭm sendomsi sentevives sī netevokontū nisekon, mori ūmnatekisah ra ōvun numpurak aremī.

Tītus 3:8

Nam ĭtnesog imo, ĭm ugi imo sū siame yakum nakiugi ma kosūlives ugi dan sū, ma sugkū irora mori dūmūtavniri ra Nōbū, wafinte aremī worumpūrak ra imo sū aremī indowi. Imo sū siame oti aremī nisekonda ōveteme mirora wampi nipmi ugi:

Hibru 13:16

mori pe, novwan nugont ūmanūatumpene, nin eni. Kō ētūtavrivri worumpi aremī ĭm woretalug ugi muni: popōwo Nōbū umnavos ugi ōvun sakrefis sugkū imosū.

Yakobo 2:5

Urigi, ravūgsīeme paū; kĭmi kūmagkili ma Nōbū yemtampolora mori ovunnorumkor ra siame ra nemap woreti ōvun nōēte ra tavniri, ĭm woreti ōvun tampenum ra lō mori yepmenūwi ugi nisekonda mori ūmnelintugi iyi.

I. Piter 3:11

Im aremi iyi ontorileki marugi netevani ūr menumpi aremai; Mesorugi ninparata, ĭm menūri.

I. Yoane. 3:17

Iyi mori neteme nōēte, ĭm nagkū iyi otūtarugi ĭm nelantugi avinsai norumkora eni, tawi sai netinlugi eni Nōbū ūnisog iyi.

III. Yoane 1:11

Avūg pau, etū uri imo mori ūr, kō uri imo mori aremai. Iyi mori umnumpi aremai umamne ra Nōbū: kō iyi mori umnumpi ūr yetokesi Nōbū.