I. Teselonia 4:4 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

⁴ ma kĭmi omwisū wafinte nokoliō sirami, ma kĭmi kwante sentevives ĭm aremī,

I. Teselonia 4:4 ပူးပေါင်းရင်းမြစ်များ

Ovun Apostol 9:15

Novsūromon yōmenūwi pugi memokū, Eveve ĭt iyi nūrah yaotampoli nisekūg woruriuki nin ūnĭminda lōsū, movun natemonok, mōveteme Isrēel sugkū:

Netiyi Eni Pol Apostol Punora Oveteme Rom 1:24

Popōwo pe Nōbū yemtinepe irora pugi ōvun nilasivian sat ūnōwanda ra nililūo, ma sugkū wonumpi narumprum ra nokolisiranda dal irora:

Netiyi Eni Pol Apostol Punora Oveteme Rom 12:1

Im popōwo pe ya umneserugkūm, ravūgsīeme, ugi ōvun nelĭntugi eni Nōbū, memagkū utenimpe nokolisirami, sokowara amūrepwi tumpora, aremī ugi nisekon Nōbū, mori ĭtnesog umante irami worumpi.

Netiyi Eni Pol Apostol Punora Oveteme Rom 6:19

Yakum manūwi sugkū netevarū neteme popōwo ugi netromoro ra nokolisirami popōwo pe kĭmi kūtĭnepe ōvun nivlugkon nokolisirami wotrelĭvsaū ra nililūo ĭm ra sendoikie pugi sendoikie, sugkū marima aremi ūtĭnepe ōvun nĭvlugkon enugkimi omwisū worelĭvsaū ra tanepoves ma wanti aremī ugi.

I. Korint 6:15

Kūmūtūkili kĭmi ma nokolisirami oti nĭvlugkon nokolisiran eni Krĭstō? ya ampi nĭvlugkon nokolisiran Krĭsto memumpi irora nĭvlugkon nokolisiran nasiven tori kū?

I. Korint 7:2

Tawi aremi nateman ante ūndū nasiven. Kō popōwo ugi tampalaū mōmū aremī neteme ampi retepon isen mantĭndowi ūndū iyi, ĭm nasiven ampi asūon isen sugkū mantĭndowi ūndū iyi.

I. Korint 7:9

Pot nagkū nugkugko iranda woretindowi sentevives, aremī irora wontūok: popōwo mōmū aremī worotovrugi, kō ĭtokoveki nĭlasĭvevian sat.

II. Korint 4:7

Kō yakum mandeoki imo siame tamas aremī ra nurah ra nemap, memagkū amne ra Nōbū horog nusian tantevakepe, ĭm tayi ugi yaū;

Filipi 4:8

Im aveni, ravūgsīeme, siame mori Itnesog, siame mori sesie, siame mori tanepo, siame mori sentevives, siame mori aremī, siame mori ūmnumpūvsok aremī ugi; nagkū sī netevarū aremī, ĭm nagkū sī narigi, ūtarūwokonda imo siame.

Hibru 13:4

Aremi nimpokelah tanepo dal kĭmi omwisū. Kō Nōbū onūrian iranda ōvun tumpugin ĭm ōvun tampalaū.

I. Piter 3:7

Im kĭmi sugkū rasewondeme, kwante aremi dal irora retepmime ra nointanwi, mūsesieves iranda ovasiven popōwo irora mōmū nemeloklo ra nokolisiranda, ĭt kĭmi ōvun tampenūm dal irora ugi ĭtemas pau nomūrep; ma sugkū ūtū sompat ōvun nesenug enugkĭmi.