I. Teselonia 4:3 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

³ Nam eni Nōbū imo, ma kwante aremī wokon kĭmi, ūtū umpi tampalaū;

I. Teselonia 4:3 ပူးပေါင်းရင်းမြစ်များ

Matiyu 12:50

Iyi sĭ onumpi sugkū nam eni Itemeneyaū ūnpokūp, iyi mori avūgsĭ, ĭm vevenug, ĭm name.

Matiyu 15:19

Imosū umamne ra nōwan, tarūsū sat, ĭm temelemel ĭm tampalaū, ĭm tumpugon, ĭm numprok, ĭm tesūi namlĭ, ĭm nam sat; imosū mori, umnumpi neteme nelĭlūo;

Matiyu 5:32

Kō ya umanūwi pugkūm memagkū, iyi sī osatevugi retepon kū entawi popōwo ugi tampalaū eni, umnumpi iyi worōmentam-paīaū; miyi sī ōmenetovrugi iyi mori satevugi, umen-tampalaū.

Matiyu 7:21

Tawi omwisū mori ūmanūwi magkū, Novsūromon, Novsūromon wonintorĭmpe ra lō ūnpokūp; irora wokon mori um nokompeli nam eni Itemeneyaū ūnpokūp.

Mark 3:35

Iyi sĭ mori onumpi sugkū Nōbū umnakīugi, iyi mori oti avūg sĭ, īm vevenūg īm name.

Yoane 4:34

Sī ovugi nevag kū? Iesū yōmenūwi punora, memokū, Nevag sorūg worumpi tarū eni Iyi mori yemtamūli yaū, monokompeli numpūrah eni.

Yoane 7:17

Nagkū sī umnakīugi worumpi sugkū tarū eni, iyi agkili ugi nam tavsogi mori, nagkū eni Nōbū, kū nagkū ya umasepen nenūwi.

Ovun Apostol 15:20

kō kos kelentĭyi nam punora ĭm lagkū irora wawisep ov numpūrak sū iteovuki ugi sokowar ugi ov natemas, im tampalaū, ĭm siame nōrak sū dūmaleki wanda, ĭm dē.

Ovun Apostol 15:29

Kwawisep nevag ūmūsokowora ugi iranda ōvun natemas, ĭm dē, ĭm nūrah sū dūmaleki wanda, ĭm tampalaū; nagkū kĭmi kwafinti kĭmi marugi imosū kwonumpi aremī; ūte unam, ūte horog, usepen torugat aremī.

Ovun Apostol 20:32

Im marima ravūgsīeme, ya kum magkū kwampe pugi Nōbū ĭm nam ugi ĭtemas-e-pau isen mori horog worumpi kĭmi worenug nampug kim nūrū ves dal irora mori yemumpi irora sentivives.

Ovun Apostol 26:18

Woretīpelah niminda, worevoli marugi nĭlebokevat ra nilara, marugi horog eni Sētan ra Nōbū, mampi nefielentugi sat sū, ĭm nūrū dal irora mori dūmnumpi irora tumpora ugi tavniri ra yaū.

Netiyi Eni Pol Apostol Punora Oveteme Rom 1:29

worumpi ōvun siame tawi aremī worumpi, dūmūvwarugi ōvun nagkaū omwisū, sat, nakiugi noete nakan okini; ūvwara ugi narakīwi, talugi, nesesaū nimpiri, nakan tavtiti;

Netiyi Eni Pol Apostol Punora Oveteme Rom 12:2

Utūte kĭmi ra netevarū sugkū lō ra nemap: kō ūte kĭmi sī ugi nōwami ĭtevaū, ma kĭmi wagkili tarū eni Nōbū, mori siame aremī ĭm nugko ĭm tanepoves ūnĭpmi eni.

Netiyi Eni Pol Apostol Punora Oveteme Rom 6:22

Kō marima popōwo dūmū tĭnepe kĭmi marugi sat, ĭm kūmūte ōvun lĭvsau eni Nōbū, kūmūvī novwan mori umnumpi aremī ugi, ĭm ra nisah nomūrep ūbrūni.

I. Korint 1:30

It kĭmi kūmante ra Iesu Krĭstō ugi Nōbū, yemete nisekont nointanwi marugi Nōbū, ĭm tanepoves, ĭm nelugelugeves, ĭm nēyōwareves;

I. Korint 7:2

Tawi aremi nateman ante ūndū nasiven. Kō popōwo ugi tampalaū mōmū aremī neteme ampi retepon isen mantĭndowi ūndū iyi, ĭm nasiven ampi asūon isen sugkū mantĭndowi ūndū iyi.

II. Korint 12:21

kū entawi, pol sugkū ya ampelum Nōbū enyaū onumpi yaū naruprom ūnemetemi, ĭm ya onageri iranda oveteme sikat dumumpi sat, mūtūrĭgi nesorū ĭm norĭgumpūnū ūnōwanda ugi nililūo ĭm tampalaū im nilasivien sat mori irora dumumpi.

Kalesia 5:19

Umagkili numpūrak ūnōwant etūwi, iroromo imosū; tampalaū, nililūo, nilisivian sat, tevita ra natemas, natemasevī, ōvun nakan, nesesaū, norĭgi sat,

Efesus 5:17

Popōwo pe ūtūte ugi neyompele kĭmi kō ukili nam eni Novsūromon.

Efesus 6:6

tawi sugkū ūnĭmĭnda worokesi, sugkū umnumpi worevi narĭgi morokonda, ōveteme; kō sugkū ōvun lĭvsaū eni Krĭstō wumpi nakiugi eni Nōbū marugi nowami;

Kolose 1:9

Popōwo pe sugkū marugi dan mori kam lorigi ugi pe, kam letūwi worefwaki ĭndowi mōmesenĭgi nisekomi, ma kwampwarugi kĭmi ugi nointanwi ugi nakūrgi isen ra ōvun nelekon ĭm nelavenūri ra Naviat,

Kolose 3:5

Utalokonda mūtūrĭgora ōvun nakiugi ūr enugkimi ra nemap; mori nilasivien sat, nililūo, nakan, nakūugi sat, ĭm morigi sat ugi noete, popōwo imo eti tevita ra siame;

Kolose 4:12

Epafaras, neteme enugkimi, livsaū eni Iesū Kristo, emagkū kĭmi paū, ĭt iyi umnatekisah ĭndowi nisekomi ugi nufwaki isen, ma kimi kwante tanepoves ĭm ūnam ĭndowi aremī ra nakiugi omwisū eni Nōbū.

I. Teselonia 4:2

Popōwo kĭmi kūmagkili nempasewugi kūmūvī marokoyaū ra Iesū Novsūromon.

I. Teselonia 4:4

ma kĭmi omwisū wafinte nokoliō sirami, ma kĭmi kwante sentevives ĭm aremī,

I. Teselonia 5:18

popōwo imo oti nam eni Nōbū ra Iesū Krĭstō nisekomi.

I. Teselonia 5:23

Im iyi pe iyi Nōbū ninparata onumpi kĭmi tumpora ĭm aremī ĭndowi; ĭm aremī naviat enugkimi ĭm nowami ĭm nokolisirami wantĭndowi aremī ĭndowi, ĭm tawi sie sī pol sugkū Iesū Krĭstō Novsūromon enugkos ampelum.

Teselonia 2:13

Kō ĭt oti aremī ma ya onumpalugi pugi Nōbū nisekomi dan sū, ravūgsĭeme ōvun nelĭntugipau eni Novsūromon, popōwo pe Nōbū yemtampolekūm marugi natipotnin ma wumkumēyōwara ra sentevives enugkĭmi ugi Naviat ĭm tavniri ra nam ĭtnesog:

Tītus 2:14

iyi mori yespentenimpe iyi nisekont, ma iyi amkosēyōwara marugi ōvun sat sū omwisū, ĭm sendomsi sentevives sī netevokontū nisekon, mori ūmnatekisah ra ōvun numpurak aremī.

Hibru 10:36

It aremī nisekomi woreti ugi nemolsep, ma, polsugkū kwonekompeli sū sugkū tarū eni Nōbū kĭmi kwampi imo mori aremī dūpmūnūwi ugi.

Hibru 12:16

kū antepū noatnin sie sī nakan worumpi neyompeligivi nowami, mōmumpi ūr ōveteme tamas ugi; kū entawi ante sī neteme tampalaū, kū neteme sendoeikia, sugkū Iso, more iyi netemefe, kō popōwo ugi nevag sīteven isevasi nete monok isen iyi.

Hibru 13:21

wumpi kĭmi aremī ĭndowi ra tiame sū omwisū worumpi sugkū nakiugi isen, worumpi ūnisog kos imo mori aremī ūnipmi isen, ugi Iesū Krĭstō, antemante pugi nilasilaswi ūvūm nevisū indowi indowi Amen.

Hibru 13:4

Aremi nimpokelah tanepo dal kĭmi omwisū. Kō Nōbū onūrian iranda ōvun tumpugin ĭm ōvun tampalaū.

I. Piter 1:2

ugi nesepen nokili eni Nōbū Itemen ugi tumporoves eni Naviat ugi nalekoleki nam ĭm ugi navokūm ugi de eni Iesū Krĭstō Itemas paū pugkūm ĭm ninparata antin tandamsah.

I. Piter 4:2

ma kĭmi ūtūwanti ra nugkon nomūrep enugkimi umante tovūni nilasivian isenda ōveteme, kō ugi tavniri pugi Nōbū.

I. Yoane. 2:17

Nemap umampia, ĭm nilasivian isen: kō iyi mori umnumpi sugkū tarū eni Nōbū antindowi ūvum nevisū.

Reveleson 21:8

ĭm ya ante Nōbū isen ĭm iyi ante netūg yaū. Kō ugi irora mori, ōvun netromoro, ĭm ōvun netūtavnirigi, ĭm ōvun nokosinda, ĭm ōvun talugi, ĭm ōvun tampalaū, ĭm ōvun sokowar, ĭm irora umenteveta ra ōvun natmas, ĭm ōveteme ūmanūwinamlai, irora wantindowi ra mumpon nūrū mori umnaū ugi nom ĭm narūkas; ĭm imo oti nemas ra nisah.

Reveleson 22:15

Wantindowi ratilat wokon ōveteme ūr ōvun kūri, ĭm ōveteme umnumpi sokowar, ĭm ōvun tampalaū, ĭm ōvun talugi, ĭm irora ūmunteveta ra ōvun natmas ĭm irora sū omwisū ūmnelintugi namlai ĭm umanuwi namlai.