I. Teselonia 2:6 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

⁶ Nōbū numpūvsok ugi; ĭm kam letūsorugi narĭgi morokonda oveteme, ĭm tawi marugkūm, ĭm morokonda mē sī, kō it oti tanepo ĭm aremi worfinte kam ĭm woresugkam sugkū, apostol eni Krĭsto.

I. Teselonia 2:6 ပူးပေါင်းရင်းမြစ်များ

Kalesia 1:10

Ya otūm nakiugi nani nemolsep eni neteme, kō isen Nōbū wokon: ya otum nakiugi narigi isen neteme; nagkū ya umnumpi ĭndowi irag nam paū eni neteme, tawi yaū lĭvsaū eni Kristo.

I. Teselonia 2:9

Popōwo kĭmi kūmagkili rapmame, numpurak ĭm nagelaū enugkam: ĭm kam lagelaū pūmrok ĭm pūakas, ma ka keletū tipe numpokentom iran mē sū irami, ĭm kam litorenūwi pugkūm nam navosavos eni Nōbū.

Yoane 5:44

Kimi kwontavnirĭgi nokowo? kĭmi kumumpī nevietevisep marugkūm, ĭm kūtūmnesorugi nevietevisep mori umamne ra Nōbū wokon.

Yoane 5:41

Ya ōtumampī nilasilaswi marokonda ōveteme.

I. Timote 5:17

Irora wosesieves aremī ōveteme omwisū, ĭm tamas mōmū irnada mori ūmentorugat ra nam ĭm ran tavsogi.

Kalesia 5:26

Im aremī kos keletūon tarū nugkugko ūnōwant, worumpi nesorū irant pe kos, ĭm neworemesat.

II. Korint 13:10

Im popōwo pe sugkū ya um netiyi imo siame pol sugkū yaū isūt, ma ya otū onumpi nugkugko pol sugkū yaū dal kĭmi, sugkū horog mori Novsūromon yemovoyaū worumpi horog oveteme, Im tawi worokinora.

II. Korint 4:5

Popōwo ya otū torenūwi yaū, kō Iesū Krĭstō Novsūromon, ĭm yaū sugkū lĭvsaū wokon enugkimi popōwo ugi Iesū.

I. Korint 11:9

ĭm sugkū dūtū umpi nateman nisekon nasiven; kō nasiven nisekon nateman:

Yoane 12:43

ĭt irora dūmolintugi nevietevisep enirora oveteme mōmū ra nevietevisep eni Nōbū.

Yoane 7:18

Iyi sī umasepen nenūwi umnesorugi nevietevisep nĭsekon; kō iyi sī mori umnesorugi nevietevisep nisekon iyi mori yemtamūli, iyi ĭtnesog, miyi tanepo wokon.

Kalesia 6:13

Im iroromo mori dūmūvī namon iranda irora ūtūm nalekoleki nam alam; kō irora ūmnakĭugi ma kĭmi kwampī namon irami memagkū irora wanūwi narĭgi enirora ugi nokolisirami.