I. Piter 4:13 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹³ popōwo kĭmi kūm mavremūgi ōvun nesorū eni Krĭstō, ma sugkū ra nempugon antūratumpeni nilasilaswi isen kĭmi kwampi sugkū navosavos nūsian tamas.

I. Piter 4:13 ပူးပေါင်းရင်းမြစ်များ

Matiyu 16:27

It iyi Netni eni neteme ōmampelum ra nilasilaswi eni Itemen eni mōvun agelō eni dal; miyi ontampenĭgi iranda ōveteme omwisū ugi numpūrahsū enirora. Itnesog, ya umanūwi pugkūm memagkū,

Matiyu 25:21

kemumpi tanepō ugi virok, ya antipe kĭk worivūo ugi sikat, elum ūnisog navos ūndū Narisah enugkĭk.

Matiyu 25:23

Narisah eni yemenūwi pugi memokū, Aremī lĭvsaū aremī ĭm tanepō; kemumpi tanepō ugi virok, ya antipe kĭk worivūo ugi sikat; elum ūnisog navos ūndū, Narisah enugkĭk.

Matiyu 25:31

Pol sugkū Netni eni neteme ōmampelum ra nilasilaswi eni, mōvun agelō tumpora omwisū dal, iyi antesep ran tan potnumpūtūo nilasilaswi eni,

Matiyu 25:34

Miyi Novsūromon anūwi punora ra nokoven meves eni magkū, Uvelum kĭmi ōvun nevĭeves eni Itemen yaū, ūvĭ lō yepĭmsiman nĭsekomi marugi natipotni nemap;

Matiyu 5:12

Wavos mūvokotekat, ĭt nĭpmi enugkĭmi ūnpokūp tamas; ĭt irora dūpmampīĭndi ōvun profet sugkū, mori dūm-mūbūm irami.

Mark 8:38

Popōwo pe, iyi sī mori onarumprum ugi yaū, ĭm nam enyaū ūnĭpmi imo palsi satindi im tampalaū; Netni eni neteme onarumprum ugi iyi, pol sugkū iyi ampelum ra nilasilaswi eni Itemen dal ōvun nagelō tumpora.

Nam Navosavos Eni Luk 17:30

Wanti sugkū imosū ra dan mori ōmantūratumpeni Netni isen neteme.

Ovun Apostol 16:25

Im ratūnemis pūmrok Pol ĭm Sīlas dūmūfwaki mūmarūfo ves ov numplen Nōbū, movun nēeti mōmū ūnisog dūmūrig ora;

Ovun Apostol 5:41

Mirora dūmūve mūwi irora ra naūor, mūmavosavos mūmokū irora aremī worevi narumprum ugi nin eni.

Netiyi Eni Pol Apostol Punora Oveteme Rom 5:3

Im tawi imo wokon, kō aremi ko kel lenavos ūg norĭgumpūnū enugkos, popōwo ko kem lagkili ma norĭgumpūnū umnumpi nemolsep:

Netiyi Eni Pol Apostol Punora Oveteme Rom 8:17

ĭm nagkū kos ōvun netnime, kos ōvun nevi; worevi siame eni Nōbū kel andiuki nesorū ūndū iyi, ma kos kel ampi ōndū moĭmpi narigi ugi ūndū Krĭstō; nagkū ĭtnesog kos kelampī ūndū iyi nilasilswi.

Netiyi Eni Pol Apostol Punora Oveteme Rom 8:18

Popōwo yakum manūwi memagkū ĭt irora ōvun norĭgumpūnū marima nĭndewavū wokon ĭm tawi worenūwi ugi irora popōwo ugi nilasilaswi mori umanūatumpene pugkos.

II. Korint 1:5

Popōwo umante irag norĭgumpūnū horog ugi Krĭsto, ĭm sugkū umante nisekūg nemolsep horog popōwo ugi Kristo.

II. Korint 1:7

ĭm tarū ves irami enyaū umante ūnam; ĭm ya umagkili, ma sugkū kūmūvī norĭgumpūnū, kĭmi kūmūvi sugkū nemolsep.

II. Korint 4:10

yakum mandeoki indowi ra nokolisirag nemas eni Iesū, ma osesi sugkū nomūrep eni Iesū ra nokolisirag.

II. Korint 4:17

It virok ĭm botibot norĭgumpūnū enugkos, umnumpi nisekont tamas mōmū navosavos ūvūm nevi sū indowi;

Filipi 3:10

ĭm horog nevsorasah isen, ĭm lante ūndū iyi ra ōvun norĭgumpūnū isen, ĭm sugkū iyi ra nemás isen;

Kolose 1:24

Im ya umnavos ra mumpon norĭgumpūnu enyaū popōwo ugi kĭmi, ĭm okompeli norĭgumpūnū yemete isen Krĭstō, ra fan enyaū popōwo ugi nokolisiran, mori nilpon sī lō tumpora;

II. Timote 2:12

nagku kos kim livī ūr kos kel amūrep ūndū iyi: nagkū kos kĭmletūvi iyi, iyi otū ampi kos sugkū: nagkū kos ōvun tavniri nĭmpiri,

I. Piter 1:13

Popōwo ūaiti avsivsi netoetigi ūnōwami, ūfinte netevarū enugkimi, ūratevetūwi ugi tarū sīteven ra itemas paū mori ampelum pugkūm polsugkū Iesū Krĭstō anturatumpene;

I. Piter 2:21

Popōwo dūmūtampolekūm ugi: popōwo Krĭstō yivi norigumpūnū nisekomi, nemtinepe safi magkū kwonūri nampon nowon isen;

I. Piter 5:1

Ya um menūatokeli punora ōvun tavsogi ūmanūwi nam pugkūm, yaū mori yaū sī tavsogi, ĭm numpūvsok ugi norigumpūnū eni Krĭstō, ĭm neteme ampi dal ōveteme isen nilasilaswi mori anturatumpene:

I. Piter 5:10

Im Nōbū ĭtemas paū omwisū mori yemtorokūm ra nilasilaswi unam indowi ra Krĭstō, kō mampūm kwandigi lap nesorū nempugon virok, iyi pe iyi amkūmēyōekūm, menumpi kĭmi horog ĭm ūnam ra tavniri.

Netaiyi eni Jūd 1:24

Im pugi iyi mori faneteme woresemsempari irami marugi itakeli omwisū, ĭm woretipe kĭmi ūn-nipmi nilaūlasewi isen nūūan ugi navosavos ampekotekat enugkĭmi,

Reveleson 1:7

Urigi, iyi ampelum ra numpūaū; ĭm ōveteme omwisū wagesi iyi, ĭm irora mori dūse iyi; ĭm wantintogageri sah lō sū omwisū ra nemp. Aremai sugkū, Amen.

Reveleson 1:9

Yaū Yōane, avinsai enugkimi, ya mori saiteven dal kĭmi ra norigumpūnū enugkos, ĭm ra tiami ra narisah isen Iesū, yaū meti ra ailand mori, nin Patmos, popōwo ugi nam eni Nōbū, ĭm ugi numpūvsok ra Iesū Krĭstō.