I. Piter 3:11 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹¹ Im aremi iyi ontorileki marugi netevani ūr menumpi aremai; Mesorugi ninparata, ĭm menūri.

I. Piter 3:11 ပူးပေါင်းရင်းမြစ်များ

Matiyu 5:45

ma kĭmi wanti ōvun netnime eni Itemen kĭmi ūnpokūp ĭt iyi umeselieli nĭpminen umentūok iranda ōvetemĭndi mōveteme aremī, mementamūli nebĭp iranda ovun tanepō īnōvun sempiri.

Matiyu 5:9

Nevĭeves ōvun tasiasie, ĭt wonatov ninda ōvun netnime eni Nōbū.

Matiyu 6:13

Metūtōrokam ran tapmi, kō semsimpari iramam marugi sat sū; ĭt lō enugkĭk, ĭm horog, ĭm nilasilaswi, ūvūrn nevisū, ĭndōwi, ĭndōwi. Amen.

Mark 14:7

Ovun narumkor dal e kimi dan sū ĭm pol sugkū kimi kūmna-kĭugi kimi faneteme woresitū iranda, ĭm yaū, yaū tawi dal ekĭmi dan sū dan sū:

Nam Navosavos Eni Luk 1:79

Mokū ampunora nilara, mori ūmantesep ra nelebokevat ĭm namolĭn nēmas, Montōrokos ra selat ninparata.

Nam Navosavos Eni Luk 6:35

Kō wolintokonda ōv novsen nakan soremi. Wumpelēves, mūvugi wokon, mūtūōmamtemetemetugi mōmū, im nipmi soremi wanti tamas, ĭm kimi kwanti ovun netnime isen Tantevakepe; ĭtiyi umnumpelēves iranda mori ūtūmumpalugi, mōvetemendi.

Nam Navosavos Eni Luk 6:9

Miyi yemtūok metūrū. Im Iesū yōmenūwi punora memokū, Ya ontagkolokūm sī, Ra danemindog aremi worumpi aremi, kū worumpi sat? woreviēōwara, kū woretalugi?

Yoane 17:15

Ya otūmnesenugkĭk memagkū kampī irora marugi nemap, ya umagkū kafĭnte irora marugi sat sū.

Netiyi Eni Pol Apostol Punora Oveteme Rom 12:18

Nagkū kĭmi faneteme ugi, ūte ugi ninparata dal oveteme omwisū.

Netiyi Eni Pol Apostol Punora Oveteme Rom 14:17

popōwo tanepo eni lō eni Nōbū tawi woreni (nevag) ĭm woremoneki, kō tanepoves ĭm ninparata ĭm navosavos ra Naviat Tumpora.

Netiyi Eni Pol Apostol Punora Oveteme Rom 14:19

Popōwo pe aremai kos kelenumpi tiame imo sū umnumpi ninparata ugi,

Netiyi Eni Pol Apostol Punora Oveteme Rom 5:1

Im popōwo umagkū kos ōvun tanepo ugi tavniri, aremī ko kel umpi irant nĭnparta eni Nōbū ugi Iesū Kristo Novsūromon enugkos;

Netiyi Eni Pol Apostol Punora Oveteme Rom 7:19

Popōwo siame aremī mori yakum nakiugi, ya otūm numpi: kō siame ūr mori ya otūm nakiugi, yakum numpi.

Netiyi Eni Pol Apostol Punora Oveteme Rom 7:21

Im sugkū yakum mandigi irag, ma, pol sugkū ya magkū worumpi aremī, sat umante ūndū yaū.

Netiyi Eni Pol Apostol Punora Oveteme Rom 8:6

Ovun nakiugi ūnōwag, etūwi oti nemas, kō nakīugi siame isen Naviat Aremi oti nomūrep ĭm ninparata:

Kalesia 5:22

Kō novwan ugi Naviat Tumpora oti imo; nelintugi, navos, ninparata, natekisah indowi, numpeleves dan sū iranda ōveteme, nowan aremī, tanepoves,

Kalesia 6:10

Popōwo pe aremī kos kelen atekisah ra ōvun nempugon aremī enugkos worumpi ōvun numpūrak aremī nisekonda ōveteme omwisū, kō tamas nisekonda ōvun tavniri.

Kolose 3:15

Im aremī ante tamas ūnōwami nelĭntugi eni Krĭstō dūmūverugkūm ugi imo ra nokolisiran sīteven; mōmumpalugi kĭmi.

I. Timote 6:18

ma irora wonumpi aremī, ma irora wonumpi aremī ōvun numpurak aremī sikat, ma irora wonelintokonda ugi netevūrah;

Hibru 12:14

Usorugi ninparata tovun ora ōveteme omwisū, ĭm wumpi aremī, iyi sī kū sī mori otū onumpi imo otū agesi nipmi Novsūromon:

Hibru 13:16

mori pe, novwan nugont ūmanūatumpene, nin eni. Kō ētūtavrivri worumpi aremī ĭm woretalug ugi muni: popōwo Nōbū umnavos ugi ōvun sakrefis sugkū imosū.

Yakobo 4:17

Im popōwo pe sugkū iyi mori umagkili worumpi aremī, metum mumpi, imo oti sat isen.

I. Piter 3:12

Popōwo Novsūromon umentopotneme iranda ōvun tanepo, Miyi emandegi nesenug enirora; Kō Novsūromon ementevivat iranda mori ūmnūmpi ūr.

III. Yoane 1:11

Avūg pau, etū uri imo mori ūr, kō uri imo mori aremai. Iyi mori umnumpi aremai umamne ra Nōbū: kō iyi mori umnumpi ūr yetokesi Nōbū.