I. Piter 1:6 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

⁶ Ugi imo Kĭmi kūmavos tamas, kō marima ugi nempugon potipot nagkū aremī ūmantipe norigumpūnū irami ugi ōvun tapmi sikat,

I. Piter 1:6 ပူးပေါင်းရင်းမြစ်များ

Matiyu 11:28

Uvelum poyaū kĭmi sū ōvun nelĭleki mōvun nutnpōhentom, ĭm ya ampugkūm nemĭndog.

Matiyu 26:37

Miyi yemtori Piter, mov netnime endūrū eni Sepedi, mematipotni morĭgumpūnū tamas, memlaswoni iyi tamas.

Matiyu 5:12

Wavos mūvokotekat, ĭt nĭpmi enugkĭmi ūnpokūp tamas; ĭt irora dūpmampīĭndi ōvun profet sugkū, mori dūm-mūbūm irami.

Nam Navosavos Eni Luk 1:47

Im naviat sorūg umnavosavos ugi Nōbū Nēōwara sorūg,

Nam Navosavos Eni Luk 10:20

Kō, ūtūavos ugi imo, popōwo ōvun naviatindi ra mumpon kĭmi; wavosavos popōwo yemetīyi nin soremi ūnpokōp.

Nam Navosavos Eni Luk 2:10

Miyi nagelō yemenūwi punora memokū, Utumtetugi, ĭt ya umandiuki nam aremi pug kūm, nam navosavos mori wontorenūwi punora ōv netevo-kontū omwisū.

Yoane 16:22

Im kĭmi marima kūmandugompūnū; kō, ya ōmagkusokūm ĭm kĭmi kwonavos ūnōwami, ĭm tawi sī ampī parugkūm navos enugkĭmi.

Yoane 16:33

Ya onūwi imo pugkūm ma kĭmi kwampi ninparata ra mumpon yaū. Kĭmi kwampi nevīesesat ra nemap; kō, wavosūwi; ya oke-tantevakepesū nemap.

Ovun Apostol 14:22

ōvun nūrie sikat dūmūtorileki ra Listra ĭm Ikonium, ĭm Antiok, Mūmnumpi tavniri worenug ūnowanda ōvnurie mū movravsokonda woretindowi ūnam ugi tavniri, mūmūnūwi mūmokū kos kelenin torimpe ra lō eni Nōbū, ugi sokomūlep sikat.

Netiyi Eni Pol Apostol Punora Oveteme Rom 12:12

ūratevetūwi ugi navosavos; ūte ugi nemolsep ra nesorū norĭgumpūnū; wofwaki ĭndowi;

Netiyi Eni Pol Apostol Punora Oveteme Rom 5:11

ĭm tawi imo wokon, kō kos kem linavos ra Nōbū ugi Iesū Krĭstō Novsūromon soret, mori kos kem levī marugi iyi mori imo nemolsep (tovūne Nōbū).

Netiyi Eni Pol Apostol Punora Oveteme Rom 5:2

mugi iyi ko kel lentorĭmpe ugi tavniri ra itemas mori ko kel evī, memavos memtavetūwi ugi nilasilaswi eni Nōbū.

Netiyi Eni Pol Apostol Punora Oveteme Rom 9:2

ma yakum mandegi norĭgumpūnū horog ĭm nesorū dan sū ūnowag.

II. Korint 4:17

It virok ĭm botibot norĭgumpūnū enugkos, umnumpi nisekont tamas mōmū navosavos ūvūm nevi sū indowi;

II. Korint 6:10

sugkū neteme ūmeselatevi iyi, kō dūtū talokoyaū; sugkū neteme norĭgumpūnū, kō yakum navos dan sū; sugkū neteme norumkora, kō dūvl nōēte ōveteme sikat popōwo ugi yaū; sugkū neteme tawi noete isen, kō siame nōēte omwisū sorūg yaū.

Kalesia 5:22

Kō novwan ugi Naviat Tumpora oti imo; nelintugi, navos, ninparata, natekisah indowi, numpeleves dan sū iranda ōveteme, nowan aremī, tanepoves,

Filipi 2:26

popōwo yemelĭntugkūm tamas, memorĭgi sat, popōwo kūmūrĭgi ma yemamarat: kō itnesog yemamarat botipot nemas:

Filipi 3:3

popōwo kos ōvun numpi namon irant, ugi ĭtnesog, popōwo kos kem lumpi ugi Naviat eni Nōbū, ĭm lenavos ra Iesū Krĭsto, mūtū tavniri ugi ōvun numpi ratilat ra nokolisiran:

Filipi 4:4

Wavos ra Novsūromon indowi kĭmi: ĭm ya moĭmanūwi memagkū, Wavos kĭmi.

I. Teselonia 1:6

Im kĭmi kūmūri safi enugkam, ĭm isen Novsūromon, popōwo kūmūvī nam ra norĭgumpūnū tamas, kō ugi navos ra Naviat Tumpora;

Yakobo 1:2

Wavos kĭmi, ravūgsĭēme, polsugkū wampelum irami ōvun norĭgumpūnū sikat sī ĭm sī;

Yakobo 1:9

Nagku wantipe sah mōmū nivūō sī neteme wokon, aremī iyi onavosugi:

Yakobo 4:9

Ute ugi norĭgumpūnū, morĭgumpūnū momageri; aremī tampoli netofop enugkimi ra nageri, im navos enugkĭmi ra norīgumpūnū.

I. Piter 3:17

Popōwo nagku Nōbū umagkū sugkū, ĭt mōmū aremī ma kwampi nesorū ugi numpūrak aremī enugkĭmi ĭm tawi ugi numpūrak ūr.

I. Piter 4:7

Kō umumbotibot aveni siame sū marima; Im popōwo pe sugkū ūtarū ves ūnōwami, wumpi netevani aremī mūmūfwaki:

I. Piter 5:10

Im Nōbū ĭtemas paū omwisū mori yemtorokūm ra nilasilaswi unam indowi ra Krĭstō, kō mampūm kwandigi lap nesorū nempugon virok, iyi pe iyi amkūmēyōekūm, menumpi kĭmi horog ĭm ūnam ra tavniri.