I. Piter 1:21 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

²¹ ĭm kĭmi kūmūtavnirigi ra Nōbū popōwo ugi iyi, mori yemtori iyi marugi nemas, ĭm yemovugi nilasilaswi; ma sugkū kwontavniri iran Nōbū kĭmi ĭm tevetūwi iyi.

I. Piter 1:21 ပူးပေါင်းရင်းမြစ်များ

Ovun Apostol 2:24

Mori Nōbū yoĭmtori sah memsūli worĭt ugi nemas iran; popowo tawi faneteme worurūleki iyi.

Hibru 2:9

Kō koʼ kĭm lagesi iyi mori dūmumpi mōmū virok ra irora ōvun nagelo, mori pe Iesū, popōwo yemorigi nesorū ugi nemas iran dumumpi narigi ĭm sesie nisekon, yimas nisekonda ōveteme omwisū popōwo ugi itemas paū eni Nōbū.

Yoane 12:44

Iesū yemtorenūwisah, memokū, Iyi sī umentavnirĭgi yaū, otūmuntavnirĭgi yaū, kō iran Iyi mori yemtamūli yaū.

I. Piter 3:22

miyi yive ūnpokop memante ra nokoven mevis eni Nōbū; ĭm ōvun nagelo ĭm ōvun tantevakepe mōvun horog umante ra mumpon nokoven isen.

I. Piter 1:11

dūmūsorugi nimpugon mori ĭm nokowo netevani nimpugon mori Naviat eni Krĭstō mori yemete ūnōwanda yemesesē ugi, mori yemumpūvsok mampūm etūwī ugi ōvun nesorū eni Krĭstō ĭm ugi ōvun nilasilaswi dūmūrora penuri.

Hibru 7:25

papōwo pe sugkū iyi faneteme worumkorēyōwaraves irora mori ūnampelum pugi Nōbū ugi ra iyi, popōwo iyi umamūrep ĭndowi woresenigi nisekonda.

Efesus 1:15

Im popōwo pe, pol sugkū yaū morigi ugi tavniri enugkimi ra Iesū Kristo, ĭm nelintugi enugkimi punora ōveteme aremī omwisū,

I. Timote 1:1

Pol, Apostol eni Iesū Krĭsto ugi nam alam eni Nōbū Nēyōwara enugkos, ĭm Iesū Krĭstō ratevetūi enugkos; pugi Timote, netūg tanepo ran tavniri:

Kolose 1:27

punora pe Nōbū yemokū iyi anūwi sie nūsian aremī nilasilaswi ugi imo nam yemetiumpeni punora lō pelah sī mori oti Krĭstō ūnisog kĭmi, ratevetūwi nilasilasewi:

Netiyi Eni Pol Apostol Punora Oveteme Rom 10:9

popōwo nagkū kanūwatumpeni ugi nugom Iesū Narisah, ĭm tavniri ūnōwam ma Nōbū yemtori iyi marugi nemas, kĭk anti nevīeves:

Netiyi Eni Pol Apostol Punora Oveteme Rom 4:24

kō nisekont sugkū, wanūwi magkū nugko netevarū enugkos mori ūmintavniri iran iyi mori yemtori Iesū Novsūromon enugkos marugi nemas,

Ovun Apostol 4:10

kĭmi sū ūkili, movnetevokontū sū ra Isrēel sugkū, ma ra nin eni Iesu Kristo, neteme Nasaret, mori kūmūtalugi ra nē ūmpa-rom ĭm Nōbū yemtorisah marugi nemas, ugi iyi mori imo neteme umantūrū ĭgkō horigives wokon ūnĭmetimi.

Ovun Apostol 3:15

mori Nōbū yemtorisah marugi nemas; ĭm kam ōvun numprok ugi.

Ovun Apostol 3:13

Iyi Nōbū isen Ebraham, ĭm Isak ĭm Yēkob, Nōbū isenda ritemendeme soret otipe nilasewi iran Iesū Netni isen; mori kĭmi kūmempirigi mo mūnūavuni Iyi ūnipmi isen Pīlat, nempugon iyi yemenūwi nam memokū wusūli.

Yoane 17:1

Iesū yemenūwi imosū memelasah ra pokōp memenūwi, memokū, Nate, nempugon okovelum; umpi nilasilaswi iran Netum ma Netum onumpi nilasilaswi iram;

Yoane 14:6

Iesū yemenūwi pugi memokū, Yaū selat, mĭtnesog, ĭm nomūrep. Iyi sī umampelum pugi Itemen umampelum ugi yaū wokon. Nagkū kĭmi pūkili yaū, kĭmi pūkili Itemen enyaū sugkū.

Yoane 14:1

Utūyēōmpele ūnōwami. Utavnirigi iran Nōbū, mūtavnirĭgi yaū sugkū.

Yoane 3:34

Popōwo Iyi mori Nōbū yemtamūli umanūwi nam eni Nōbū; ĭt Nōbū otūmampugi Iyi virok Naviat.

Matiyu 28:18

Im Iesū yivelum memenūwi punora memokū, Yemovo yaū horog omwisū ūnpokūp mūnemap,

Hibru 6:1

Popōwo pe aremī ya owi tavsogi siame mampūm ugi Krĭstō, ĭm lenatekisah tovune siame aremī wokon, metō atipotni mōmū nimo ugi torileki ūnōwant marugi sat, ĭm tavniri pugi.

Yoane 17:5

Im marima, Ah Nate, umpi nilasilaswi irag ūndū kĭk, ugi nilasilaswi mori yaū mepĭmpĭ irag ūndū kĭk, pol sugkū tawi natipotnin nemap.

Yoane 17:24

Nate, ya umagkū aremī ma irora mori kĭmovoyaū wante dal yaū ra nūrū ya antewi, ma irora wagesi nilasilaswi enyaū, mori kĭmovo yaū; it kĭmelintokoyaū pol sugkū tawi natipotnin nemap.

II. Korint 6:15

Im Krĭstō antindowi nandū Bēlial sugkū sie? ĭm sī neteme tavniri ĭm sī nelebokevat wavan mampag sīteven sugkū sie?

I. Timote 3:16

Im nam ĭtnesog imo, memokū, ĭt oti nūsian siame dūtiumpene nesesie ra Nōbū; Iyi mori dūmūnūatumpene iyi ugi nokolisiran, naviat yemokū ugi ma iyi tanepoves, dūmokesi iyi ōvun nagelo, dūmūtorenūwi punora lō sū lō sū, moveteme ra nemap dūmūtavnirigi iran, ĭm dūmūvīsah ra nilasilaswi.

I. Piter 1:3

Nevieves iran Nōbū Itemen eni Iesū Krĭstō Novsūromon enugkos, popōwo ugi itemas paū nūsian isen yoimumpi kos ĭtevaū ugi tevetūur nomurep ugi nivsorasoh eni Iesū Krĭstō marugi nemas,