I. Korint 15:58 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

⁵⁸ Popōwo pe sugku, ravūgsīeme paū aremī, ūte nugkugko, ūte ūnam, ūtin tandamsah indowi kĭmi ra ōvun numpūrak eni Novsūromon, popōwo kĭmi kūmagkili ma numpūrak enugkĭmi tawi nĭndewavo ra Novsuromon.

I. Korint 15:58 ပူးပေါင်းရင်းမြစ်များ

Kalesia 6:9

Aremī kos keletū wandromoro ra numpūrak aremī: popōwo dan sī kos kelen alekon semsimugi, nagkū kos kelen atekisah ĭndowi.

Hibru 6:10

popōwo ĭt nugko numpi eni Nōbū ĭm popōwo iyi ontarū numpurak enugkimi ĭm nelintugi ugi nin isen, pe mori kĭm kūmūtapmetuvies marima indowi iranda.

Filipi 2:16

ma ya ampi woravos ugi ran dan eni Krĭstō, memagkū vaū metū avan wokon kū torugat wokon.

I. Korint 3:8

Iyi mori yemowi miyi mori yemavwi irora siteven: kō irora wampi nipmi sī ĭm sī sugkū torugat enirora.

Kolose 1:23

ĭt nagkū kwantĭndowi kĭmi ra tavniri ūnam ĭndowi, mūtūtorileki marugi ratevetūwi nam navosavos mori kūmūrĭgi, mori yemtorenūwisah ra nūrū sū nūrū sū omwisū ra netekon pokūp; dūmumpi yaū Pol lĭvsaū ugi pe.

I. Teselonia 1:3

metūmawi worenteme numpurak tavniri enugkĭmi ĭm torugat nelintugi ĭm nemolsep ratevetūi ra Iesū Krĭsto Novsūromon, ūnĭpmi Nōbū Itement;

Hibru 13:21

wumpi kĭmi aremī ĭndowi ra tiame sū omwisū worumpi sugkū nakiugi isen, worumpi ūnisog kos imo mori aremī ūnipmi isen, ugi Iesū Krĭstō, antemante pugi nilasilaswi ūvūm nevisū indowi indowi Amen.

I. Korint 16:10

Im pol sugkū Timote ampelum ūvī iyi mūmūte dal ūtū tarū tarū iran; ĭt iyi umnumpi numpūrak eni Novsūromon, sugkū ya umnumpi:

I. Teselonia 3:12

ĭm aremī Novsūromon onumpi mōmūgo tamas nelĭntugi enugkimi pugkūm ĭm punora ōveteme omwisū,

Kolose 2:7

ūte ūnam iran, ĭm ra tavniri enugkĭmi, ĭtnesog sugkū dūmūtavsogkūm ugi pe, mōmumpalug ugi tamas.

II. Korint 7:1

Ravugsieme, umante tovunekos imo sū ōvun nam dūmūnūatumpene, popōwo pe sugkū aremī kos kele sendumsi ves irant marugi ōvun neliūo omwisū ra nokolisirant ĭm naviat enugkos, mō mumpi netevarū aremī indowi memtetugi ves Nōbū.

I. Teselonia 4:1

Im ravūgsīeme, yakum nesenugkūm ĭm sūlives pugkūm ra Iesū Novsūromon memagkū, sugkū kūmūvī marokoyaū nokowo kwonavan kĭmi sugkū aremī ugi Nōbū, wumpi sugkū,—ma kĭmi kwante mōmū aremī tamas.

Tītus 2:14

iyi mori yespentenimpe iyi nisekont, ma iyi amkosēyōwara marugi ōvun sat sū omwisū, ĭm sendomsi sentevives sī netevokontū nisekon, mori ūmnatekisah ra ōvun numpurak aremī.

II. Piter 3:14

Im nasūgsīeme paū, popōwo kĭmi kūmūsorugi imo tiame, ūtarūgi mōmatekisah ma kwantindowi ra ninparata, ĭm tawi sie sī ūr iramei kō sugkū ōvun tanepo ūnipmi eni.

Kolose 2:5

Ya otū mante dal kĭmi ra nokolisirag, kō ya umante dal kĭmi ra naviat, memnavos ra kĭmi memagesi numpi natorves enugkimi, ĭm horog ūnam tavniri enugkimi ra Krĭstō.

Hibru 3:14

popōwo kos kelevī sīteven ūndū Kristo nagkū kos kel ante ūnam ra tavniri mampūm enugkos mafeli ra nisah: ra nempugon pol sugkū wanūwi magkū,

I. Teselonia 3:3

magkū otū eyompeli ūnōwan sī neteme popōwo ugi norĭgumpūnū; popōwo kĭmi kumagkili dūtampolokos ugi imo siame.

Filipi 1:9

Im yakum nufwaki memagkū ugi imo, ma nelintugi enugkimi antintandamsah mōmūgo ĭndowi ra nelekon ĭm noĭntanwi;

Teselonia 1:3

It oti aremī, ravūgsīēme, ma ya onumpalugi pugi Nōbū dan sū nisekomi, ĭm imo tanepo, popōwo umnalam tamas tavniri enugkĭmi, ĭm nelintugi enugkimi omwisū umintandamsah;

Filipi 1:11

mūmūvwarugi nōvwan tanepoves, mori ugi Iesū Krĭstō, tovuni nilasilaswi ĭm narĭgi eni Nōbū.

Filipi 4:17

Ya otūm nakīugi ĭtemas; kō yakum nesorugi novwan aremī mori umnenum nisekomi.

Kalesia 4:11

Ya um mandigi sat popōwo ugi kĭmi, kū entawi yaū memagelaū wokon irami ĭm tawi fan.

I. Teselonia 3:5

Popōwo pe sugkū yaū pe yaū, nagkū nugkugko woresumpat nakiugi enyaū nisekomi, yaū ĭm tamūli sī worokili tavniri enugkimi, kū entawi yemtapmi kĭmi neteme tapmi, ĭm sugkū mumpi nĭndewavū numpūrak enyaū.

Filipi 2:30

popōwo ugi numpūrak eni Krĭstō yembotipot nemas iran, kō yetokū avieveve nomūrep isen ma iyi akompeli numpūrak enyau nisekomi mori yaū metū ekompeli.

Mark 3:3

Iyi yemenūwi pugi neteme mori nokoven navsilni memobu, Etūok.

Nam Navosavos Eni Luk 19:19

Miyi yemenūwi pugi imo neteme sugkū, memokū, Kĭk ari iranda ōvun sīti sĭklem.