I. Korint 14:6 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

⁶ Ravūgsīeme, nagkū ya ampelum pugkūm manūwi nam ra ōvun nūrū sī, ya onumpi aremī nisekomi ugi sie nagkū ya otū anūwi sī sesi nam pugkūm, kū nam noĭntanwi, kū nam sūli, kū tavsogi?

I. Korint 14:6 ပူးပေါင်းရင်းမြစ်များ

Matiyu 11:25

Ra imo nempugon Iesū yemtamsi memenūwi memokū, Kompalugi, Nate, Novsūromon pokūp mūnemap popōwo kĭmetiumpeni imosū marokonda ōvun nelekon mōvun nōĭntanwi rnenūatumpeni punora ōvaialaū.

Matiyu 16:17

Im Iesū yemtamsi memenūwi pugi memokū, Nevĭeves kĭk, Sĭmon netni eni Yōna, ĭt fan ĭm de dūtūsesi imo pugkĭk iyi Itemen yaū ūnpokūp.

Matiyu 16:26

Tie aremī nisekon neteme nagkū iyi eni ōvun netevote omwisū ra nemap mampiugki nomūrep eni? Kū sĭ neteme ampugi tie woresēevasĭgi nomūrep eni?

Ovun Apostol 2:42

Mirora dūmatikesah ugi nam tavsogi isenda ōvun apostol mūmūtavsemokonda ugi norusevi yōūp mugi nufwaki.

Netiyi Eni Pol Apostol Punora Oveteme Rom 15:14

Im yaū pe yaū sugkū yakum magkili ugi kĭmi, ravūgsaieme, ma kĭmi pe kĭmi oti ūvwarugi numpeleves, ūvwarugi ōvun nelekon omwisū, ĭm faneteme woresitū irami kĭmi ugi nam aremai.

Netiyi Eni Pol Apostol Punora Oveteme Rom 16:17

Im, ravūgsaieme, yakum nesenugkūm, ufinte netevarū enirora mori ūmnupi sendūekia ĭm tarū sikat ĭm nitakeli, ĭm tawi sugkū nam mori kum urigi mūvai: ĭm torileki morokonda kĭmi.

Netiyi Eni Pol Apostol Punora Oveteme Rom 6:17

sugkū kūmūte ōvun lĭvsaū ra sat, kūmūvī umnalekoleki ūnōwami netevarū nam tavsogi mori dūmūtipe kĭmi ugi; ĭm polekū dūmūfiorekūm marugi sat,

I. Korint 10:33

ĭm tawi iran, nilepon sī lō tumpora eni Nōbū: sugkū ya umnumpi netevarū mori aremī nisekonda ōveteme sū ugi siame sū omwisū, ĭm ya otum magkū ugi siame aremī nisekūg, kō siame aremī nisekonda ōveteme sikat, ma irora, wampī nēyōwara.

I. Korint 14:1

Uri kĭmi indowi nelintugi kō ūsorugi ugi natekisah itemas paū ra naviat, ma sugkū kwontavsogi aremī kĭmi.

I. Korint 14:7

Sugkū siame mori tawi nomurep enirora, nagkū sī navianda, pe naūrugis kū nelal, nagkū tawi navianda sī ĭm sī, agkili nokowo memagkū navian naūrugis mori kū nelal?

II. Korint 11:6

Nagkū tawi yaū faneteme worenūwi aremī fan nam, kō ya umagkili ves siame; ĭtnesog kĭmi kūmagkili yaū ves ra siame sū omwisū ūniminda ōveteme omwisū.

II. Korint 12:1

Tawi aremi irag worenūwi nam horog, kō dan sī ya agesi ōvun sesi, ĭm siame yemetūratumpeni Narisah ugi.

II. Korint 12:7

Im ma ya otū ontarū ūnōwag magkū yaū sī horog, ugi siame sesi sikat, dūmūtipe nisekūg nagesaū ra nokolisirag, lĭvsaū eni Sētan woretī yaū, ma ya otū ontarū horog ūnōwag.

Efesus 1:17

ma Nōbū eni Novsūromon Iesū Krĭsto enugkos, Itement nilasilaswi, ampugkūm naviat nointanwi ĭm sesi worokili ugi iyi;

Efesus 3:4

ma sugkū pol sugkū kwonasepi kĭmi, kwagkili nelavenūri enyaū siame mori ugi Krĭstō dūtiumpene;

Filipi 3:15

Im popōwo pe sugkū, aremī kos kelen tarū sugkū, kos mori kos kem lagkili ves: ĭm nagkū ugi sie sī kĭmi kūmagkū pe sī,

II. Timote 2:14

Enūatokeli imo siame punora menūavsokonda ūnĭpmi Novsūromon, ma ūtū wonaūor ugi ōvun nam nam wokon, tawi nesitū ugi, imo umnumpi neyōĭmpele iranda ūmandegi pe.

II. Timote 3:10

Kō kĭmūri aremī tavsogi enyaū, ĭm numpūrak enyau ĭm tarū,

II. Timote 3:16

Dūmne ra Naviat eni Nōbū ōvun netiyi tumpora omwisū, ĭm irora aremi woretavsokonda ōveteme ugi, ĭm woreyevorugi, worūrianda, woresūlives punora netevarū ra tanepo:

II. Timote 4:2

Atekisah kĭk ra nempugon tawi aremi; enūwali punora ōveteme, ūyevora, enūatokeli punora ugi nōwam nemolsep ĭm tavsogi sorum.

Tītus 3:8

Nam ĭtnesog imo, ĭm ugi imo sū siame yakum nakiugi ma kosūlives ugi dan sū, ma sugkū irora mori dūmūtavniri ra Nōbū, wafinte aremī worumpūrak ra imo sū aremī indowi. Imo sū siame oti aremī nisekonda ōveteme mirora wampi nipmi ugi:

Hibru 13:9

Utūyopelĭgi ūnōwami ugi nam tavsogi sikat ĭm ĭtevaū: popōwo aremī kĭmi kwante ūnam ūnōwami ugi ĭtemaspaū; ko tawi ugi ōvun nevag, popōwo irora mori dūmūri imo siame dūtūvīeves irora ugi pe.

II. Piter 1:5

Im, popōwo ugi imo pe watikisah tamas dansū, woresitū ra taveniri enugkimi ugi sentevives enugkimi; ĭm ra sentevives enugkimi ugi nelekon;

II. Piter 3:18

Kō ūti aremī kĭmi mūnenum ra ĭtemas paū ĭm nointanwi eni Iesū Krĭstō Novsūromon enugkos. Im antemante nisekon nilasilaswi marima ĭm ūvūm nevisū ĭndowi. Amen.

II. Yoane 1:9

Iyi mori umnumpi sugkū tarū isen ĭm otū mantindowi ra tavsogi eni Krĭstō, otū vai Nōbū: kō iyi mori umantindowi ra tavsogi eni Krĭstō, okevai Itemen ĭm Netni.