I. Korint 1:23 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

²³ ko ya kem lentorenūwi Krĭsto dūmūtalugi ra ne umparum pun ora ōveteme Yūdia netakeli, ĭm pun ora ōveteme lō pelah sī sebetnam;

I. Korint 1:23 ပူးပေါင်းရင်းမြစ်များ

Matiyu 11:6

ĭm nevĭevesiyi mori atūmalokoi po yaū.

Matiyu 13:57

Kō Iesū yemenūwi punora memokū, Umesese ūnĭpmi sī profetkō tawi sugkū ra nūrū eni meniwi. Miyi yetūumpi sikat

Nam Navosavos Eni Luk 2:34

Im Sĭmion yivīeves irora, memenūwi pugi Mēri dineme isen memokū, Orĭgi, iyi mori umnalē ma sugkū oveteme Isrēel sikat wamol mōmamsorasah, miyi sī safi wanūĭndi ugi;

I. Korint 1:18

Popōwo nam ugi nē ūmparum sugkū sebetnam pon ora wontafugi irora; kō horog eni Nōbū pugkos umumkosēyōwara ugi.

I. Korint 1:21

Im popōwo ugi nelekon eni Nōbū ōveteme ra nemap dūtūkili Nōbū ugi nelekon enirora, kō yeti aremī ugi Nōbū woresemsempari iranda mori umentavniri ugi torenūwi nam, mori ūmagkū ugi memokū nĭndewavū.

I. Korint 1:28

ĭm Nōbū yemtampoli ōvun netromoro ra nemap, ma iyi onumpi narumprum iranda ōvun torugat; yemtampol ora ōvun nurumkora ra nemap, ĭm irora mori umagesi sat iranda, Nōbū yemtampol ora, ĭm ĭtnesog siame mori nĭndewavū, ma iyi onumpi nĭndewavū siame horogsah;

I. Korint 2:14

Neteme ugi nowan isen ĭt sugkū tawi faneteme worevi siame mori isen Naviat eni Nōbū: popōwo irora sebet nam nisekon; miyi tawi faneteme worokili ugi irora, popōwi umneserokonda ugi naviat wokon.

I. Korint 2:2

Popōwo ya onūwi unōwag ugi naviat sorūg omwisū ma ya otūm nakiugi worekili sī entie sī dal kĭmi, Iesū Krĭsto wokon, ĭm nemas isen ra neumparum.

I. Korint 4:10

Kam ōvun numgĭ popōwo ugi Krĭsto, kō kūmūte ōvun nelekon kĭmi ra Krĭsto; kam ōvun netromoro, kō kĭmi ōvun torugat; kūmūvī nilasilaswi morokonda ka kim livī narumprum.

II. Korint 4:5

Popōwo ya otū torenūwi yaū, kō Iesū Krĭstō Novsūromon, ĭm yaū sugkū lĭvsaū wokon enugkimi popōwo ugi Iesū.

Kalesia 3:1

Ah ōveteme Kalesia nemlū, mē yemumpi kĭmi neyoĭmpelĭgi, memagkū kĭmi kūtū alekoleki nam ĭtnesog mori yemsesi aremī Iesū Krĭstō ūnĭmetemi, dūmūtalugi iyi ra nē ūmparum, yūi enugkĭmiwi?

Kalesia 5:11

Ravūgsīeme, nagkū ya um magkū ōveteme wampī namon iranda, irasie umnumpi nesesaū irag? nagkū tawi nakan iran nē umparum.

Kalesia 6:14

Kō ya otū onarĭgi ugi sī entie sī, kō ugi nē umparum wokon eni Iesu Krĭstō Novsūromon enugkos, ĭt sugkū nemas nisekūg siame ra nemap ugi iyi, ĭm sugkū nemas enyau toveni nemap.

Efesus 3:8

Po yaū, mori mōmū virok iranda ōveteme aremi omwisū, kō dūmūvoyaū imo ĭtemas paū, ma ya ontoreuūwi punora lo pelah sī nam navosavos eni Krĭsto, nūsian aremī sugkū sie?

Hibru 12:2

ĭm imo sat omampelat irant, ĭm maloves ugi natekisah, res mori umantipe ūnimint, ĭm lintopneme iran Iesū iyi mori natipotni tavniri enugkos yemekompeligi, mori popōwo ugi navosavos dūmūtipe ūnipmi eni yevi nemas iran ra neumparum, metokū sie ugi norumprom ugi pe, ĭm iyi umantesep ra nugkon meves ra potnimpūtūwō eni Nōbū.

I. Piter 2:8

ĭm, Nevat netakeli ugi, ĭm vetūnam dūmokesisativi; popōwo dūmūtakeli ra nam, popōwo ugi neterareki enirora: dōmūtipe irora nimsin.