II. Timote 3:2 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

² Oveteme wontarū wokonda irora, menelintugi muni, waspen nenūwi narigi enirora, nugkugko ūnōwanda, ūmanūwi nam sat,

II. Timote 3:2 ပူးပေါင်းရင်းမြစ်များ

Matiyu 15:6

ĭm kimi kūmuntampnemugi nam eni Nōbū ugi nam alam enugkĭmi.

Nam Navosavos Eni Luk 12:15

Miyi yōmenūwi punora memokū, Okesi, ūfĭnte kĭmi, mūtūrakĭugi. Pol sugku sī neteme umantipe isen tamas, nomūrep isen otūmamne ra ōvun se isen.

Nam Navosavos Eni Luk 16:14

Movun Faresi mori dūmūrakīugi muni, dūmūrīgi imosū omwisū, mūmagipī iran.

Nam Navosavos Eni Luk 6:35

Kō wolintokonda ōv novsen nakan soremi. Wumpelēves, mūvugi wokon, mūtūōmamtemetemetugi mōmū, im nipmi soremi wanti tamas, ĭm kimi kwanti ovun netnime isen Tantevakepe; ĭtiyi umnumpelēves iranda mori ūtūmumpalugi, mōvetemendi.

Ovun Apostol 5:36

Itetūwi Tiūdas yemtuok mori yemesepen nenūwi memokū iyi neteme horogsah, ĭm sikat ōveteme, sugkū for-hunder, dūmamplesi iran: dūmūtalugi; iyi im omwisū dūmūsendiuki iyi, dūmaseviokonda mūmūvia.

Netiyi Eni Pol Apostol Punora Oveteme Rom 11:18

kō nagku kon avosavos, ĭt tawi kĭm evī noatnin, kō noatnin yivi kĭk.

II. Korint 5:15

ĭm iyi yimas nisekonda omwisū, ma irora mori ūmamūrep ūtū wamūrep nisekonda irora, kō pugi iyi mori yimas nisekonda mō mevsoresah.

Filipi 2:21

Popōwo irora sū ūmentarū siame enirora wokon, kō tawi siame eni Iesū Krĭstō.

Kolose 3:5

Utalokonda mūtūrĭgora ōvun nakiugi ūr enugkimi ra nemap; mori nilasivien sat, nililūo, nakan, nakūugi sat, ĭm morigi sat ugi noete, popōwo imo eti tevita ra siame;

Teselonia 2:4

iyi mori umesendūekie memagkū iyi mōmū horog iranda siame sū umatovnin memagkū Nōbū, ĭm siame sū umentevita iranda; ĭm popōwo pe iyi umantesep ra nimo tumpora eni Nōbū, ĭm sese iyi sugkū nagkū Nōbū.

I. Timote 1:20

nugkon mori ra irora mori Hīmenius ĭm Aleksander; mori yaū ĭmtafugi irora nisekon Setan, magkū ontavsokonda woretūnūwi nam sat.

I. Timote 1:9

ĭm magkili ma dūtū tipe nam alam nisekon neteme ĭt nugko numpi isen, kō nisekonda ōvun nareki nam alam ōvun nugkugko, ĭm ōvun sendoekie ĭm ōvun narekisat, nisekonda ōvun nagkaū ōvun nam sat, nisekonda ōvun talugi itemenda ĭm dĭnemenda, nisekonda ūmentalokonda ōveteme, ĭm nisekonda ōvun tampalaū,

I. Timote 3:3

kō neteme nemolsep, otū manūwi nam nesesaū, otum nelintugi muni;

I. Timote 6:10

Popōwo worelintugi muni oti noatnin ōvun satsū sikat: mori nugkon dūmēevan worevi mirora dūmūwi tavniri, ĭm dūmusepen sē irora ugi norĭgumpūnū sikat.

I. Timote 6:4

ĭm nam alam sesieves iran Nōbū; iyi neteme nowan mori nugkugko, otūm magkili sie sī, kō umnakīugi tamas woretagkeli ōvun nam ugi nesesaū wokon, ĭm umantepū ugi imo norigi sat, nesesaū,

II. Timote 3:4

nugkugko ūnōwanda, ūmagkū irora sī, umnelĭntugi navos ra nemap mōmū ra Nōbū;

Yakobo 2:8

Kō nagku kĭmi kwonekompeli nam alam narigi aremīwi, sugkū mori dūmūtīyi, memokū, Konelintugi neteme ran temne sū umbotibot iram sugkū kĭk pe kĭk kwonumpi aremī kĭmi:

Yakobo 4:16

Kō marima kĭmi kūmavos ugi ōvun nam sah horog nugkugko enugkimi, ĭt ūr ōvun navos omwisū sugkū imosū.

Yakobo 4:6

Kō iyi umentalokugi ĭtemas paū mōmūgo. Popōwo pe dūmōtiyi, memokū, Nōbū umalekoi punora ōvun nugkugko ūnōwanda, kō iyi umampunora ōvun nemolsep ĭtemaspaū.

I. Piter 5:5

Im sugkū, kĭmi ōvi arep, walekoleki nam eniora umanuwi nam alam. Im ūte ugi nemolsep, kĭmi omwisū, woretorugat irami kĭmi: popōwo umagesi sat iranda it nugkugko nowanda, kō umampunora itemas paū ĭt horog eni nowanda.

II. Piter 2:10

ĭm mōmūgo irora mori ūmnūri nakiugi nilasivian ūr ra nokolisiranda im nililūō, mūmakan pugi nam alam enirora ōvun narisah ūmūtipe irora nimsin. Ovun nugkugko, ōvun nareki nam, ūmūntavūntan iranda ōvun nivūō nam alam mūturigi sat ugi:

II. Piter 2:12

Kō iroromo mori, sugkū ōvun nūrah tawi tarū isenda, dūmumprokomol ōvun nūrah wokon nimsin nemas, ūmūntavūntan ran tiame irora ūtūmagkili sie ugi, ra numpūrak enirora worokinora ōveteme itnesog wonokinora sugkū,

II. Piter 2:18

Popōwo ugi ōvun nam horog wokon kō tawi fan, irora ūmūntorora ra ōvun nakīugi nilasivian nokolisiran nililūō, irora mori ūmbotibot worale morokonda mori umantindowi ra nagkaū;

II. Piter 2:3

Im popōwo ugi nilasivian nōēte irora, wanūwi nam nimpiri woresebetnam irami ma irora wonumpi kĭmi sugkū siame sēvasi wokon: kō nūrian nisekonda, wampelum iranda marima, ĭm nempugon wontavtiti irora omentauepugon marima.

Netaiyi eni Jūd 1:16

Imo irora mori ūmentevirat, ōvun norigi sat, ūmnūri nilaūvian sat enirora, ūmanūwi nam tamas narigi enirora, sebit nam tawi fan, ūmeseū iranda ōveteme ugi nipmi nimūn.

Reveleson 13:1

Im yaū mokesi sai nūrah yemsah marugi tok, ĭm yeti ten nimpati ĭm seven numpūn iran, ĭm ra ōvun nimpati isen dūmūtē ten kraūan, ĭm ra ōvun numpūn isen ōvun nin nam sat nūsian wokon.

Reveleson 16:11

ĭm irora dūmūtavūntan ra Nōbū ūnpokop popōwo ugi ōvun nesorū, ĭm ōvun novli enirora; ĭm irora dūtūrigisat ugi ōvun nagkaū enirora.

Reveleson 16:21

Im yemne ūnpokop nūsian nebib iranda ōveteme sugkū nevat, numpo sugkū paūn wan hunder sai ĭm sai: ĭm ōveteme dūmūtavūntan namsat iran Nōbū popōwo ugi nebib nevat nugkugko mori; popōwo nililiki tamas iranda ugi pe.

Reveleson 16:9

Im ōveteme dūmaū ugi nūsian nasūsah: ĭm irora dūmūtavuntan nam sat nūsian nin eni Nōbū mori horog iranda ōvun norigumpūnū nililiki ima sū mori; ĭm irora dūtūnūatumpeni numpūrak enirora worevugi iyi nilasilaswi.