II. Timote 2:25 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

²⁵ ĭm horog ugi tavsokonda ōveteme, mōĭmtogesovelora ōveteme, ĭm sūlives ugi nemolsep punora mori ūmnumpi sendūkiye; kū entawi Nōbū ampunora wontorileki ūnōwanda worokili aremī nam itnesog,

II. Timote 2:25 ပူးပေါင်းရင်းမြစ်များ

Matiyu 11:29

Uvĭ woresūrie enyaū ra nōwami mūkili tovun yaū; ĭt yaū nomolsep im noramel ūnōwag; ĭm kĭmi kwampĭ nemĭndog nĭsekon naviat sū enugkĭmi;

Matiyu 21:32

It Yōane yivelum pugkūm ugi tanepō ĭm kĭmi mūtūtavnirĭgi iyi, kō ōvun lĭvsaū nalekon, mōvun tōri dūmutevnirĭgi iyi, ĭm kĭmi mūmokesi mūtūvīeves nōwami sugkū ma wontavnirĭgi iyi.

Mark 1:15

Memenūwi memokū, tanepūgon ugi nam mori oti nekompeli sū, ĭm umpotipot lō eni Nōbū: ūnūatumpeni sat sū ugi norĭgumpūnū ūnōwame, mūtavnirĭgi nam navosavos.

Yoane 5:34

Kō, ya otūmumpī numpūvsok irag marokonda ōveteme; kō, ya umanūwi imosū ma kimi kwampi nēōwara.

Ovun Apostol 11:18

Pol sugkū irora dūmūrigi imo dūmūteteven, mū mūvitevisep Nōbū, mūmūkū, Im Nōbū yovunora ōvun nilevōkevat nevīeves nowanda worevi nomūrep.

Ovun Apostol 2:38

Im Piter yemenūwi punora memokū, Uvieves nōwami, mūvĭ baptisma irami, kĭmi sū ra nin eni Iesū Krĭstō, worefielentugi sat sū soremi; ĭm kĭmi kwampi itemas isen Naviat Tumpora.

Ovun Apostol 20:21

Mem umpūvsok ugi sū pun ora ōveteme Isrēel ĭm mōveteme Helas, memokū ugi nevīeves nōwan ugi Nōbū ĭm tavniri ra Iesū Krĭstō Novsuromon soret.

Ovun Apostol 5:21

Mirora dūmūrĭgi mūve ra numtin dan ūnisog nimo tumpora mūmūtavsokonda. Miyi potni sokowar yivelum mirora dal iyi, mūmūvro-konda ovatemonūk mōveteme talam ra netevokontū Isrēel dūmūsemsimokonda, mūmūtamūlora ra nimo nugkugko woretorora.

Ovun Apostol 5:31

Iyi mori Narisah ĭm Nēyōwara, Nōbū yemetipe sah ugi nokoven meves eni worevunora ōveteme Isrēel nevīeves nowanda, ĭm nefielentugi sat sū.

Ovun Apostol 8:22

Yīeves nōwam popōwo ugi imo satindi, esenĭgi Nōbū nagkū iyi afielentugkĭk tarū ūnōwam.

Kalesia 6:1

Ravugsieme, nagku sī neteme umnumpi sie sī ūr kū sat watekisah woretori iyi kĭmi mori kūmante ra Naviat Tumpora; nefinte kĭk kū entawi ontapmi kĭk sugkū.

I. Timote 2:4

ĭt iyi umnakaiugi ma ōveteme omwisū wampi nēyōwara ugi magkili nam itnesog.

I. Timote 6:11

Kō kĭk, Ah neteme eni Nōbū, alō marugi imo sū ōvun siame; ĭm ūri tanepoves, sesieves iran Nōbū,

II. Timote 3:7

ūmentavsokonda dan sū, kō oti nugkugko iranda worokili nam tanepo itnesog.

Tītus 1:1

Pol livsaū eni Nōbū ĭm apostol eni Iesū Krĭstō, popōwo ugi tavniri enirora ōveteme tampoli eni Nōbū, ugi sesie ra Nōbū, ĭm ugin tavniri ugi nomūrep ūvrūni,

Tītus 3:2

ĭm woretavesves worūmpūrak ra ōvun numpūrak aremī omwisū, woretūnūwi nam ūr iran sī kū sī neteme, woretūwaūor, worete nemolsep, moĭmsesieves aremī iranda ōveteme omwisū.

Yakobo 1:17

Ovun ĭtemaspaū aremī ĭm movūn sie arermi ĭndowi omwisū umamne imelūō, ĭm umeyep marugi Itemen ra ōvun nilara, iyi mori tawi sī tarū tarū isen, ĭm tawi sī nemolin ugi ampoli isen.

I. Piter 3:15

kō ūvī ūnōwami, ĭtnesog Krĭstō sugkū Novsūromon enugkimi: ĭm ūte ōvun nelekon ma kĭmi kwanūwi aremī punora omwisū wontagkeli ugi fan ra tavniri enugkimi, kō ūnūwi ugi nemolsep ĭm sesie:

I. Yoane. 5:16

Nagkū sai neteme agesi avin sai umpi sat tawi nemas ugi, armai iyi osenigi, ĭm Nōbū ampugi nomurep nisekonda mori dūmumpi sat, kō tawi sat nemas ugi. Sai pe sat nemas ugi: ya otū magkū iyi osenigi ugi imo.