II. Timote 1:7 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

⁷ Popōwo Nōbū yetūvugkos nowant nemetet kō nōwant horog, ĭm nelintugi, ĭm nelekon.

II. Timote 1:7 ပူးပေါင်းရင်းမြစ်များ

Nam Navosavos Eni Luk 10:19

Urĭgi, ya umampugkūm nempasiwugi worōwī iranda ovun neskil, mōvun skorpion, miran horog omwisū isen Novsen nakan; ĭm tawi sī se sī antipe nesorū irami.

Nam Navosavos Eni Luk 15:17

Miyi yemtarūves, memesepenenūwi pugi, memokū, Ovun lĭvsaū isen nate sikat, mirora ūmuntampalsah nevag, im ya umamas igko ugi temas.

Nam Navosavos Eni Luk 24:49

Im ūrĭgi, ya umentamūli nievūos isen Itemen sorūg irami; kō kĭmi ūtendōwi ra sĭti Yerūsalem afeli nempugon kimi kwonevakūmūgi horog marugi pokōp.

Nam Navosavos Eni Luk 8:35

Mirora dūmūvelah worokesi mori yemumpi, mūmūvelum pugi Iesū, mūmōkesi neteme mori ōv naviatindi dūmūvelum ilat marugi, yemetesep mevlugi nemas, memtarūves, ra noan isen Iesū; mirora dūmtetugi.

Yoane 14:27

Ninparata ya awi pugkūm ninparata enyaū ya umampugkūm. Ya otumampugkūm sugkū ōveteme ra nemap. Utūyēōmpeli ūnōwami, ūtūmtetugi, kĭmi kūrĭgi mori ya onūwi pugkūm, mokū, ya umampe, ĭm ya umampelum pugkūm.

Ovun Apostol 1:8

Kō kĭmi kwampi horog nempugon Naviat Tumpora ampelum irami; ĭm kĭmi ōvun numpūvsok kwonumpūvsok ugi yaū ra Ierūsalem, ĭm Iūdia orawisū, ĭm Samēria ĭm ra nūrū sū nūrū sū.

Ovun Apostol 10:38

nokowo Nōbū yemavūi Iesū neteme Nasaret ugi Naviat Tumpora ĭm horog: mori yemavan, memnumpi aremī, memumkororĭgives irora mori dūm molaswoni ugi sētan; popowo Nōbū ūtidū iyi.

Ovun Apostol 20:24

Kō ya kotūm mentarū ugi imosū ĭm ya kotūm masiugi nomūrep sorūg ya umagkū ugi magkū worokompeli numpūrak sorūg ugi navos, ĭm torugat mori yaumpi marugi Novsūromon Iesū, worumpūvsok ugi nam navosavos, ugi nelintugi isen Nōbū.

Ovun Apostol 21:13

Kō Pol yemtamse memenūwi memokū, sie kūmnumpi kūm nageri mūmagkū worareki nowag kū? Tawi woreti neēti wokon, kō yaū tavesves ra Yerūsalem popōwo ugi nin eni Novsūromon Iesū.

Ovun Apostol 26:11

Im yaū metipe nelileki iranda nempugon sikat ūnisog ōvun nimo tavsogi, yaū mumpi irora woresendoekia iran nin isen, ĭm popōwo yaū memlū ugi naraki iranda, yaū ĭmpīesesat irora mafeli ōvun sĭti isenda ōvun domo.

Ovun Apostol 26:25

Kō iyi yemenūwi memokū, Festus numposeti ya otum numpaviag; kō ya kum mentesūī nam ĭtnesog ĭm nelekon:

Ovun Apostol 6:8

Im Stifan yovūwarugi tavniri ĭm horog yemumpi ov numpūrak sū navlugi horog iranda netevokontū.

Ovun Apostol 9:22

Kō Sol yemtorugat mōmū mo mumpi sumpelūlya tarū isenda ōveteme Isrēel mori dūmetĭndowi Damaskus, memsese punora ĭtnesog, ma iyi mori Krĭstō.

Netiyi Eni Pol Apostol Punora Oveteme Rom 5:5

ĭm tawi otū ampī narumprum ugi tevetūwi; popōwo nowant ūmovwarugi naviat eni Nōbū ugi Naviat Tumpora dūmūvugkos.

Netiyi Eni Pol Apostol Punora Oveteme Rom 8:15

Popōwo kūmūtū vī naviat nagalaū nugkugko ra nemetet; ko kūmū vī naviat nemolsep sugkū umentorora, ōvala laū memagkū kos kel anūwi ĭm lagkū, Aba, Etemen kam.

I. Korint 2:4

Im ōvun nam enyaū, ĭm torenūwi enyaū tawi irora ugi ōvun nam nesūlives ugi nelekon, kō ugi pe nenūatumpene eni Naviat,

Kalesia 5:22

Kō novwan ugi Naviat Tumpora oti imo; nelintugi, navos, ninparata, natekisah indowi, numpeleves dan sū iranda ōveteme, nowan aremī, tanepoves,

Kolose 1:8

miyi yemenūwi pugkam nelintugi enugkimi ra Naviat.

Hibru 2:15

memumkorēyōwara mori omwisū dūmorigumpūnū dan sū omwisū ra nomūrep enirora popōwo ugi nemtetugi nemas iranda.

I. Piter 1:22

Im popōwo kūmūsendomsi nowami ugi sendiokives nam aremī ugi nelintugi ĭtnesog nisekonda ravinsīeme,

I. Yoane. 4:18

Tawi sī nemetet ra nelintugi; popōwo nelintugi aremai umesatevugi nemetet, popōwo umante nūrian ra nemetet; ĭm iyi mori umnemetet ĭtnesog nelintugi eni tawi faneteme.