II. Timote 1:3 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

³ Yakum mumpalugi iran Nōbū, mori yaū im torugat iran ūnōwag tanepo sugkū ravūgteveneme sorūg, memagkū yakum natekisah dan ĭm būmrok worufwaki nisekom,

II. Timote 1:3 ပူးပေါင်းရင်းမြစ်များ

Nam Navosavos Eni Luk 2:37

miyi neviumpūi, nevisū ēti-fōr iran, miyi yetūwi nimo tumpora, nempugon pūmrok im dan iyi yementeveta ugi netevokom im nufwaki.

Ovun Apostol 22:3

Itnesog yaū neteme Isrēel, meti numprokomol ra Tarsus ra Silisia, kō yaū malam ra imo sĭti ūnowon eni Kamaliel, dūmamperavsoko yaū ugi siame sū ra nam alam isenda ritemendeme memnarakara popōwo ugi Nōbū, sugkū kĭmi sū ire.

Ovun Apostol 23:1

Im Pol yemtopotneme ōveteme naūr memenūwi memokū, Oveteme ravūgsĭeme yaū melevsaū iran Nōbū ugi itnesog ūnowag mefeli nempugon marima.

Ovun Apostol 24:14

Ko ya kum mentesūī imo pug kĭk memagkū, ya kum mentivita iran Nōbū isenda ritemendemi ugi selat mori irora ūmanūwi magkū semsimak sī, mementavnirĭgi siame ra mumpon namalam mōvun profet.

Ovun Apostol 24:16

Im ya kum andūn umpi imo, ya umnavles ugi tarū sū ūnōwag ugi siame sū worefinte sū aremī ūnĭmpi eni Nōbū mōveteme.

Ovun Apostol 26:4

Oveteme Isrēel omwisū umagkili ugi yaū marugi nempugon yaū virok, nagku irora wonumpūvsok ugi, mori yemati potni ra lō sorūg ĭm ra Yerūsalem,

Ovun Apostol 27:23

Popōwo yemetūrū ra nakorig pūmrok sī nagelo isen Nōbū mori yaū isen ĭm ya kum mintorugat iran,

Netiyi Eni Pol Apostol Punora Oveteme Rom 9:1

Yakum manūwi nam itnesog ra Krĭstō, ya otū manūwi namli, ĭm nōwug amumpūvsok irag ugi Naviat Tumpora,

II. Korint 1:12

Im navos enyau imo, mori numpūvsok ūnōwag, ma ugi tumpora ves ĭm tanepo ves ūnipmi Nōbū, tawi ugi nelekon sorug, kō ugi itemas paū isen Nōbū, yaū mete ra netevarū aremī, ĭm tamas mōmū popōwo ugi kĭmi.

Kalesia 1:14

ĭm yaū ĭm tantevakepe iranda sikat mōmū ra lō sorug ra nofwaki isenda ōveteme Yūdia, ĭm yaū matekisah tamas wokon ugi nam alam isenda ōvun ĭtīs sorūg.

Efesus 1:16

yaū metūwi worumpalug ugi kĭmi mematovninekūm ra ōvun nesenug enyau;

I. Teselonia 3:10

mōĭmesenĭgi ugi nufwaki pūmrok ĭm poakas ma ya agesi nimetemi, momumpi horog nugkon mori netromoro ra tavniri enugkimi?

I. Timote 1:19

momerarsivsi taviniri ra nōwan aremai; mori ugi imo nugkon ra irora dūmūtafugi morokonda ĭm dūmokeni tavniri (enirora):

I. Timote 1:5

Ko fan nam ugi imo nempasewugi oti nelintugi punora ōveteme, ūmamne ra nowant sentevives ĭm tarū aremī ĭm tavniri ĭtnesog:

I. Timote 5:5

Iyi mori neviumpūwi ĭtnesog, ĭm umante teven ĭm norumkor iyi umentesūwī iran Nōbū, miyi umnufwaki ĭm mesenĭgi dan ĭm būmrok.

II. Timote 1:5

pol sugkū dūmūnūwi poyaū tavniri ĭtnesog enugkĭk; yepmovūm mete ra Lois novūm, ĭm iran dinum Yūnisi; ĭm yakum mentavnirigi, magkū umante iram sugkū.

II. Timote 3:15

ĭm ma marugi nempugon kĭk ūmpamū mafeli nempugon marima kĭmokili ōvun netiyi tumpora mori faneteme worumpi kĭk nilekon ra nēyōwara ugi tavniri mori umante ra Iesū Krĭstō.

Hibru 13:8

Iesū Krĭstō sīteven indowi tarū isen etūwī ĭm marima, ĭm ĭtnesog sugkū indowi ūvūm nevi sū.