II. Timote 1:1 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Pol, apostol eni Iesū Krĭstō ugin tarū eni Nōbū, sugkū ugi niyevūwos nam ugi nomurep mori umante ra Iesū Krĭsto, pugi Timote, netūg paū sorug:

II. Timote 1:1 ပူးပေါင်းရင်းမြစ်များ

Yoane 10:28

ĭm ya umampunora nomūrep ūbrūni; mirora ūtūonamiap; ĭm tawi sī oneforewokonda marugi nokovūg.

Yoane 17:3

Im imo nomūrep ūbrūni ma irora wagkilok, Nōbū itnesog siteven, ĭm Iesū Krĭstō mori kĭratamūli.

Yoane 5:24

Itnesog, ĭtnesog, ya umanūwi pugkūm, memagkū, Iyi sī umandĭgi nam enyaū mementavnirĭgi Iyi mori yemtamūli yaū, nomūrep ūbrūni eni, otūonumpi iyi nworepatevi, popōwo iyi yemowi nemás mentorĭmpe ra nomūrep.

Yoane 6:40

Miyi mori yemtamūli yaū emagkū, omwisū mori umagesi Netni mūmumtavnirĭgi iran, irorago wampī nomūrep ūbrūni, ĭm ya ontorisah ran dan nisah.

Yoane 6:54

Iyī sī umneni fan enyaū memnamoneki de enyaū umumpī nomūrep ūbrūni, ĭm ya ontorisah iyi ran dan nisah.

Netiyi Eni Pol Apostol Punora Oveteme Rom 1:1

Pol sī lĭvsaū eni Iesu Krĭstō, dūmovrugi woreti sī apostol, dūmūtampoli ugi nam navosavos eni Nōbū,

Netiyi Eni Pol Apostol Punora Oveteme Rom 5:21

ma sugkū sat yemtantevakepe ra nemas sugkū ontantevakepe itemas paū ugi tanepoves nomurep ūbrūni ra Iesū Krĭsto Novsuromon enugkos.

Netiyi Eni Pol Apostol Punora Oveteme Rom 6:23

Popōwo nipmi sat oti nemas; kō ĭtemas paū eni Nōbū oti nomūrep ūbrūni ra Iesū Krĭsto Novsūromon enugkos.

I. Korint 1:1

Yaū Pol, dūmovrokoyaū woreti sī apostol eni Iesu Krĭsto ugi nakiugi eni,

II. Korint 1:1

Pol Apostol oni Iesū Krĭstō ugi tarū eni Nōbū, ĭm Timote avit sī, punora nilpon sī lō tumpora eni Nōbū Korint, ĭm punora ōveteme aremī omwisū umante ra nuru sū Akia:

II. Korint 1:20

Sikat pe nam yeviwos eni Nōbū, kō nam fan ra fan mitnesog ugi iyi: ĭm Amen sugkū ra irora ōvun nam isen ugi iyi, ra nilasilaswi pugi Nōbū ugi kam.

Kalesia 3:26

Im kĭmi sū ōvun netnime eni Nōbū, popōwo ugi tavniri enugkimi ra Iesū Kristo.

Kalesia 3:28

Im tawi mōmū sī ĭm sī ōveteme Yūdia ĭm ōveteme Krik, ĭm tawi mōmū sī ĭm sī lĭvsaū torugat ĭm neteme narisah, kū nateman kū nasiven: popōwo marima kĭmi sū omwisū siteven ra Iesū Kristo enugkimi.

Efesus 3:6

memagkū ōvun lō pelah sī ōvun tampenum dal kam, ĭm sīteven dal kam, ĭm worevi dal kam nam dūpmūnūwi ra Iesū Krĭstō ugi nam navosavos,

I. Timote 6:19

mōtmtavinepon natipotnin aremī nisekonda irora wonelakavi nomūrep, mori nomūrep ūvrūni.

II. Timote 1:10

kō marima umanūatumpene ugi nivelum eni Iesū Krĭstō Nēyōwara enugkos, mori yivipelah nemas, mōĭmpīĭmpelum nomurep ūvrūni ugi nam navosavos,

II. Timote 1:13

Eravsivsi safi enyau ra nam aremī kĭmūrĭgi yaū menūwi, ugi tavniri ĭm nelintugi mori umante ra Iesū Krĭstō.

II. Timote 1:9

iyi mori yemumkosēyōwara, memovrugkos ra novrugi aremī, yetū umpi popōwo ugi numpūrak enugkos, kō sugkū ugi tarū isen ĭm itemas paū eni, mori yemevugkos ra Iesū Krĭstō ra nempugon mori etūwĭ tawi nemap,

II. Timote 2:1

Popōwo pe sugkū, netūg, eti horog ūnōwam ra itemas-paū mori umante ra Iesū Krĭsto.

II. Timote 2:10

Popōwo pe ya ampi ōvun nesorū ugi siame sū popōwo ugi irora ōvun tampoli ma irora sugkū wampi nēyōwara mori umante ra Iesū Krĭsto ĭm navosavos ūvūm nevi sū ĭndowi.

II. Timote 2:3

Avoroyaū worevi norigumpūnū sugkū nempako aremai eni Iesū Krĭsto.

II. Timote 3:15

ĭm ma marugi nempugon kĭk ūmpamū mafeli nempugon marima kĭmokili ōvun netiyi tumpora mori faneteme worumpi kĭk nilekon ra nēyōwara ugi tavniri mori umante ra Iesū Krĭstō.

Tītus 1:2

mori Nōbū mori umanūwi nam ĭtnesog wokon, yemenūwi ugi pe ra nempugon mori tawi nemap;

Tītus 1:4

pugi Tītus netūg ĭtnesog, sugkū ugin tavniri enugkos omwisū: Itemas-paū ĭm ninparata marugi Nōbū Itement ĭm Iesū Krĭstō Novsūromon enugkos.

Hibru 9:15

Im popōwo ne sugkū it iyi neteme woretipe nimparata ugi nam alam ītevaū, ĭt iyi yimas woreti sakrefis woresīpelah sat mori dumumpi ra nimpugon mori yemete nam alam mampum, mamegkū irora mori dūmovrokonda wampi ūvūm nevisū sie sie mori dūpmūnūwi ugi.

I. Yoane. 2:25

Im imo nam ūnam isen yepinenūwi pugkos, memagkū nomūrep ūvrūni.