II. Piter 2:2 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

² Im sikat wonūri numpūrak nilasivian sat enirora; ĭm popōwo ugi irora wanūwi nagkaū ugi selat tanepo.

II. Piter 2:2 ပူးပေါင်းရင်းမြစ်များ

Matiyu 22:16

Mirora dūtamūlora pugi ōvun nūrie enirora dal ōvun nūrie eni Herod, mirora dūmūnūwi pugi mūmōkū, Tavsogi, Ka kemlagkili ma kĭk ĭtnesog, ĭm kĭk ementavsogi ves ugi selat eni Nōbū, ĭm kĭk otūmamtetokonda ōveteme;

Matiyu 24:24

popōwo ōvun krĭstō nempiri wampelum, mōvun profet nempiri sugkū, mirora wonumpi ōvun nokosĭnpūp navlugi worempiriwokonda ōveteme, mōvuntampoli nagkū irora faneteme.

Matiyu 7:14

Kō sī būkitampet neworekerĭki Im selamgis mori umampe ra nomūrep, mirora mori umagesi tawi sikat.

Mark 12:14

Mirora dūmūvelum mō mūnūwi pugi mūmokū, Tavsogi, ka kĭm lagkili ma kĭk itnesog, ĭm ki kotum mamtetokonda ōveteme, ĭt kĭk otum magesi nĭmĭnda ōveteme, ĭm kĭk emĭntavsogi itnesog ugi selat eni Iehōva, kĭk emagkūo oti tanepo worevugi muni mori pugi Sisar kū tawi. Ka ke lampugi, kū ka ke letū lampugi?

Mark 13:22

ĭt irora ōvun Krĭstō nĭmpiri mōvun profet nimpiri wampelum, mirora wanumpi navlugi sū mōvun safi worĭmpiri ōvun tampoli, nagkū irora faneteme;

Yoane 14:6

Iesū yemenūwi pugi memokū, Yaū selat, mĭtnesog, ĭm nomūrep. Iyi sī umampelum pugi Itemen umampelum ugi yaū wokon. Nagkū kĭmi pūkili yaū, kĭmi pūkili Itemen enyaū sugkū.

Ovun Apostol 13:10

Kĭk emampūarugi nimpiri sū ĭm sat sū, nitni eni sētan, ĭm novsin nakan ra siame sū tanepo, kĭk otūawi sep worumpi nagkaū ovun selat nugko eni Novsūromon kū?

Ovun Apostol 14:2

Kō ōveteme Isrēel mon dūtū tavnirigi dūmorūn nakan punora ōvun nĭlevokevat mū mūtipe nakan ūnōwanda punora ravensieme.

Ovun Apostol 16:17

Miyi yemūri Pol ĭm kam mo moren novrugi sah me mokū, Irora imo ōveteme mori ōvun livsaū eni Nōbū Tantevakepe, ūmesesi pug kos selat nomūrep.

Ovun Apostol 18:26

Miyi yematipotni wortesūwi nam ra mumpon nimo tavsogi metū emtetokonda; ĭm Akwila ĭm Prisila dūmūrigi ugi iyi mūmūton iyi, mūmūsesi pugi aremī mōmū selat eni Nōbū.

Ovun Apostol 19:9

Kō nugkon eme dūmūti nugkugko mūmūtavnirigi, mūmūsendoekiye ugi selat ūminĭnda ōvun semsimak, iyi yemowi irora, memtorora pelah ōvun nūrie, memtesūi nam ra nimo tavsogi isen sī neteme, nin Tiranus.

Ovun Apostol 22:4

Im yaū ĭmpī e se sat ōvun nūrie mori, memtalokonda, yaū meīti ōveteme movasiven, memtor ora mo mov ki sep ūnisog ovnimo nugkugko.

Ovun Apostol 24:14

Ko ya kum mentesūī imo pug kĭk memagkū, ya kum mentivita iran Nōbū isenda ritemendemi ugi selat mori irora ūmanūwi magkū semsimak sī, mementavnirĭgi siame ra mumpon namalam mōvun profet.

Netiyi Eni Pol Apostol Punora Oveteme Rom 2:24

Popōwo pe ugi kĭmi ōvun nĭlevokevat ūmampīĭndi nin eni Nōbū, sugkū dūmūtĭyi ugi.

I. Timote 5:14

Im popōwo pe sugkū yakum magkū ōvun neviumpūwi itumpūkoneme wuntūok, mūvĭ ōvalalaū, mūfĭnte aremī temne enirora mūtū umpi sī sōie sī wontavūntand ugi ōvūn novsen-nakan enirora:

Tītus 2:5

sentevives, ōvun torugat ra nete enirora, ōvun nelintugi woralekoleki nam eni rasūwondeme, ma ūtū wanūwi nam sat ra nam eni Nōbū:

Tītus 2:8

nōĭntawi, nam nugko, nugkugko woramtugi; ma irora mori umesendoekiye wonarumprum, popōwo tawi sī sie si ūr irant worenūwi.

I. Piter 2:12

wumpi netevarū aremī kĭmi ūniminda ōvun nelevokevat; ma irora, pol sugkū irora wagesi ōvun numpūrak aremī enugkimi, wampīeves Nōbū ugi imo siame irora dūmūtavūntan sat irami ugi pe, ra nempugon nilara ampelum punora.

II. Piter 2:12

Kō iroromo mori, sugkū ōvun nūrah tawi tarū isenda, dūmumprokomol ōvun nūrah wokon nimsin nemas, ūmūntavūntan ran tiame irora ūtūmagkili sie ugi, ra numpūrak enirora worokinora ōveteme itnesog wonokinora sugkū,

II. Piter 2:15

ōvunyan ra navoret; dūmūwi selat aremi dūmavan pelah, dūmūri netevani eni Bēlam netni eni Beor mori yemelintugi nūmpūrak nagkaū;

II. Piter 2:18

Popōwo ugi ōvun nam horog wokon kō tawi fan, irora ūmūntorora ra ōvun nakīugi nilasivian nokolisiran nililūō, irora mori ūmbotibot worale morokonda mori umantindowi ra nagkaū;

II. Piter 2:21

Popōwo mōmū aremī nisekonda woretūkili selat nomurep, ma, polsugkū dūmūkilisū, wontorileki marugi nam alam tumpora dūmūtinepe punora.

II. Piter 2:7

yemsemsempari Lot, mori yemorigisat popōwo ugi nilasivian sat enirora ōvun narekisat dan sū

Netaiyi eni Jūd 1:10

Kō imo ovragi ūmūntavūntan ra tiame mori irora ūtūmagkilĭ ugi: Kō ūmentavtiti irora ra tiame mori irora ūmagkili sugkū ōvun nūrah, mori tawi tarū enirora, kō ōvun nūrah wokon.

Netaiyi eni Jūd 1:15

ĭm worumpi nurian noveret iranda ūtūm mosesie ra Nōbū, mori irora umnumpi numpūrakindi wokon dan sū omwisū mūrigi sat ugi nin eni Nōbū, ĭm ugi ōvun nam sat mori ōvun narekisat dūmūnūwi iran Nōbū.

Netaiyi eni Jūd 1:4

Popōwo okovelum pugkos ugi nimpiri, mori irora mori dūmūtaiyi ugi irora ĭtetūwai nimūn imo neworapatevi iranda, ōvun narekisat, dūmūvoli itemas paū eni Nōbū enugkos ra nilaūviansat, ĭm dūmūsendūeye Narisah Novsūromon, Iesū Krĭstō enugkos.

Netaiyi eni Jūd 1:7

Sugkū oveteme Sodom ĭm Komora, im oveteme ra nūrū sū magkaūwokonda, mori dūmūtinimpe irora sugkū pugi tampalaū, ĭm dūmūri oveteme ōvūn natemas, iyi umefinte irora nimsin nesorū nūsian ra nom ūvūm nevisū indowi.

Reveleson 12:9

Im dūmūtafugi ilat drakon horog mori, mori neskil italam, iyi mori ūmatovnin magkū Diabolo ĭm Setan, mori emnumpiri iranda ōveteme omwisū ra nemap; dūmūtafugi iyi ra nemap, ĭm dūmūtafugi irora ōvun nagelo isen ūndū iyi.

Reveleson 13:14

Im iyi emumpiriwokonda morimori ūmante ra nemop popōwo ugi ōvun navlugi yetin avugi worumpi ūnipmi nūrah mori, miyi yeniokū pun ora ōveteme ūmante ra nemap, memagkū irora wonumpi safi nūrah mori yivai nampon naūitūga, mōimamūrep.

Reveleson 13:8

Im lō sū omwisū ra nemap wonteveta iran, ĭm irora sū omwisū mori dūtū taiyi sū ra netaiyi nomūrep eni Lam mori dūmūtalugi iyi ra nempugon etūai mori ĭm tawi nemap.