II. Piter 1:10 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹⁰ Popōwo pe sugkū, ravetsīme, watikisah tamas worumpi ūnam tampolokūm ugi; popōwo nagkū kwonumpi imo sū, ĭtnesog kūtū wontoreleki kĭmi:

II. Piter 1:10 ပူးပေါင်းရင်းမြစ်များ

Matiyu 22:14

wontugagerisah moneltirit nogūn; ĭt umam perokonda sikat, kō umuntampolora tawi sikat.

Netiyi Eni Pol Apostol Punora Oveteme Rom 11:29

Popōwo Nōbū otū mentarū tarū ugi ōvun itemas paū isen ĭm ōvun novrugi iranda ōveteme.

II. Timote 2:19

Kō umantendowi ūnam natipotnin Nōbū yemetipe, umetiyi ugi memagkū, Novsūromon umagkilora ōveteme isen: ĭm, Irorasū omwisū mori ūmanuwī nin eni Novsūromon aremī waūwi numpūrak satindi enirora.

Hibru 6:11

Im ya um nakiugi ma kwonatekisah worumpi imo natevarū aremi kĭmi mōmumpūvsok ratevetūwi nakiugi aremi mafeli ra nisah eveni;

Hibru 6:19

ĭm imo koskelivisū sugkū agkor nimsin navit enugkos, sī nakiugi ratevetūwi ĭtnesog manam ĭm umante ra numpon ilebok tumpora umeseni; iye Iesū yipmovūm memtorimpe nisekont,

Yakobo 2:10

Popōwo nagkū sī onekompeli nam alam omwisū, mō mareki ra sie sī siteven siugi pe, iyi umnowarepatevi ugi omwisū.

I. Piter 1:2

ugi nesepen nokili eni Nōbū Itemen ugi tumporoves eni Naviat ugi nalekoleki nam ĭm ugi navokūm ugi de eni Iesū Krĭstō Itemas paū pugkūm ĭm ninparata antin tandamsah.

I. Piter 1:5

mori ugi horog eni Nōbū umesemsempari irami ugi tavniri ra neviēyōwara umentavesves woresese ra nimpugon aveni.

II. Piter 1:3

ĭm popōwo pe dūmūvugkos tiamesū omwisū ra nomurep ĭm sesie iran Nōbū, ugi horog isen yemtorugkos ugi tanepo ĭm nilasilaswi eni;

II. Piter 1:5

Im, popōwo ugi imo pe watikisah tamas dansū, woresitū ra taveniri enugkimi ugi sentevives enugkimi; ĭm ra sentevives enugkimi ugi nelekon;

II. Piter 3:14

Im nasūgsīeme paū, popōwo kĭmi kūmūsorugi imo tiame, ūtarūgi mōmatekisah ma kwantindowi ra ninparata, ĭm tawi sie sī ūr iramei kō sugkū ōvun tanepo ūnipmi eni.

II. Piter 3:17

Im popōwo pe sugkū, ravūgsīeme paū, kūmūkili mampūm imo siame, wavlis aremī, kū entawi kwonūri namlī enirora ōvun nareki sat, momamol marugi tavniri aremi ĭm nugkugko onugkōĭmi.

Netaiyi eni Jūd 1:24

Im pugi iyi mori faneteme woresemsempari irami marugi itakeli omwisū, ĭm woretipe kĭmi ūn-nipmi nilaūlasewi isen nūūan ugi navosavos ampekotekat enugkĭmi,

Reveleson 22:14

Nevaieves iroara mori ūmesentevi nemas isenda, ma irora aremai worevelum pugi nē nomūrep ūvrūne, ĭm ma irora wintorimpe ra ōvun nūgon selat ra mumpon siti.