II. Piter 1:1 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Simon Piter, livsaū ĭm apostol eni Iesū Krĭstō, punora mori dūmūvi tavinri aremī sugkū kam ra tanepo eni Nōbū im Iesū Krĭstō novsūromon enugkos ĭtemas paū

II. Piter 1:1 ပူးပေါင်းရင်းမြစ်များ

Matiyu 10:2

Imo ninda enirora ōvun Apostol Twelv: mampūm Sĭmon, nalĭg eni Piter, ĭm Anderū, avensī eni; Yakōbō, netni eni Sepedi, ĭm Yōane, avensī eni;

Matiyu 4:18

Miyi yemavango ra nokoren tok Kalĭli memokesora ravensĭeme ēndūrū, Sĭmon, nalĭg eni Piter, ĭm Anderū, avensĭ eni, dūmūtipe nokopon enirora ran tok, ĭt irora dūti ōveteme nesorugi nomū.

Nam Navosavos Eni Luk 1:47

Im naviat sorūg umnavosavos ugi Nōbū Nēōwara sorūg,

Nam Navosavos Eni Luk 11:49

Popōwo imosū sugkū, Iyi mori Numpūn-Nelekon isen Nōbū, yemenūwi, memokū,

Yoane 1:42

Im Iesū yemokesi iran memenūwi memokū, Kĭk Sīmon, netni eni Yōna; onatovnin enugkĭk, magkū Kefas, fan nam, Nevat.

Yoane 12:26

Nagkū sī umagkū iyi ontorugat irag, aremī iyi onampelesi irag; ĭm ra nūrū yaū yūi, iyi lĭvsaū enyaū yūi sugkū. Im nagkū sī olĭvsaū irag, Itemene yaū antipe nilaswi iran. Marima naviat enyaū umandĭgi sat.

Yoane 20:21

Iesū yōmenūwi punora, memokū, Ninparata irami; sugkū Itemen yemtamūli yaū, ya umentamūlokūm sugkū.

Ovun Apostol 15:14

Sīmon onūwi mokū nokowo ra nōbūm Nōbū yemtametmet lō sū nĭlevōkevat woretampoli sī lō ra nin isen.

Netiyi Eni Pol Apostol Punora Oveteme Rom 1:1

Pol sī lĭvsaū eni Iesu Krĭstō, dūmovrugi woreti sī apostol, dūmūtampoli ugi nam navosavos eni Nōbū,

Netiyi Eni Pol Apostol Punora Oveteme Rom 1:12

mokū, ma ya ampi kos dal yaū navos enugkimi yaū ĭm kĭmi ugi tavniri sī ĭm sī soret enugkimi yaū.

Netiyi Eni Pol Apostol Punora Oveteme Rom 1:17

It omanūatumpeni naraki eni Nōbū marugi eni Nōbū ra tavniri pugi tavniri: sugkū umetīyi ugi, Kō ōvun tanepo wamūrep ugi tavniri.

I. Korint 1:30

It kĭmi kūmante ra Iesu Krĭstō ugi Nōbū, yemete nisekont nointanwi marugi Nōbū, ĭm tanepoves, ĭm nelugelugeves, ĭm nēyōwareves;

I. Korint 15:9

Popōwo yaū mōmū nĭndewavo iranda ōvun apostol, ĭm tawi aremī woratovnin yaū memagkū apostol popōwo ya umpi nugkugko iran nilepon sī lō tumpora eni Nōbū.

I. Korint 9:1

Yakum mante ugi nemolsep kū entawi? tawi yaū sī apostol kū? yaū metokesi Iesū Novsuromon enugkos kū? kĭmi ōvun numpūrak sorug ra Novsūromon ĭm laūwo?

II. Korint 4:13

Kō umante tovun yaū fan ra tavniri sīteven, sugkū dūmūtīyi memokū, yaū mintavniri, ĭm popōwo pe yaū menūwi; ĭm sugkū ya umtavniri, ĭm popōwo yakum manūwi;

II. Korint 5:21

Iyi mori yetūkili sat yemetipe iyi woreti sokowar ugi sat enugkos; ma kos kelante tanepo eni Nōbū ugi iyi.

Kalesia 2:8

(iyi mori yemovugi Piter horog woretorugat iranda ōveteme mori dūmumpi namon iranda, yemovoyaū torugat woretavsokonda ōvun lō pelah ra nūrū sū nūrū sū);

Efesus 3:5

mori dūtūnūatumpene punora ōveteme etūwī, sugkū ūmanūatumpene marima punora ōvun apostol mōvun profet ugi Naviat;

Efesus 4:11

Im yemetipe nugkon ōveteme woreti ōvun apostol; ĭm nugkon woreti ōvun profet; ĭm nugkon woresūlives nam; ĭm nugkon woreti ōvun lĭvsaū nefinte ĭm ōvun tavsogi;

Efesus 4:5

Novsuromon sīteven, tavniri sīteven, baptisma sīteven, Nōbū sīteven,

Filipi 1:1

Kam, Pol ĭm Tĭmoti, ōvun lĭvsaū eni Iesū Krĭstō, punora ōveteme aremī omwisū ra Iesū Krĭstō umante ra Filipi, dal ōvun bĭshop mōvun dikon:

Filipi 1:29

popōwo umentinĭmpe pugkum ugi Krĭstō, tawi woretavniri wokon iran, kō worevi nesorū ĭm nesesaū popōwo ugi nin eni:

Filipi 3:9

ma ya ampi Krĭstō, ĭm woretindowi ra iyi, ĭm woretū tavniri ra sī netevarū nugko enyaū sugkū ugi nam alam kō ugi imo mori umamne ra tavniri ra Krĭstō, tanepoves mori marugi Nōbū ugi tavnirima ya agkili iyi,

II. Timote 1:5

pol sugkū dūmūnūwi poyaū tavniri ĭtnesog enugkĭk; yepmovūm mete ra Lois novūm, ĭm iran dinum Yūnisi; ĭm yakum mentavnirigi, magkū umante iram sugkū.

Tītus 1:1

Pol livsaū eni Nōbū ĭm apostol eni Iesū Krĭstō, popōwo ugi tavniri enirora ōveteme tampoli eni Nōbū, ugi sesie ra Nōbū, ĭm ugin tavniri ugi nomūrep ūvrūni,

Tītus 1:4

pugi Tītus netūg ĭtnesog, sugkū ugin tavniri enugkos omwisū: Itemas-paū ĭm ninparata marugi Nōbū Itement ĭm Iesū Krĭstō Novsūromon enugkos.

Tītus 2:13

nōĭmtevetūwi nevīēves mori ĭm netūratumpene ra nilasilasiwi eni Nōbū nūsian aremī ĭm Iesū Krĭstō Nēyōwara enugkos;

Yakobo 1:1

Yaū Yakobo, lĭvsaū eni Nōbū ĭm eni Iesū Krĭstō Novsūromon, pun ora ōvun savetasū twel mori ūmante sītevengo ra nūrū sū nūrū sū, ya magkū kĭmi paū.

I. Piter 1:1

Piter Apostol eni Iesū Krĭstō, pugkum ōvun tampoli kum mante ra nūrū sū, mori dūmaseviugkūm ra Pontius, Kalesya, Kapadosya, Esya, ĭm Bitinya,

I. Piter 1:7

ma numpūosok ra tavniri enugkimi, momu aremi ra kold mori umtimti pe nokowo, nugkugko worumpi ūnam ugi tapmi ugi nom numpūvsok, antin tamas ra nam aremīugi ĭm nilasilaswi ĭm narigi ra nenūatumpene eni Iesū Krĭstō,

I. Piter 2:7

Im imo aremī indowi nisekomi kūmūtavniri: ko nisekonda mori ūtūmontavniri, Nevat mori ōveteme mori dumumpi nimo, dūmokesi sat, Imo pe yemumpi nūmpūntan nimo;

I. Piter 5:1

Ya um menūatokeli punora ōvun tavsogi ūmanūwi nam pugkūm, yaū mori yaū sī tavsogi, ĭm numpūvsok ugi norigumpūnū eni Krĭstō, ĭm neteme ampi dal ōveteme isen nilasilaswi mori anturatumpene:

II. Piter 1:4

popōwo ugi imo yemovugkos nam niyeviwos nūsian ĭm aremī ĭndowi; ma popōwo ugi imosū kĭmi kwonalō marugi sat umante ra nemap popōwo ugi nilasivien sat eni neteme.

Netaiyi eni Jūd 1:1

Yaū Jūd, lĭvsaū eni Iesū Krĭstō, ĭm avinsai eni Yakobo, pun ora mori dūmūvrokonda, ōvun tampolives eni Nōbū Itemen, ōvun nefinte nisekon Iesū Krĭstō: