II. Korint 7:1 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Ravugsieme, umante tovunekos imo sū ōvun nam dūmūnūatumpene, popōwo pe sugkū aremī kos kele sendumsi ves irant marugi ōvun neliūo omwisū ra nokolisirant ĭm naviat enugkos, mō mumpi netevarū aremī indowi memtetugi ves Nōbū.

II. Korint 7:1 ပူးပေါင်းရင်းမြစ်များ

Matiyu 12:33

Wumpi nō aremī ĭm novūan eni aremī; kū wumpi nē ūr ĭm novūan ūr; umagkili nē ugi novūan isen.

Matiyu 5:48

Uti kĭmi aremī ĭndōwi sugkū Itemen kĭmi ūnpokūp aremī ĭndōwi.

Matiyu 5:8

Nevĭeves ōvun sentevives ūnōwanda, ĭt irora wagesi Nōbū.

Ovun Apostol 9:31

Movun semsimak dūmūte ra ninparata ra nūrū sū Yūdia ĭm Kalĭli ĭm Sameria mūmūteli horog. Im pol sugkū dūmavan ra nimtetugi ves Novsūromon ĭm nelintugi eni Naviat Tumpora mūmūtendam.

Netiyi Eni Pol Apostol Punora Oveteme Rom 5:20

Im nam alam yivelum, ma sat ante sikat; kō yei sat yemtandamsah, ĭtemas pau mōmū tamas nusian:

I. Korint 6:20

popōwo dūmūvasi kĭmi ugi nĭpmi: popōwo pe sugkū wumpi nilasilaswi nisekon Nōbū ra nokolisirami kĭmi.

II. Korint 1:20

Sikat pe nam yeviwos eni Nōbū, kō nam fan ra fan mitnesog ugi iyi: ĭm Amen sugkū ra irora ōvun nam isen ugi iyi, ra nilasilaswi pugi Nōbū ugi kam.

Efesus 2:3

ĭm kos omwisū kos kim lete etūwī sugkū sū irora ugi nakiugi nagkaū ūnōwant, ĭm ugi numpi sugkū ōvun nilasivien sat ra nokolisirant, ĭm ōvun tarūsū sat, ĭm kos kim lete ugi netevarū ra nemap ōvun narekisat ugi naraki irant sugkū ōveteme omwisū:

I. Teselonia 3:13

sugkū ka kĭm mumpi pugkūm; memagkū iyi onumpi ūnam nowami tanepoves ĭm aremī wokon ōnĭpmi Nōbū Itement, pol sugkū Iesū Novsūromon enugkos ampelum dal ōveteme omwisū aremī isen.

I. Teselonia 4:7

Popōwo Nōbū yetūtorokos nimsin nelilūo kō nimsin sentevives.

I. Teselonia 5:23

Im iyi pe iyi Nōbū ninparata onumpi kĭmi tumpora ĭm aremī ĭndowi; ĭm aremī naviat enugkimi ĭm nowami ĭm nokolisirami wantĭndowi aremī ĭndowi, ĭm tawi sie sī pol sugkū Iesū Krĭstō Novsūromon enugkos ampelum.

Hibru 12:23

ĭm pugi semsimak horog ĭndowi ĭm nelepon sī lō tumpora, enirora ōvun kalesia ĭtnetemefi, mori umantipe ninda ūnpokop, ĭm pugi Nōbū mori Nurie onūrianda ōveteme sū omwisū, ĭm pun ora ōvun naviat isenda ōveteme aremī mori dūmumpi irora aremī wokon ĭndowi,

Hibru 12:28

Im popōwo pe, kos kĭm livi lō mori nugkugko worugkeri, armī kos kel antindowi ūnam ra nelintugi isen,

Hibru 4:1

Im popōwo pe aremī kos kelen nemetet, kū entawi sī kō irami otō ampi imo nūrū nemindog isen, mon dūmūnūwi ugi pugkos.

Hibru 6:9

Yaumagkū sugkū raevugsīeme kō ya umtarū mōmū aremī irami, ĭm nagku ugi siame Oūmnūri nēyōwara;

Yakobo 4:8

Uve botipot Nōbū kĭmi ĭm iyi ampelum botipot irami. Usendomsi ōvun nokumpi, kĭmi ōvun narekisat; mūsendumsi nōwami, kĭmi ōvun nōwami endūrū.

I. Piter 1:15

kō sugkū iyi mori yemovrugkum oti tumpora, ūte tumpora kĭmi ra ōvun netevarū sū enugkimi omwisū;

I. Piter 1:17

Im nagkū kĭmi kūmatovnin magkū Itemen enugkimi, mori umnūrian iranda ōveteme omwisū sugkū numpūrak enirora, ūte ugi nimtitugives ran dan sū enugkimi omwisū: kumagkili dūtū umkūmēyōwara ugi siame amtimti,

I. Piter 1:22

Im popōwo kūmūsendomsi nowami ugi sendiokives nam aremī ugi nelintugi ĭtnesog nisekonda ravinsīeme,

I. Piter 2:11

Ravūgsīeme paū, ya umnesenugkūm sugkū ōveteme ūmnavanavan ōvun domo, ma ūtūumpi siame nakīugi nōwami etūwi, mori ūmnavokat ra naviat enugkimi;

I. Piter 5:10

Im Nōbū ĭtemas paū omwisū mori yemtorokūm ra nilasilaswi unam indowi ra Krĭstō, kō mampūm kwandigi lap nesorū nempugon virok, iyi pe iyi amkūmēyōekūm, menumpi kĭmi horog ĭm ūnam ra tavniri.

I. Yoane. 1:7

kō nagku kos kelenavan ra nilar, sugkū iyi umante ra nilara, kos kelante aremai saiteven dalekos, ĭm de eni Iesū Netni eni osendumsi irant marugi sat sū omwisū.

I. Yoane. 1:9

Nagkū koskelanūa tumpene satsū enugkos, iyi ĭtnesog ĭm tanepo worefielentugi satsū enugkos, im woresendumsi irant marugi ōvun netūlanepo omwisū.

I. Yoane. 3:3

Im irora sū mori ūmūntevetūwi iyi ūmūsendomsi irora, sugkū iyi sentevives ĭndowi.