II. Korint 3:5 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

⁵ tawi ma kam faneteme kam pe kam, worenūwi sī sie sī popōwo ugi kam kō faneteme enugkam umamne ra Nōbū;

II. Korint 3:5 ပူးပေါင်းရင်းမြစ်များ

Nam Navosavos Eni Luk 21:15

popowo ya ampugkūm nam ĭm nelekon ma sugkū ōvun novsen nakan soremi ūtūosemsi woretipe, kū woratekīsah irami.

Nam Navosavos Eni Luk 24:49

Im ūrĭgi, ya umentamūli nievūos isen Itemen sorūg irami; kō kĭmi ūtendōwi ra sĭti Yerūsalem afeli nempugon kimi kwonevakūmūgi horog marugi pokōp.

Yoane 15:5

Yaū vīn mori ĭm kĭmi ōvun dugon; iyi sī umantendōwi ra yaū, ĭm yaū ra iyi, ūmampūo nifiri; popōwo kimi wokon tawi faneteme worumpi sīsesĭ, nagkū yaū tawi ramumpon kĭmi.

Netiyi Eni Pol Apostol Punora Oveteme Rom 15:18

Popōwo ya otū atekisah worenūwi ugi siame sie sai kō pe imosū mori Kristo yemupi ugi numpūrak mori yakum numpi, nimsin tavniri isenda ōvun lō pelah sai, ugi torenūwi pe nam,

I. Korint 15:10

Kō itemas eni Nōbū yemumpi aremī ūnōwag woreti sugkū, ya umante: ĭm itemas isen yemevoyaū, yaū metū vī wokon: kō yaū mumpūrak mōmū tamas iranda omwisū: kō tawi yaū, kō pe ĭtemas eni Nōbū yemetĭndowi ūndū yaū.

I. Korint 3:10

Sugkū nelintugi eni Nōbū yemovoyaū, sugkū; ĭm sī mōmū neteme um numpi nimo yaū mokolugi. Kō aremī ōveteme wontarū ves nokowo irora wonumpi nimo mori okolugi sū.

I. Korint 3:6

Yaū mowi, Apollos yemavwi; kō yemteli ugi Nōbū.

II. Korint 12:9

Im iyi yemenūwi poyaū memokū, It tamas nelintugi sorug nisekom: popōwo horog enyaū faneteme ra netromoro. Popōwo pe sugkū ya onavos tamas ra netromoro enyau, ma faneteme eni Krĭsto antindowi irag.

II. Korint 2:16

punora nilpon sī nempeneves marugi nemas pugi nemas; punora nilpon sī nempeneves marugi nomūrep pugi nomūrep. Kō mē faneteme worumpi imo siame?

II. Korint 4:7

Kō yakum mandeoki imo siame tamas aremī ra nurah ra nemap, memagkū amne ra Nōbū horog nusian tantevakepe, ĭm tayi ugi yaū;

Filipi 2:13

popōwo it Nōbū umnumpūrak ūnōwami worumpi ĭm woretarūgi popōwo ugi ĭtemas paū eni iyi pe iyi.

Filipi 4:13

Yaū faneteme worumpi tiame sū omwisū ugi iyi mori umnumpi yaū faneteme.

II. Timote 2:2

Im siame kĭmūrĭgi marokoyaū ūniminda numpūvsok sikat, kantipe tovunora ōveteme tanepo mori faneteme woretavsokonda ōveteme mōmū.

Yakobo 1:17

Ovun ĭtemaspaū aremī ĭm movūn sie arermi ĭndowi omwisū umamne imelūō, ĭm umeyep marugi Itemen ra ōvun nilara, iyi mori tawi sī tarū tarū isen, ĭm tawi sī nemolin ugi ampoli isen.