II. Korint 2:14 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹⁴ Kō kompalugi iran Nōbū, It iyi umĭntorokas ĭndowi wontantevakepe ugi Krĭstō, miyi umnumpūvsok ugi kam nempeneves ugi nokili iyi ra nūrū sū.

II. Korint 2:14 ပူးပေါင်းရင်းမြစ်များ

Yoane 16:33

Ya onūwi imo pugkūm ma kĭmi kwampi ninparata ra mumpon yaū. Kĭmi kwampi nevīesesat ra nemap; kō, wavosūwi; ya oke-tantevakepesū nemap.

Netiyi Eni Pol Apostol Punora Oveteme Rom 1:8

Ya magkū mampum, ya ampalugi iran Nōbū sorūg ra Iesū Krĭstō ugi kĭmi omwisū, ma omanūwi ra nemap omwisū tavniri enugkimi.

Netiyi Eni Pol Apostol Punora Oveteme Rom 15:19

ĭm numpūrak, ugi horog ra ōvun safi ĭm navlugi, ra horog eni Naviat Tumpora; ma sugkū marugi Yerūsalem, ĭm magkaū ugi Illerikum, yoim torenūwi sū nam navosavos eni Krĭstō;

Netiyi Eni Pol Apostol Punora Oveteme Rom 6:17

sugkū kūmūte ōvun lĭvsaū ra sat, kūmūvī umnalekoleki ūnōwami netevarū nam tavsogi mori dūmūtipe kĭmi ugi; ĭm polekū dūmūfiorekūm marugi sat,

Netiyi Eni Pol Apostol Punora Oveteme Rom 8:37

Kō kos faneteme, ĭm kos kelen tantevakepe ra imo sū siame omwisū ugi iyi yemelĭntugkos.

I. Korint 12:8

ĭm pugi nointanwi, sugkū ugi Naviat siteven: ĭm pugi sī tavniri, ra naviat siteven;

I. Korint 15:37

ĭm imo mori kĭk emnowi, kĭk otum nowi fan mori anti isen dan sī,

I. Korint 15:57

ĭm horog eni sat oti nam alam: kō kompalugi pugi Nōbū ĭt iyi yemevugkos woretante-vakepe ugi Iesū Krĭstō Novsūromon enugkos.

II. Korint 1:11

ĭm ugi nesenigi enugkimi nisekūg ra nufwaki; ma, wonumpalug ōveteme sikat ugi ĭtemas paū mori ya ovī popōwo ugi nufwaki isenda ōveteme tamas.

II. Korint 8:16

Kō umpalugi iran Nōbū, it iyi yemetipe nelintugi horog ūnōwan Tītus sugkū nisekomi.

II. Korint 9:15

Kompalugi iran Nōbū popōwo ugi ĭtemas paū nusian tamas isen.

Efesus 5:2

ūte ugi nelintugi pugkūm kĭmi, sugkū Krĭsto yemelĭntugkūm, mōĭmtinepe iyi pe iyi nisekont, toveni nemas sokowar aremī pugi Nōbū nempeneves tamas aremī.

Efesus 5:20

mumpalug dan sū ugi siame omwisū ra nin eni Iesū Krĭstō Novsūromon enugkos pugi Nōbū Itemen enugkos;

Filipi 4:18

Kō ya okevi tiame sū, ĭm sikat mōmūgo tiame nisekūg: yakūm navos tamas popōwo ya okevi marugi Epafrodītus siame mori kĭmi kūmūtamūli poyaū, sī nepeneves aremī, sī talug ĭtemas, aremī ūnĭpmi eni Nōbū.

Kolose 1:23

ĭt nagkū kwantĭndowi kĭmi ra tavniri ūnam ĭndowi, mūtūtorileki marugi ratevetūwi nam navosavos mori kūmūrĭgi, mori yemtorenūwisah ra nūrū sū nūrū sū omwisū ra netekon pokūp; dūmumpi yaū Pol lĭvsaū ugi pe.

Kolose 1:6

sugkū okevelum ra nūrūsū nūrūsū ra nemap omwisū umnumpi novwan ugi tandamsah, sugkū umnumpi irami, marugi dan mori kūmūrigi mūkili nelĭntugi ĭtemas pau eni Nōbū ugi ĭtnesog;

Kolose 2:15

yemtenimpe marugi iyi ōvun fan lō moveteme horog, yemsesi irora ūnĭminda oveteme omwisū, yemtantevakepe iranda ugi pe.

I. Teselonia 1:8

Popowo dūmūrĭgi ugi nam eni Novsūromon irami tawi ra Masedonea ĭm Akia wokon, kō ra nūrū sū dūmūrĭgi narigi ra tavniri enugkimi pugi Nōbū; ĭm popōwo pe sie mōmū ka kel anūwi.

I. Teselonia 3:9

Popōwo ya umpalugi aremī nokowo sugkū sie pugi Nōbū ugi kĭmi, popōwo ugi navos omwisū yakum navos ugi ūnĭpmi Nōbū popōwo ugi kĭmi;

I. Timote 2:8

Im popōwo pe sugkū yakum nakiugi ma irora ĭtovateman wonūwaki ra nūrū sū, wampisah nokovenda tumpora, ĭm tawi naraki ĭm tawi nam ra mumpon nam.

II. Timote 2:2

Im siame kĭmūrĭgi marokoyaū ūniminda numpūvsok sikat, kantipe tovunora ōveteme tanepo mori faneteme woretavsokonda ōveteme mōmū.

Reveleson 7:12

mūmūūnūwi, mūmoku, Amen: Nevaieves, ĭm nilasilaswi, ĭm nointanwi, ĭm umpalug, ĭm sesie, ĭm horog, ĭm narigi wanti manti pugi, Nōbū enugkos ūvūm nevisū indowi indowi, Amen.