II. Korint 13:14 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹⁴ Itemas paū eni Novsūromon Iesu Krĭstō ĭm nelintugi eni Nōbū, ĭm navos ūnōwami ra Naviat Tumpora ante mante dal kĭmi. Amen.

II. Korint 13:14 ပူးပေါင်းရင်းမြစ်များ

Matiyu 6:13

Metūtōrokam ran tapmi, kō semsimpari iramam marugi sat sū; ĭt lō enugkĭk, ĭm horog, ĭm nilasilaswi, ūvūrn nevisū, ĭndōwi, ĭndōwi. Amen.

Yoane 4:10

Iesū yemenūwi pugi memokū, Nagkū kokili ĭtemas eni Nōbū, miyi mori onūwi punok, mokū, Ovoyaūwi yoomoneki, kĭk pesenĭgi Iyi, miyi povunok nū nomūrep.

Yoane 4:14

Iyi sī umnamoneki imo nū ōmampiumnōk; kō, iyi sī amoneki nū mori ya ampugi otūōmampium-nōk; ĭm nū mori ya ampugi antendōwi ūnisog iyi sī navūanda umentavwansah mafeli ra nomūrep ūbrūni.

Yoane 7:38

yaū anti iran sugkū nam mori yemetĭyi memokū, Navūanda nomūrep wontavūandasah ūnōwan.

Ovun Apostol 15:11

Kō kos kĭm len tavnirigi amkosēyōwara ugi togesoveli eni Iesū Krĭsto Novsūromon sugkū irora.

Netiyi Eni Pol Apostol Punora Oveteme Rom 1:7

punora omwisū ra Rom, ōvun nĭlentugi eni Nōbū, dūmū tampolekūm woreti ōvun tanepo: Nelugelugeves pugkūm ĭm ninparata marugi Nōbū Itement ĭm Novsūromon Iesū Krĭstō.

Netiyi Eni Pol Apostol Punora Oveteme Rom 16:20

Im Nōbū ninparata ontasoso Sētan marima ra mumpon nowomi kĭmi. Itemas paū eni Iesū Krĭstō Novsūromon ante mante dal kĭmi.

Netiyi Eni Pol Apostol Punora Oveteme Rom 16:23

Kēus mori umafinte yaū ugi nevag ĭm umfinte sugkū ugi nevag nilepon sai lō tumpora omwisū, emagkū, kĭmi paū. Erastus, mori tresurer ra Sĭti, emagkū, kĭmi paū, ĭm Kwartus avitsai sugkū.

Netiyi Eni Pol Apostol Punora Oveteme Rom 5:5

ĭm tawi otū ampī narumprum ugi tevetūwi; popōwo nowant ūmovwarugi naviat eni Nōbū ugi Naviat Tumpora dūmūvugkos.

Netiyi Eni Pol Apostol Punora Oveteme Rom 8:39

kū nompōū ĭmpwap, kū sī sie sī omwisū wante faneteme woresompat amtugkos marugi nelintugi eni Nōbū, mori umante ra Iseū Krĭstō Novsūromon enugkos.

Netiyi Eni Pol Apostol Punora Oveteme Rom 8:9

Kō kĭmi kūmūte tawi ra tarū ra nokolisiran ko ra Naviat Aremī, nagkū itnesog. Naviat eni Nōbū umantindowi ūnisog kĭmi. Iyi mori neteme sī kū sī yetūvī Naviat eni Krĭstō, tawi iyi isen.

I. Korint 12:13

Yembaptiso irant omwisū Naviat Tumpora siteven, ra nokolisiran sīteven, ōveteme Yūdia kū ōveteme Kris, ōveteme ūmnagelaū wokon kū ōveteme ūmante wokon; ĭt siteven wokon Naviat mori kos kĭm lomoneki marugi, kos sū.

I. Korint 14:16

Popōwo pe pol sugkū kĭk anūwi nevĭēves ugi naviat, ugi mori sī numgi anūwi memagkū Amen nokowo pol sugkū umnumpalugi, popōwo iyi otū magkili fan nam ra nam enugkĭk?

I. Korint 16:23

Novsuromon soret ampelum Itemas pau eni Iesū Krĭstō Novsūromon ante mante dal kĭmi.

I. Korint 3:16

Kūmūtū kili ma kĭmi sū nimo tumpora eni Nōbū, ĭm iyi Naviat eni Nōbū umantindowi ūnisog kĭmi?

I. Korint 6:19

Kū kūmūtūkili ma nokolisirami oti nimo eni Naviat Tumpora mori umante ūnisog kĭmi, mori kūmūvī marugi Nōbū? ĭm kĭmi tawi enugkimi;

II. Korint 8:9

Popōwo kĭmi kūmagkili Itemas paū eni Novsūromon Iesū Kristo, ma, iyi yeti neteme nōēte, kō yemyeti neteme norumkor popōwo ugi kĭmi, ma kĭmi kwante ōveteme nōēte popōwo ugi norumkor isen.

Kalesia 5:22

Kō novwan ugi Naviat Tumpora oti imo; nelintugi, navos, ninparata, natekisah indowi, numpeleves dan sū iranda ōveteme, nowan aremī, tanepoves,

Efesus 2:18

popōwo ugi iyi umentipelah nisekont omwisū worintorĭmpe ugi Naviat sīteven pugi Itement.

Efesus 2:22

ĭm ra iyi umnumpi kĭmi sugkū sīteven nimsin nimo woretindowi iran Nōbū ra Naviat.

Efesus 5:9

wavan kĭmi sugkū ōveteme nilara (popōwo novwan nilara oti tanepoves omwisū ĭm

Efesus 6:23

Ninparata punora raveteme, ĭm nelintugi ugi tavniri, marugi Nōbū Itemen ĭm Novsūromon Iesū Kristo.

Filipi 2:1

Nagkū Krĭstō umnumpi nemolsep, nagkū kūm navos ugi nelintugi ūnōwami, nagkū nowami sīteven ra Naviat, nagkū kūm atnemora ōveteme momumpi nelintugi nisekonda, kūm umpi ūvwarugi navos enyaū,

I. Yoane. 1:3

ima mori kam mokesi memorigi kakĭm lanūwi pugkūm sugkū, ma kĭmi kwampai sugkū imo siame dalekam; ĭm ĭtnesog, imo navos enugkam popōwo ugi Itemen ĭm Netni Iesū Krĭstō kam endal:

I. Yoane. 3:16

Im koskemagkili nelintugi, popōwo iyi yemtenimpe nomurep isen nisekont: ĭm aremai koskelentenimpe nomurep enugkos nisekonda raveveneme.

I. Yoane. 3:24

Im iyi mori umalekoleki ōvun selenivi nam eni umantindowi ūnisog iyi, ĭm iyi ūnisog iyi. Im popōwo ugi imo koskemlagkili ma iyi umantindowi ūnisog kos, popōwo yemovugkos Naviat Tumpora.

Netaiyi eni Jūd 1:21

ĭm mūsenigi ugi Naviat Tumpora, ūte tamas ugi nelintugi eni Nōbū, mūratevetūwi nelintugi horog eni Iesū Krĭstō Novsūromon enugkos tovune nomurep mūvrūni.