II. Korint 13:11 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹¹ Im marima, ravūgsĭme, kĭmi paū. Wumpi aremī sīteven kĭmi; ūte ra ninparata: ĭm Nōbū mori oti ninparata ante mante dal kĭmi.

II. Korint 13:11 ပူးပေါင်းရင်းမြစ်များ

Matiyu 1:23

mirora wonatovnin eni magkū Emanūel, fan nam mori, Nōbū dal kos.

Matiyu 5:48

Uti kĭmi aremī ĭndōwi sugkū Itemen kĭmi ūnpokūp aremī ĭndōwi.

Mark 10:49

Im Iesū yemetūrū, memokū irora ontorugi iyi. Im irora dūrhūtorugi neteme nimtei, dūmūnūwi pugi memokū, avoswi, etūok; iyi umamperugkĭk.

Mark 9:50

Solt oti aremi; kō nagkū isūma nakan isen, kĭmi kwamsugi worumpi iyi aremi? Uvi ūnowami solt, ĭm ūte kĭmi ugi ninparata pugkūm.

Nam Navosavos Eni Luk 9:61

Im sī mōmū yemenūwi, memokū, Ya onūrok, Narisah, kō, mampūm tenĭmpe yaū, ma ya ampe mempasiwokonda ra nimo sorūg.

Yoane 17:23

yaū ra mumpon irora ĭm kĭk ra mumpon yaū, ma irora warapūtokonda; ma sugkū nemap wagkili kĭmtamūli yaū, memelintokonda, sugkū kĭmnelintokoyaū.

Ovun Apostol 15:29

Kwawisep nevag ūmūsokowora ugi iranda ōvun natemas, ĭm dē, ĭm nūrah sū dūmaleki wanda, ĭm tampalaū; nagkū kĭmi kwafinti kĭmi marugi imosū kwonumpi aremī; ūte unam, ūte horog, usepen torugat aremī.

Ovun Apostol 18:21

Iyi yempasiwokonda memenūwi memokū, Otipe irag worefinte narigari mori umampelum ra Yerūsalem; kō ya ko mampelum pug kūm, nagku Nōbū magkū aremi sugkū. Miyi yemowi Efesus ra sī lō.

Ovun Apostol 23:30

Im nempugon yemenūwi po yaū ma irora dūmūsenteri neteme mori, marimago ya okotamūli pugkĭk, mō manūwi pun ora mori omontesūwī iran worenūwi ūnimtum sie irora dokesi iran (isūma). Kĭk e paū.

Netiyi Eni Pol Apostol Punora Oveteme Rom 12:16

Ute ugi tarū siteven pugkūm kĭmi. Utūte neyompeli ugi siame horogsah, kō ūtarū kĭmi ugi siame nemolsep. Utoko kĭmi memagkū kĭmi ōvun nelekon.

Netiyi Eni Pol Apostol Punora Oveteme Rom 12:18

Nagkū kĭmi faneteme ugi, ūte ugi ninparata dal oveteme omwisū.

Netiyi Eni Pol Apostol Punora Oveteme Rom 14:19

Popōwo pe aremai kos kelenumpi tiame imo sū umnumpi ninparata ugi,

Netiyi Eni Pol Apostol Punora Oveteme Rom 15:13

Im Nōbū ugi ratevetūwi umpi ūvūwarugi nōwami ugi navosavos ĭm ninparata ra tavnirigi, ma kwon nenum ugi ratevetūwi, ra horog eni Naviat Tumpora.

Netiyi Eni Pol Apostol Punora Oveteme Rom 15:33

Antemante dal kĭmi omwisū ninparata eni Nōbū. Amen.

Netiyi Eni Pol Apostol Punora Oveteme Rom 16:20

Im Nōbū ninparata ontasoso Sētan marima ra mumpon nowomi kĭmi. Itemas paū eni Iesū Krĭstō Novsūromon ante mante dal kĭmi.

I. Korint 1:10

Yakum nesenugkūm, ravūgsĭme, ugi nin eni Iesū Krĭsto Novsūromon enugkos, ma kwanūwi kĭmi omwisū nam siteven, ūtū wakan pugkūm kĭmi; kō ūte ūnūwami siteven ĭm ugi tarū siteven.

II. Korint 1:4

ĭm Nōbū mori umamne iran nemolsep omwisū; iyi mori umnumpi nemolsep irag ra ōvun norĭgumpūnū omwisū enyaū, ma yaū faneteme worumpi nemolsep iranda mori ōvun norĭgumpūnū, ugi nemolsep mori Nōbū umnumpi nemolsep irag.

II. Korint 13:14

Itemas paū eni Novsūromon Iesu Krĭstō ĭm nelintugi eni Nōbū, ĭm navos ūnōwami ra Naviat Tumpora ante mante dal kĭmi. Amen.

II. Korint 13:9

Ya um navos, pol sugkū ya umandromoro, ĭm kĭmi ōvun torugat: ĭm ya umnakīugi imo, memagkū, ma kimi kwanti aremī ĭndowi.

Efesus 4:12

memagkū worumpi aremī ĭndowi ōveteme aremi, woretorugat ra nam,

Efesus 4:3

mūmatekisah worefinte kĭmi ra tarū ves sīteven mōmūte sīteven ugi ninparata ra Naviat.

Efesus 6:23

Ninparata punora raveteme, ĭm nelintugi ugi tavniri, marugi Nōbū Itemen ĭm Novsūromon Iesū Kristo.

Filipi 1:27

Kō aremī netevarū enugkĭmi ante aremī sugkū ra mumpon nam navosavos eni Krĭstō: ma nagkū ya ampelum magkosekūm kū ya ante ra nūrū sī, ya andegi nokowo kūm mante kĭmi, ma kĭmi kūmantūr ūnam ra naviat sīteven ĭm nowami sīteven ĭm ugi natekisah horog ugi tavniri ra nam navosavos;

Filipi 3:16

kō imo sugkū Nōbū anūatumpene pugkum: kō, ra imo mori kos kelevĭsō, aremī kos kelenūri indowi sugkū.

Filipi 4:2

Yakum manūwi tamas pugi Yūodia, ĭm ya umanūwi tamas pugi Sĭnteki, memagkū irora wantĭndowi ra tarū sīteven ūnōwanda ra Novsūromon.

Filipi 4:4

Wavos ra Novsūromon indowi kĭmi: ĭm ya moĭmanūwi memagkū, Wavos kĭmi.

Filipi 4:9

Siame mori yaūĭmtavsogkūm ĭm kūmūvĭ ĭm kūmūrĭgi ĭm kūmokesi irag, wumpi imo siame: ĭm Nōbū ninparata ante dal kĭmi.

I. Teselonia 3:10

mōĭmesenĭgi ugi nufwaki pūmrok ĭm poakas ma ya agesi nimetemi, momumpi horog nugkon mori netromoro ra tavniri enugkimi?

I. Teselonia 4:1

Im ravūgsīeme, yakum nesenugkūm ĭm sūlives pugkūm ra Iesū Novsūromon memagkū, sugkū kūmūvī marokoyaū nokowo kwonavan kĭmi sugkū aremī ugi Nōbū, wumpi sugkū,—ma kĭmi kwante mōmū aremī tamas.

I. Teselonia 4:18

Im popōwo pe sugkū wumpi nemolsep ūnōwami kĭmi ugi imo ōvun nam.

I. Teselonia 5:13

ūsesiēves iranda horog tamas wokon indowi popōwo ugi numpurak enirora. Ute ugi ninparata pugkūm kĭmi.

I. Teselonia 5:16

Wavos dan sū; ufwaki indowi mūtūwi; wumpalugi ugi siame omwisū:

I. Teselonia 5:23

Im iyi pe iyi Nōbū ninparata onumpi kĭmi tumpora ĭm aremī ĭndowi; ĭm aremī naviat enugkimi ĭm nowami ĭm nokolisirami wantĭndowi aremī ĭndowi, ĭm tawi sie sī pol sugkū Iesū Krĭstō Novsūromon enugkos ampelum.

Teselonia 2:16

Im aremī ma Iesū Krĭstō Novsuromon enugkos, ĭm Nōbū Itemen enugkos mori yemelĭntugkos mōmovugkos nilasilaswi ūvūm nevī sū ĭndowi ĭm ratevetūi ugi itemas pau,

Teselonia 3:1

Im ya magkū, ravugsieme, ūfwaki nisekūg, ma nam eni Novsūromon onaloves mōĭmnarĭgi ugi, sugkū umante ugi pe dal kĭmi;

Teselonia 3:16

Im iyi Novsūromon ninparata ampugkūm ninparata dan sū ra siame sū. Novsūromon antemante dal kĭmi omwisū.

II. Timote 2:22

Kō alo kĭk marokonda ōvun nilasivian sat enirora ōviarep, ĭm ūri netevarū tanepo ĭm tavniri, ĭm nelintugi, ĭm ninparata, dal irora mori ūmentorugi nin eni Novsūromon ūnōwanda sentevives.

Hibru 12:14

Usorugi ninparata tovun ora ōveteme omwisū, ĭm wumpi aremī, iyi sī kū sī mori otū onumpi imo otū agesi nipmi Novsūromon:

Hibru 13:20

Im Nōbū ra ninparata, mori yemtorisah marugi nemas iyi mori shepherd horog isenda ōvun pugipugi ugi nde ra nam alam nam ūnam, mori Iesū Novsūromon enugkos,

Yakobo 1:4

Aremī nemolsep onumpi aveni numpurak aremī isen, ma kĭmi kwante aremī omwisū wokon, umpalug isūma aremĭwi.

I. Piter 3:11

Im aremi iyi ontorileki marugi netevani ūr menumpi aremai; Mesorugi ninparata, ĭm menūri.

I. Piter 3:8

Im sī momu, ūte ugi tarū sīteven, ufielintugkūm sī ĭm sī, ūte ugi nelintugives pūgkūm sugkū ra rapmesīeme, ūtarūves ugi nemolsep pugkūm, ūtūte nugkugko ūnōwami magkū kĭmi me sī horog;

I. Piter 5:10

Im Nōbū ĭtemas paū omwisū mori yemtorokūm ra nilasilaswi unam indowi ra Krĭstō, kō mampūm kwandigi lap nesorū nempugon virok, iyi pe iyi amkūmēyōekūm, menumpi kĭmi horog ĭm ūnam ra tavniri.

Reveleson 22:21

Itemas pau eni Iesū Krĭstō Novsuromon a mante dal irora ōvun tanepo omwisū. Amen.