Hibru 9:24 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

²⁴ Im Krĭstō yetūtorĭmpe ra mumpon nūrū tumpora dumumpi ugi nokoven neteme, sugkū ugi mori ĭtnesog, woresūratumpene yemtorĭmpe ūnprokop ĭtnesog, woretūratumpene ūnipmi Nōbū nisekont;

Hibru 9:24 ပူးပေါင်းရင်းမြစ်များ

Matiyu 18:10

Ufĭnte kĭmi kūtūagesi sat sĭ ra imosū virok; ĭt ya umanūwi pugkūm memagkū ōvun agelō enirora ūnpokūp umagesi ĭndōwi nĭpmi eni Itemen yaū ūnpokūp.

Mark 14:58

Ka ke lorigi iyi memenūwi nam memokū, Ya Ontalepasi imo nimo tumpora mori ōveteme dūmumpi, ĭm penūri dan desel ya omenumpi sĭ mōmū, ĭm tawi ugi nokovenda ōveteme.

Mark 16:19

Miyi Narisah pol sugkū yemenūwi aveni punora yeti nevĭsah ūnpokūp, mō metesep ra nokoven meves eni Iehōva.

Nam Navosavos Eni Luk 24:51

Im polekū iyi yemtesukives irora iyi yememlag marokonda, memuriukisah iyi ra pokūp.

Yoane 16:28

Yaūĭmpelum memne ra Itemen, mempelum ra nemap; ĭm ya awi nemap mōmampe pugi Itemen.

Yoane 6:62

Im nagkū kimi kwagesi Netni eni neteme umampe ūnpokōp yūi Iyi yepmetendōwi;

Ovun Apostol 3:21

Iyi mori pōkop umampi mafeli nempugon omantevūreves ugi siame sū mori Nōbū yemandūnenūwi memagkū ugi ōvun profet tumpora isen ra palsi sū.

Netiyi Eni Pol Apostol Punora Oveteme Rom 8:33

Me anūwi sī sie sī iranda mori Nōbū yemtampol ora?

II. Korint 5:1

Kos kim lagkili ma nagku wontalepasi nimo noko lisirant, umante nisekont nimo marugi Nōbū, nimo ūtūni numpi ugi nokovenda ōveteme, ūnam indowi, unpokop.

Kolose 3:2

Utarūgi siame unpokūp, ĭm tawi iranda siame ra nemap.

Hibru 1:3

mori yemeti nilasilaswi nūsian aremi isen, ĭm safi sīteven ĭtnesog ra iyi, ĭm yemefĭnte siame omwisū ugi nam horog isen, pol sugkū yemsendumsi irant marugi sat ugi nemas isen, yemetesep ra nokoven meves eni Nōbū ūnēī;

Hibru 12:2

ĭm imo sat omampelat irant, ĭm maloves ugi natekisah, res mori umantipe ūnimint, ĭm lintopneme iran Iesū iyi mori natipotni tavniri enugkos yemekompeligi, mori popōwo ugi navosavos dūmūtipe ūnipmi eni yevi nemas iran ra neumparum, metokū sie ugi norumprom ugi pe, ĭm iyi umantesep ra nugkon meves ra potnimpūtūwō eni Nōbū.

Hibru 4:14

Im popōwo pe ĭtnesog umante nisekont tavsogi tumpora nusian, mori yemtorĭmpesū unpokop, Iesū Netni eni Nōbū, aremi koskelenavsivsi nufwaki tavniri enugkos.

Hibru 6:20

dūmūtipe iyi tavsogi tumpora horog ūvūm nevisū sugkū netipe Melkisedek.

Hibru 8:2

ĭm ra nimo tumpora ĭtnesog, mori iyi Novsūromon yemetipe, tawi ōveteme.

Hibru 8:5

mori umnumpūrah ra imo siame mori safĭ ĭm namolen ra siame ūmpokop, sugkū Nōbū yemenūwali pugi Moses pol sugkū yemokū iyi onumpi nimo tumpora mori popōwo, yemokū, Orĭgi, ma kemumpi siame omwisū sugkū safi mori yemsesi pun ok numpūō.

Hibru 9:1

Im ĭtnesog, yemate ōvun siame numpūrah ra nufwaki ugi ūnam numpūvsok mampūm, ĭm nimo tumpora, nimo tumpora ra nemap.

Hibru 9:23

Im popōwo pe yeti aremī woresendumsi safi siame ūnpokop ugi sakrefis sugkū imosū; kō siame ūnpokop pe ĭtnesog ugi ōvun sakrefis mōmū aremī iranda imosū.

Hibru 9:9

ĭm nimo mori yeti safi nimsin nempugon mori; dūmū sakrefis iran ugi ōvun ĭtemas ĭm ōvun sakrefis kō imosū siame netro oro ĭm tawi faneteme worumpi aremi, nowan eni neteme mori,

I. Piter 3:22

miyi yive ūnpokop memante ra nokoven mevis eni Nōbū; ĭm ōvun nagelo ĭm ōvun tantevakepe mōvun horog umante ra mumpon nokoven isen.

Reveleson 8:3

Im saimōmū nagelo yivelum ĭm yemetūr ra nakoren nefati, ĭm yivai ra nokoven sai nūrah kold; ĭm dūmūvugi ra mompon nūsian nempeneves, ma iyi ampai pe ĭm esiugi ra ōvun nesenug enirora ōvun tanepo omwisū ra nefate kold mori emante ūnipmi potnumpūtūō.