Hibru 3:1 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Popōwo pe, ravūgsĭēme sorūg aremī, dūtampolekūm ra siame ūnpokōp, ūtarūgi Iesū Kristo, kĭmi, mori Apostol ĭm Potnin Sakrifis ra nufwaki enugkos;

Hibru 3:1 ပူးပေါင်းရင်းမြစ်များ

Yoane 17:3

Im imo nomūrep ūbrūni ma irora wagkilok, Nōbū itnesog siteven, ĭm Iesū Krĭstō mori kĭratamūli.

Yoane 20:21

Iesū yōmenūwi punora, memokū, Ninparata irami; sugkū Itemen yemtamūli yaū, ya umentamūlokūm sugkū.

Yoane 20:27

Miyi yemenūwi pugi Tomas, memokū, Eevan gi dugorugon nokopmū, mokesi ōvun nokovug; mēevan gi nokopmū metipe ra nokoren enyaū; roetūte netūtavnirĭgi, kō etavnirĭgi.

Ovun Apostol 1:15

Ran dan sū mori yemtoūk ileboteven irora ōvnūrie (ninda omwisū semsimak sugkū nagkū wun hunder ĭm twenti) memenūwi memokū,

Netiyi Eni Pol Apostol Punora Oveteme Rom 11:17

Kō nagkū dūmūtantevisep nugkon ōvun dugon, ĭm kĭm eti olev nagon, kĭk, dūmūtūte iram dal iranda, ĭm kĭm pī dal irora marugi noatnin ĭm dumponves ra ne olev; etū avos ugi nakan enugkĭk ugi ōvun dugon:

Netiyi Eni Pol Apostol Punora Oveteme Rom 15:27

ĭm irora dūmokū irora ūmuntampenum ugi pe. Popōwo nagkū ōvun lō pelah dūmūvai ōvun tiame nimsin nomurep naviat dal irora, ĭt oti aremai ma irora worelintokonda ugi ōvun sie ra nemap.

Netiyi Eni Pol Apostol Punora Oveteme Rom 15:8

Popōwo ya magkū yemumpi Kristo lĭvsaū ra surkumsion popōwo ugi nam itnesog eni Nōbū, magkū ugi nam ĭtnesog eni Nōbū, magkū iyi onumpi ūnam ōvun nam dūmūnūatumpeni pun ora ōvun retaiseme,

Netiyi Eni Pol Apostol Punora Oveteme Rom 9:24

mri yemovrugkos sugkū, tawi marugi ōveteme Yūdia wokon, kō morokonda ōvun Yentīĭlĭs?

I. Korint 1:2

Nōbū ĭm Sosetens avĭt sī, pun ora nilpon sī lō tumpora eni Nōbū ra Korint, iroromo ōveteme aremī ra Iesū Krĭstō, dūmūtampolora ōvun tanepo, dal irora sū ra nūrū sū mori umprugi nin eni Iesū Krĭstō Novsūromon enugkos, Novsūromon enirora menugkos:

I. Korint 10:17

imo oti nokolisiran eni Krĭstō nisekont pe nokowo? yōūp pe siteven, kos sikat, kos yōūp siteven, nokolisirant siteven: popōwo kos kĭm leni yōūp siteven.

I. Korint 9:23

Im ya umnumpi siame sū omwisū ugi nam navosavos wokon, ma ya ampi sugkū dal kos ugi.

II. Korint 1:7

ĭm tarū ves irami enyaū umante ūnam; ĭm ya umagkili, ma sugkū kūmūvī norĭgumpūnū, kĭmi kūmūvi sugkū nemolsep.

II. Korint 9:13

popōwo ugi numpūvsok irami ugi imo numpūrakeves enugkĭmi irora ūmnumpi nilasilaswi iran Nōbū popōwo ugi sendiokives tavnirigi ugi navosavos eni Krĭsto, ĭm popōwo ugi itemas paū horog enugkimi punora, ĭm punora ōveteme omwisū;

Efesus 3:6

memagkū ōvun lō pelah sī ōvun tampenum dal kam, ĭm sīteven dal kam, ĭm worevi dal kam nam dūpmūnūwi ra Iesū Krĭstō ugi nam navosavos,

Efesus 4:1

Ya umnesenugkūm, yaū mori neteme isen Novsūromon dūmūti yaū, memagkū ūtĭndowi aremī kĭmi sugkū dūmūvrugkūm ugi,

Efesus 4:4

Nokolisiran sītevengo ĭm Naviat sīteven; sugkū dūmūvrugkūm ra ratevetūwi sīteven ugi novrugkūm mori;

Filipi 3:14

yakum mandekĭepe ugi tiame unĭmtūg, yakum nelesi ugi nūrū yūi nōorōora ves umamprokoyaū ugi Nōbū ra Iesū Kristo mori yemne ūnpokop.

Kolose 1:12

yemumpi kos aremī woreti siame noeteves dal ōveteme aremī ra nūrūves;

Kolose 1:22

kō marima iyi umnumpi nemolsep kĭmi ra fan, ra nokolisiran popōwo ugi nemas, woretipe kĭmi tumpora ĭm aremī wokon ĭm tanepoves ūnĭpmi isen:

Kolose 3:12

Popōwo pe, ōvun tampoli eni Nōbū, ōvun tumpora nelĭntugi paū, ūvīugi nowami nelĭntugi paū nisekonda ōveteme, nelĭntugi, nemolsep, nemlū, nefielĭntugi;

I. Teselonia 2:12

mūyevekūm, mōmesitū irami, moĭmsūlives, pugkūm, ma sugkū kĭmi kwanavan aremi ugi Nōbū, mori yemovorugkūm ra lō ĭm nilasilaswi isen.

I. Teselonia 5:27

Yakum manūwi pugkūm ugi nam nempokentom ra Novsūromon, memagkū, ūsepi imo netiyi punora raveteme omwisū aremī.

Teselonia 1:11

Popōwo pe sugkū yakum nufwaki dan sū nisekomi, ma Nōbū agkū kĭmi aremī ugi imo mori dumamperugkūm ugi, mōmovugkūm numpurak tavniri omwisū aremī, ugi horog;

Teselonia 2:14

ugi pe yemtorugkūm ugi nam aremi enyau, ma kwampi nilasilaswi eni Iesū Krĭsto Novsūromon enugkos.

I. Timote 6:12

tavniri nelintugi, ratevetūi, nemolsep. Eti neteme umpako worumpūrak ran tavniri, olekavi nomūrep ūvrūni, dūmūverugkik ugi, ĭm kĭm meniwi mori ĭm kĭm sūlives ūnĭmĭnda numpūvsok sikat.

I. Timote 6:2

Im irora mori ūmuntorugat iranda ōvun narisah tavniri ūtū wagesindi iranda, popōwo irora ravensieme; kō aremī irora wontorugat mōmūgo iranda, popōwo irora mori ūmampĭ imo noete aremī irora ōvun tavniri ĭm ōvun aremi paū. Tavsogi ĭm sūli horog imo siame.

II. Timote 1:9

iyi mori yemumkosēyōwara, memovrugkos ra novrugi aremī, yetū umpi popōwo ugi numpūrak enugkos, kō sugkū ugi tarū isen ĭm itemas paū eni, mori yemevugkos ra Iesū Krĭstō ra nempugon mori etūwĭ tawi nemap,

II. Timote 2:7

Kontarugi nam enyaū; popōwo Novsūromon amponok nelekon ra siame sū.

Hibru 10:19

Im popōwo pe sugkū, ravugsieme, kos kĭm livi faneteme worintorĭmpe ra nūrū tumpora ugi nde eni Iesū,

Hibru 10:21

ĭm popōwo kokelevī tavsogi tumpora nūsian umafinte nimo eni Nōbū;

Hibru 10:23

ĭm aremī kos ket ante ūnam ra imo mori kos kein lentevetūwi uti mōmetū-tarū tarū;

Hibru 13:22

Im yakum nesenugkūm, ravūgsaieme ūrigi imo nam nesūlives enyaū pugkūm: yakum netaiyi nam potipot pugkūm.

Hibru 2:11

Popōwo sīteven wokon itemenda, magkū iyi mori yemumpi irora aremī ĭm irora mori dūmumpi irora aremī: ĭm popōwo pe sugkū iyi otū onarumprum woratovninda magkū ravensīēme isen,

Hibru 2:17

Im popōwo pe yeti aremī iran woreti sugkū ravensīeme isen ra ōvun tiame su, ma iyi ante potni sokowara tanepo ĭndowi mō melĭntugkos ra siame sū eni Nōbū, memagkū iyi osokowar ugi ōvun sat enirora ōveteme.

Hibru 3:12

Ravūgsīēme, ufinte kĭmi, ma otū ante iran sī irami nōwan ūr netūtavinri, worūwi memlag marugi Nōbū amūrep:

Hibru 3:14

popōwo kos kelevī sīteven ūndū Kristo nagkū kos kel ante ūnam ra tavniri mampūm enugkos mafeli ra nisah: ra nempugon pol sugkū wanūwi magkū,

Hibru 6:20

dūmūtipe iyi tavsogi tumpora horog ūvūm nevisū sugkū netipe Melkisedek.

Hibru 7:26

Popōwo aremī nisekont neteme tavsogi tumpora mori, yeti tumporaves tanepoves sentevives ĭm yetve botipot ōvun narekisat, miyi yemsah ūnpokop horog wokon;

Hibru 7:28

Itnesog, irora ūmantipe ōvun tavsogi numpora mor-i umante neyopelĭgi enirora sugkū neteme kō nam mori ra nam ūnam, mori yetepū ra nisah ra nam alam, umantipe sī Netni, aremi ūvūm nevisū ĭndowi.

Hibru 9:11

Kō Krĭstō yivelum tavsogi tumpora ra siame aremī ampelum ra nimo mori mōmū horog ĭm momū aremī ra imo mori mampūm, mori dūtū umpi ugi nokolven neteme, fan nam ugi, tawi sugkū ra nemap,

Hibru 9:15

Im popōwo ne sugkū it iyi neteme woretipe nimparata ugi nam alam ītevaū, ĭt iyi yimas woreti sakrefis woresīpelah sat mori dumumpi ra nimpugon mori yemete nam alam mampum, mamegkū irora mori dūmovrokonda wampi ūvūm nevisū sie sie mori dūpmūnūwi ugi.

I. Piter 2:9

Kō kĭmi ōveteme lō dūmūtampolekūm, ōvun tavsogi horogesah, lō tumpora, ĭm netevokontū nisekon Nōbū, ma kĭmi kwosesi aremi wokon isen iyi mori yemtorokūm marugi nelevokevat ra nūsian nilara, navlugi isen;

I. Piter 3:5

Popōwo ūmūvīugi irora sugkū imo, mori, ōvasiven tumpora, mori dūmūtevetewi Nōbū, dōmūsendeokives rasewondeme;

I. Piter 5:1

Ya um menūatokeli punora ōvun tavsogi ūmanūwi nam pugkūm, yaū mori yaū sī tavsogi, ĭm numpūvsok ugi norigumpūnū eni Krĭstō, ĭm neteme ampi dal ōveteme isen nilasilaswi mori anturatumpene:

I. Piter 5:10

Im Nōbū ĭtemas paū omwisū mori yemtorokūm ra nilasilaswi unam indowi ra Krĭstō, kō mampūm kwandigi lap nesorū nempugon virok, iyi pe iyi amkūmēyōekūm, menumpi kĭmi horog ĭm ūnam ra tavniri.

I. Yoane. 1:3

ima mori kam mokesi memorigi kakĭm lanūwi pugkūm sugkū, ma kĭmi kwampai sugkū imo siame dalekam; ĭm ĭtnesog, imo navos enugkam popōwo ugi Itemen ĭm Netni Iesū Krĭstō kam endal:

Netaiyi eni Jūd 1:1

Yaū Jūd, lĭvsaū eni Iesū Krĭstō, ĭm avinsai eni Yakobo, pun ora mori dūmūvrokonda, ōvun tampolives eni Nōbū Itemen, ōvun nefinte nisekon Iesū Krĭstō:

Reveleson 17:14

Im irora wonavakat iran Lam, Kō Lam ontantevakepe iranda, popōwo iyi Narsah iranda ōvun narisah, ĭm Fan lō iranda ōvun fan lō; ĭm irora mori ūmante dal iyi wontantevakepe sugkū, mori dūmūvrokonda ōvuntampoli ōvun tanepo.

Reveleson 18:20

Avos iran, kĭmi ōvun apostol, ĭm kĭmi ōvun profet; popōwo Nōbū yemūrian nurian enugkimi iran.