Hibru 2:17 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹⁷ Im popōwo pe yeti aremī iran woreti sugkū ravensīeme isen ra ōvun tiame su, ma iyi ante potni sokowara tanepo ĭndowi mō melĭntugkos ra siame sū eni Nōbū, memagkū iyi osokowar ugi ōvun sat enirora ōveteme.

Hibru 2:17 ပူးပေါင်းရင်းမြစ်များ

Netiyi Eni Pol Apostol Punora Oveteme Rom 15:17

Im popōwo pe sugkū ya okevai nilasilaswi enyaū ra Iesū Kristo ugi tiame isen Nōbū.

Netiyi Eni Pol Apostol Punora Oveteme Rom 5:10

Im nagku, pol sugkū kos kem leti novsin nakan, yetin toro kos pugi Nōbū ugi nemas eni Netni isen, mōmūgo sugkū, nagkū yemtoro kos, wumkosēyōwara ugi nomurep isen;

Efesus 2:16

mōmīetora dūrū sū sīteven pugi Nōbū ugi nē ūmparum, popōwo yemtalugi nakan mori ugi imo mori:

Kolose 1:21

Im kĭmi mori etūwī kūmūte ōvun domo ōvun novsin nakan ūnōwami ĭm ra numpūrakĭndi enugkimi,

Hibru 10:21

ĭm popōwo kokelevī tavsogi tumpora nūsian umafinte nimo eni Nōbū;

Hibru 2:11

Popōwo sīteven wokon itemenda, magkū iyi mori yemumpi irora aremī ĭm irora mori dūmumpi irora aremī: ĭm popōwo pe sugkū iyi otū onarumprum woratovninda magkū ravensīēme isen,

Hibru 2:14

Im popōwo pe sugkū ĭtnesog umante fan ĭm de isenda ovunyan isen, iyi sugkū yivi imo siame sugkū iran; memagkū iyi onumpi nendewavū iyi mori faneteme worumpi nemas, mori, Setan;

Hibru 2:16

Popōwo iyi otūm naverora ōvun nagelo, kō iyi umnaverora ōvun netnime Ebraham.

Hibru 3:1

Popōwo pe, ravūgsĭēme sorūg aremī, dūtampolekūm ra siame ūnpokōp, ūtarūgi Iesū Kristo, kĭmi, mori Apostol ĭm Potnin Sakrifis ra nufwaki enugkos;

Hibru 3:2

yetin tanepo pugi iyi mori yemetipe iyi sugkū Moses yemete tanepo ra nimo isen omwisū.

Hibru 3:5

kō iyi mori yemumpi siame sū oti Nōbū. Im Moses yetin tanepo ra nimo omwisū isen sugkū neteme siame mori wanūwi ugi ra nisah;

Hibru 4:14

Im popōwo pe ĭtnesog umante nisekont tavsogi tumpora nusian, mori yemtorĭmpesū unpokop, Iesū Netni eni Nōbū, aremi koskelenavsivsi nufwaki tavniri enugkos.

Hibru 4:15

Popōwo ĭtnemelepon iran tavsogi tumpora nusian enugkos worokili ōvun netromoro enugkos; popōwo dūtin tapmi iyi, ra siamesū sugkū kos,

Hibru 5:1

Im popōwo umampi marokonda ōveteme, ōvun tavsogi tumpora omwisū moĭmtampoli nisekonda ōveteme ra siame eni Nōbū, ma iyi onumpi itemaspaū ĭm woseligi nde eni ōvun nurah ugi sat sū

Hibru 5:10

Nōbū yematovnin iyi tavsog tumpora ĭm sugkū ugi netipe iyi Melkisetek.

Hibru 5:2

mori iyi oti faneteme worumpi nemolsep nisekonda ōvun netūkili ĭm ōvun numpi neforefari, popōwo umante iran iyi sugkū netromorowi ugi siame tanepo;

Hibru 5:5

Im Krĭstō sugkū yetū umpi nilasilaswi iran iyi ma worumpi iyi tavsogi tumpora, kō iyi mori pe yemenūwi pugi, Kĭk netūg yaū, Ire ya okevi kĭk:

Hibru 6:20

dūmūtipe iyi tavsogi tumpora horog ūvūm nevisū sugkū netipe Melkisedek.

Hibru 7:26

Popōwo aremī nisekont neteme tavsogi tumpora mori, yeti tumporaves tanepoves sentevives ĭm yetve botipot ōvun narekisat, miyi yemsah ūnpokop horog wokon;

Hibru 7:28

Itnesog, irora ūmantipe ōvun tavsogi numpora mor-i umante neyopelĭgi enirora sugkū neteme kō nam mori ra nam ūnam, mori yetepū ra nisah ra nam alam, umantipe sī Netni, aremi ūvūm nevisū ĭndowi.

Hibru 8:1

Im ugi imosū siame ya umanuwi ugi fan nam ugi oti imo pe mamagkū; Umante tavsogi tumpora nisekont, mori yemetesep ra potnumpūtūwo meves ra Narisah unpokop, lĭvsau ra siame tumpora,

Hibru 8:3

Popōwo umetipe ōvun tavsogi tumpora woresakrefīs ugi ra ōvun itemas ĭm ōvun sarefīs; ĭm popowo pe it eti aremi ma imo tavsogi tumpora umantipe sugkū sie sī woresakrefīs ugi.

Hibru 9:11

Kō Krĭstō yivelum tavsogi tumpora ra siame aremī ampelum ra nimo mori mōmū horog ĭm momū aremī ra imo mori mampūm, mori dūtū umpi ugi nokolven neteme, fan nam ugi, tawi sugkū ra nemap,