Hibru 11:16 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹⁶ Kō marimo irora umesorugi sī nūrū mōmū aremī, mori pe, ūnpokop: ĭm popōwo pe Nōbū tawi narumprum ugi irora, woratovnin iyi memokū Nōbū isenda; popōwo iyi yemtavesves sī siti nisekonda.

Hibru 11:16 ပူးပေါင်းရင်းမြစ်များ

Matiyu 25:34

Miyi Novsūromon anūwi punora ra nokoven meves eni magkū, Uvelum kĭmi ōvun nevĭeves eni Itemen yaū, ūvĭ lō yepĭmsiman nĭsekomi marugi natipotni nemap;

Mark 12:26

Mugi ōvun nemas ma irora umamsorasah, kimi kūmūsepi ra netiyi tumpora eni Moses nam mori ugi nē nokowo Iehōva yemenūwi pugi, yaū Nōbū eni Ebraham, ĭm Nōbū eni Isak, ĭm Nōbū eni Yēkob?

Mark 8:38

Popōwo pe, iyi sī mori onarumprum ugi yaū, ĭm nam enyaū ūnĭpmi imo palsi satindi im tampalaū; Netni eni neteme onarumprum ugi iyi, pol sugkū iyi ampelum ra nilasilaswi eni Itemen dal ōvun nagelō tumpora.

Nam Navosavos Eni Luk 12:32

Semsimak vilik, ūtūmtetugi, popōwo, Itemen, soremi umagkū aremi worovugkūm lō mori.

Nam Navosavos Eni Luk 20:37

Miyi Moses yemokū sugkū ra nē, memtavsogi, memokū ōvun nemas ūmamsorasah, ĭt iyi yemovrugi Novsūromon, memokū, Nōbū isen Ebraham, ĭm Nōbū isen Isak, ĭm Nōbū isen Yakob;

Yoane 14:2

Unisog nimo eni Itemen yaū ōvun silebōkeves sikat, nagkū tawi sugkū, yaū penūwi pugkūm. Ya umampe woresiman sī nūrū nisekomi.

Ovun Apostol 7:32

Nōbū eni Ebraham, ĭm Nōbū eni Isak, ĭm Nōbū Yēkob. Im Moses yemevukūrakūra memetū atekisah woresugkelowi.

Filipi 3:20

Kō sī nūrū enugkos unpokop; ĭm kos kem lentevetūwi Nēyōwara, Iesū Krĭstō Novsuromon: iyi onumpi ĭtevaū nokolisirant netromoro,

II. Timote 4:18

Im Novsūromon osemsempari yaū marokonda ōvun numpūrak ūr omwisū, miyi ampeyōwara irag ra lō ūnpokop isen pugi iyi ante mante nilasilaswi ūvūm nevi sū indowi indowi. Amen.

Hibru 10:34

It kĭmi kūmafielintokonda mori dūmūvī nugkugko ugi worēit iranda, ĭm kūmūtūrĭgi sat ugi okeniugi siame noete enugkimi kūmūkili, memagkū, umante nisekomi ūnpokop siame nilaswi ūnam indowi.

Hibru 11:10

popōwo yemtevetūwi siti mori yetin okolugives ūnam, mori Nōbū yem safi memumpi.

Hibru 11:14

Popōwo irora mori umanūwi sugkū imosū ūmempūvsok aremi memagkū irora umesorugi nūrū aremī nisekonda.

Hibru 11:40

popōwo Nōbū yemetipe sī sie sī tamas aremī nisekont, memagkū, irora wante aremī ĭndowi sīteven dalekos.

Hibru 12:22

ko kĭmi kūmūvelum, pugi numpūō Sion, ĭm pugi sĭte eni Nōbū nomurep, mori Yerūsalem ūnpōkop, ĭm pun ora ōvun netevokontū ōvun nagēlō nūsian tamas nugkugko worespi,

Hibru 13:14

rantanĭmpī mōmūriuki norumprom isen ūndū iyi.

Hibru 2:11

Popōwo sīteven wokon itemenda, magkū iyi mori yemumpi irora aremī ĭm irora mori dūmumpi irora aremī: ĭm popōwo pe sugkū iyi otū onarumprum woratovninda magkū ravensīēme isen,

Reveleson 21:2

Im yaū mokesi, siti tumpora mori Yarūsalem ĭtevaū, yemyep marugi pokop marugi Nōbū, yemtavesves sugkū itnumpūkon umnevaiugi iyi ra nempokelah nisekon asūon.