Hibru 10:36 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

³⁶ It aremī nisekomi woreti ugi nemolsep, ma, polsugkū kwonekompeli sū sugkū tarū eni Nōbū kĭmi kwampi imo mori aremī dūpmūnūwi ugi.

Hibru 10:36 ပူးပေါင်းရင်းမြစ်များ

Matiyu 10:22

ĭm omwisū wonakan pugkūm popōwo ugi nin enyaū; kō iyi antendōwi ūnam áfeli ra nĭsah ampiēōwara.

Matiyu 12:50

Iyi sĭ onumpi sugkū nam eni Itemeneyaū ūnpokūp, iyi mori avūgsĭ, ĭm vevenug, ĭm name.

Matiyu 21:31

Itokowo ra irora endūrū yemumpi sugkū nakĭugi eni ĭtemenda? Mirora dūmūnūwi pugi mūmōkū. Iyi nōbūm. Iesū yōmenūwi punora memokū, Itnesog ya umanūwi pugkūm memagkū ōvun lĭvsaū nalekon mōvun tōri umampūm irami ra lō eni Nōbū.

Matiyu 24:13

kō iyi sī onatekisah mantendōwi ūnam afeli ra nisah ampiēōwara iyi.

Matiyu 7:21

Tawi omwisū mori ūmanūwi magkū, Novsūromon, Novsūromon wonintorĭmpe ra lō ūnpokūp; irora wokon mori um nokompeli nam eni Itemeneyaū ūnpokūp.

Mark 3:35

Iyi sĭ mori onumpi sugkū Nōbū umnakīugi, iyi mori oti avūg sĭ, īm vevenūg īm name.

Nam Navosavos Eni Luk 8:15

Im imo ra nemap aremi; irora mori gi nōwanda ĭtne, sog ĭm aremi, dūmūrĭgi nam, mūmnafĭnte, mōmampūo, mūmnatekisah.

Yoane 7:17

Nagkū sī umnakīugi worumpi sugkū tarū eni, iyi agkili ugi nam tavsogi mori, nagkū eni Nōbū, kū nagkū ya umasepen nenūwi.

Ovun Apostol 13:22

Im pol sugkū yivi pelah iyi yemetipe sah Dēvid woreti Natemonok nūsian isenda; memumpūvsok iran memokū, yaū mokesi Dēvid nitni eni Yesi, neteme ya umagkū aremī ugi, iyi onekompeli sū tarū enyaū omwisū.

Ovun Apostol 13:36

kĭk otū awi iyi Tumpora sorum worumtĭmti Dēvid yemtorugat iranda ra palsi isen sugkū tarū eni Nōbū yimaleēpo, mūmū tipe iyi ra nokorinda retemeneme isen miyi yumtimti.

Netiyi Eni Pol Apostol Punora Oveteme Rom 12:12

ūratevetūwi ugi navosavos; ūte ugi nemolsep ra nesorū norĭgumpūnū; wofwaki ĭndowi;

Netiyi Eni Pol Apostol Punora Oveteme Rom 12:2

Utūte kĭmi ra netevarū sugkū lō ra nemap: kō ūte kĭmi sī ugi nōwami ĭtevaū, ma kĭmi wagkili tarū eni Nōbū, mori siame aremī ĭm nugko ĭm tanepoves ūnĭpmi eni.

Netiyi Eni Pol Apostol Punora Oveteme Rom 2:7

punora ūmnatekisah ugi natekisah nemolsep ra numpi isenda memesorugi nilasilaswi ĭm sesie ĭm otū avtar, nomūrep ūvrūni:

Netiyi Eni Pol Apostol Punora Oveteme Rom 8:25

Kō nagkū kos kilentevetūwi nimsin ima mori kos kĭmletokesi, kos kĭm lentevetūwi ugi, nemolsep.

I. Korint 13:7

umnatekisah ĭndowi ra nowan nemolsep, umeravsĭvsi ōvun nam paū iranda ōveteme, umentarū aremī ugi tavniri indowi siame sū umandeokives ōvun norĭgumpūnū omwisū.

Kalesia 6:9

Aremī kos keletū wandromoro ra numpūrak aremī: popōwo dan sī kos kelen alekon semsimugi, nagkū kos kelen atekisah ĭndowi.

Efesus 6:6

tawi sugkū ūnĭmĭnda worokesi, sugkū umnumpi worevi narĭgi morokonda, ōveteme; kō sugkū ōvun lĭvsaū eni Krĭstō wumpi nakiugi eni Nōbū marugi nowami;

Kolose 1:11

woreti torugat omwisū, sugkū ugi horog narĭgi isen, memagkū kunumpi nemolsep ĭm nelintugi ugi navos; mumpalug pugi Itemen,

Kolose 3:24

popōwo kĭmi kūmagkili kwampi nipmi marugi Novsūromon ugi nevīugi aremī nisekomi:

Kolose 4:12

Epafaras, neteme enugkimi, livsaū eni Iesū Kristo, emagkū kĭmi paū, ĭt iyi umnatekisah ĭndowi nisekomi ugi nufwaki isen, ma kimi kwante tanepoves ĭm ūnam ĭndowi aremī ra nakiugi omwisū eni Nōbū.

I. Teselonia 1:3

metūmawi worenteme numpurak tavniri enugkĭmi ĭm torugat nelintugi ĭm nemolsep ratevetūi ra Iesū Krĭsto Novsūromon, ūnĭpmi Nōbū Itement;

Hibru 11:39

Im irora sū mori, dūmūvi numpūvsok iranda, memokū, irora dūmūte ōveteme aremī popōwo ugi tavnirigi enorara; kō irora dūtūvī siame dūmunūwi ugi,

Hibru 12:1

Im popōwo umafeafe irant ōvun numpūvsok netevokontū tamas ūmtopotneme irant, aremi kos kelen tafugi marugkos ōvun nokelar omwisū umesompatamtugkos,

Hibru 13:21

wumpi kĭmi aremī ĭndowi ra tiame sū omwisū worumpi sugkū nakiugi isen, worumpi ūnisog kos imo mori aremī ūnipmi isen, ugi Iesū Krĭstō, antemante pugi nilasilaswi ūvūm nevisū indowi indowi Amen.

Hibru 6:12

ūtūte netromora kĭmi, kō uri nampūn noanda mori umampi siame dūpmūnūwi ugi, popōwo wugi tavniri ĭm nemolsep enirora.

Hibru 6:15

Im sugkū, popōwo yemete ugi nemolsep ūnōwan, yemlōpisū sie mori yetin nenūwi ugi.

Hibru 6:17

Im popōwo pe, Nōbū yemakiugi tamas woresūlives punora ōvun tampenūm nimsin tiame mori yetin nenūwiugi, magku ante ūnam, yemenūwi ugi nam-ūnam;

Hibru 9:15

Im popōwo ne sugkū it iyi neteme woretipe nimparata ugi nam alam ītevaū, ĭt iyi yimas woreti sakrefis woresīpelah sat mori dumumpi ra nimpugon mori yemete nam alam mampum, mamegkū irora mori dūmovrokonda wampi ūvūm nevisū sie sie mori dūpmūnūwi ugi.

I. Piter 1:9

ĭm kimi kūmūvi fan aremī ugi tavniri enugkimi, mori nevieyowara naviat enugkimi.

I. Yoane. 2:17

Nemap umampia, ĭm nilasivian isen: kō iyi mori umnumpi sugkū tarū eni Nōbū antindowi ūvum nevisū.

Reveleson 13:10

Im nagkū sai ĭm iyi nimsin norūleki, aremai iyi ampe sugkū ugi norūleki iran: Im nagkū sai ontalugi ugi naūitūgo, aremai wontalugi iyi sugkū ugi naūitūga. Imo oti nivnak ĭm tavniri isenda ōvun tanepo.

Reveleson 14:12

Imo oti nivnak enirora ōvun tanepo, ĭt irora umafinte nam alma eni Nōbū, ĭm tavniri eni Iesū.