Hibru 1:14 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹⁴ Im irorasū wonesitū woretorugat, dūmūtamūlora woretorugat nisekonda mori wampi nēyōwara.

Hibru 1:14 ပူးပေါင်းရင်းမြစ်များ

Matiyu 1:20

Im polekū iyi yeumeveleveli ugi imo sū, sĭ nagelō eni Novsūromon yivelum pugi ra nemeviak memenūwi memokū, Yōsef netni eni Dēvĭd, etūmtetugi worevi Mēri retepmi; ĭt imo mori otepū ūnisog iyi ugi Naviat Tumpora;

Matiyu 13:41

Iyi Netni eni neteme ontamūlora ōvun agelō eni, mirora wonalekon marugi lō eni ōvun sendōkia omwisū mōvun numpĭndi;

Matiyu 18:10

Ufĭnte kĭmi kūtūagesi sat sĭ ra imosū virok; ĭt ya umanūwi pugkūm memagkū ōvun agelō enirora ūnpokūp umagesi ĭndōwi nĭpmi eni Itemen yaū ūnpokūp.

Matiyu 2:13

Im pol sugkū irora dūmūve pelah sĭ nagelō eni Novsūromon yōĭmpelum pugi Yōsef ra nemeviak mōmenūwi memokū, Etūok ĭm pī nalaū ĭm dĭneme eni malō ra Ityĭp metendōwi yūi afeli nempugon ya ōmanūwi punok, ĭt Herod emagkū memnesorugi nalaū woretalugi iyi.

Matiyu 24:31

Miyi ontamūlora ōvun agelō eni ugi nasora tamas ugi tovūi mirora wosemsimokonda ōvun tampoli eni marugi nūrūsū nūrūsū, marugi nugkon ra nugkon pokūp.

Matiyu 25:34

Miyi Novsūromon anūwi punora ra nokoven meves eni magkū, Uvelum kĭmi ōvun nevĭeves eni Itemen yaū, ūvĭ lō yepĭmsiman nĭsekomi marugi natipotni nemap;

Matiyu 4:11

Im Sētan yemōwi mempe, mōvun agelō dūmūvelum mumutorugat iran.

Mark 10:17

Im pol sugkū yive ūselat, sī yemalo pugi yumol ra numpon neterin, mōĭm tagkeli iyi memokū, Master aremi, yakonumpi sie ma yakampi nomūrep ovrūni?

Nam Navosavos Eni Luk 1:19

Miyi nagelō yemtamsi memenūwi pugi memokū, Yaū Kabriel, ya umantūrū potipot ūnĭpmi isen Nōbū, Im okotamūli yaū worenūwi pugkĭk, mesesi pugkĭk imo nam navosavos.

Nam Navosavos Eni Luk 1:23

Miyi yemalevi niminda mematepū. Im pol sugkū iyi yemekompeli dansū isen woretorugat, iyi yive ra nimo isen.

Nam Navosavos Eni Luk 16:22

Neteme narumkor yimas, mōvun agelō dūmūriukevēevē iyi, mūmūtipe ra nemĭndugon isen Ebraham. Miyi neteme nōete, yimas mūmūtenemi;

Nam Navosavos Eni Luk 2:13

Marimago dal nagelō sī semsimak ra ovun tentūrū ūnpokūp, mirora dūmarūfoves numpĭlĭn isen Nōbū, mūmūnūwi mūmōkū,

Nam Navosavos Eni Luk 2:9

Im sī nagelō isen Novsūromon yemovkoretūrū, ĭm nĭneaū isen Novsūromon yemeli-ugesi nagkaūwokonda, mirora dūmtetugi ugi nemtetugi tamas.

Ovun Apostol 11:22

Narigi imo yempelum ra semsimak ra Yerūsalem ugi irora; mirora dūtamūli Barnabas mūmokū ampe mafeli ra Antiok:

Ovun Apostol 12:23

Marimago sī nagelo eni Novsūromon yimtī iyi popōwo iyi yetūvugi Nōbū nilasilaswi ugi: movun nilas dūmmolentevi; isūma nesumsak.

Ovun Apostol 12:7

Im sī nagelo eni Novsūromon yemevelum pugi, ĭm nilara yemeselĭ ūnisog nimo nugkugko, miyi yateki nokorin Piter moyugi me menūwi memokū, Etūok itnum; movun tori ra nevat dūmol marugi nokoven eni.

Ovun Apostol 13:2

Im polekū irora dūmūtorugat iran Novsūromon mūtovokom, Naviat Tumpora yemenūwi memokū, Utipe nisekūg Barnabas ĭm Sol worumpi numpūrah yaū movrokonda ugi.

Ovun Apostol 16:26

Marimago sī nomiok tamas yemugkeri pot nowon nimo, marimago ōvun buketampet dūtin tīpelah, mov nelegi ra irora omwisū dūtin sūli.

Ovun Apostol 27:23

Popōwo yemetūrū ra nakorig pūmrok sī nagelo isen Nōbū mori yaū isen ĭm ya kum mintorugat iran,

Ovun Apostol 5:19

Kō sī nagelo eni Novsūromon itī pelah ōvun buketampet ra nimo nugkugko nempugon pūmrok, ĭm pol sugkū yemtorora ilat yenūwi memokū,

Netiyi Eni Pol Apostol Punora Oveteme Rom 11:14

nagkū ugi natekisah horog ya anoiokonda ōvun numpūnarag mō mampēyōwara nugkon ra irora.

Netiyi Eni Pol Apostol Punora Oveteme Rom 13:6

Popōwo pe sugkū kwampun ora woresitu; popōwo irora ōvun lĭvsaū eni Nōbū, mirora umentorugat ra imo siame ĭndowi.

Netiyi Eni Pol Apostol Punora Oveteme Rom 15:16

ma ya ante lĭvsaū eni Iesū Kristo pun ora lō Ityentail, worenūatokeli nam navosavos eni Nōbū, ma sakrefais—memagkū Ityentail—ante aremai, popōwo ugi numpūrak eni Naviat Tumpora.

Netiyi Eni Pol Apostol Punora Oveteme Rom 15:27

ĭm irora dūmokū irora ūmuntampenum ugi pe. Popōwo nagkū ōvun lō pelah dūmūvai ōvun tiame nimsin nomurep naviat dal irora, ĭt oti aremai ma irora worelintokonda ugi ōvun sie ra nemap.

Netiyi Eni Pol Apostol Punora Oveteme Rom 8:17

ĭm nagkū kos ōvun netnime, kos ōvun nevi; worevi siame eni Nōbū kel andiuki nesorū ūndū iyi, ma kos kel ampi ōndū moĭmpi narigi ugi ūndū Krĭstō; nagkū ĭtnesog kos kelampī ūndū iyi nilasilswi.

I. Korint 1:21

Im popōwo ugi nelekon eni Nōbū ōveteme ra nemap dūtūkili Nōbū ugi nelekon enirora, kō yeti aremī ugi Nōbū woresemsempari iranda mori umentavniri ugi torenūwi nam, mori ūmagkū ugi memokū nĭndewavū.

II. Korint 9:12

Popōwo ime talug ra imo numpūrak otūm numpi wokon woresitū iranda ōvun norumkor, ōveteme aremī, kō umnumpi horog sikat umpalugi pugi Nōbū;

Kalesia 3:29

Im nagku kĭmi isen Kristo, ĭtnesog kĭmi ōvun netnime eni Ebraham, ĭm ōvun tampenum siame sugkū nam niyeviwos.

Kalesia 3:7

Kūmagkili ma irora mori ōvun tavniri iroromo ōvun netnime eni Ebraham.

Kalesia 3:9

Popōwo pe sugkū wampīeves irora mori ōvun tavniri ūndū Ebraham neteme tavniri ves.

Efesus 3:6

memagkū ōvun lō pelah sī ōvun tampenum dal kam, ĭm sīteven dal kam, ĭm worevi dal kam nam dūpmūnūwi ra Iesū Krĭstō ugi nam navosavos,

Filipi 2:17

Im ĭtnesog, nagkū woreselĭgi de enyaū sugkū nimsin sokowara, ĭm nagelaū sorūg popōwo ugi tavniri enugkimi, yakum navos, ĭm yakum navos dal kĭmi omwisū;

Filipi 2:25

Kō yaū mokū aremī ya ontamūli Ipafrodītus, avūgsī ĭm neteme torugat ĭm neteme nempako dal yaū, ĭm lĭvsaū enugkimi, yemelĭntokoyaū ra norumkora enyaū;

Teselonia 1:7

ĭm nisekomi mori kūmūvī nesorū nemindog dal yaū, pol sugkū Iesū Novsūromon antūratumpene marugi pokop dal ōvun nagelo horog isen ugi nom,

Tītus 3:7

ma, popōwo yemumpi kos tanepo ugi ĭtemas-paū isen, kos kel ete ovunyan isen ĭm lentevetūwi nomurep ūvrūni.

Hibru 10:11

Ovun tavsogi omwisū umantūr dan sū woretorugat mōĭmsakrefīs ugi ōvun sakrefīs, ugi sie fan sīteven, ĭm dansū sugkū, kō irora tawi indowi faneteme worevipelah satsū;

Hibru 2:3

kos kelen alo iya, nagkū kos kelen tasevioa imo nēyōwara nūsian aremī ĭndowi? mori Novsūromon yovūm menūwi ĭm penuri irora mori dūmūrĭgi dūmumpūsok ugi;

Hibru 5:9

ĭm polekū yemete aremi wokon yemete nomurep ūvrūni nisekonda omwisū umintavnirĭgi iran;

Hibru 6:12

ūtūte netromora kĭmi, kō uri nampūn noanda mori umampi siame dūpmūnūwi ugi, popōwo wugi tavniri ĭm nemolsep enirora.

Hibru 6:17

Im popōwo pe, Nōbū yemakiugi tamas woresūlives punora ōvun tampenūm nimsin tiame mori yetin nenūwiugi, magku ante ūnam, yemenūwi ugi nam-ūnam;

Hibru 8:6

Kō ĭtnesog, iyi okevi sī numpū momū tamas aremī, ĭm popōwo ugi iyi neteme worenūwi ninparata ugi nam alam numpūvsok mori mōmū aremi ra ima mori etūwi, mori umante ūnam ugi nam dūpmūnīwi, mori mōmū aremī ra ima mori etūwī.

Hibru 9:28

ĭm sugkū, dūmūsakrerīs Krĭstō nempugon sīteven, memagkū, iyi ante nipmi tĭwi satsū isenda ōveteme sikat, kō iyi omampelum nempugon simōmū, punora, ūmenteveteme iyi worumkorēyōwara ugi nomurep ūvūni, ĭm otū ante sat iran.

Yakobo 2:5

Urigi, ravūgsīeme paū; kĭmi kūmagkili ma Nōbū yemtampolora mori ovunnorumkor ra siame ra nemap woreti ōvun nōēte ra tavniri, ĭm woreti ōvun tampenum ra lō mori yepmenūwi ugi nisekonda mori ūmnelintugi iyi.

I. Piter 1:12

Dūmūyevūwos punora, ma tawi punora kō pugkum, irora dūmūtalokugi imo ōvun siame, mori marima umantūratumpene pugkūm ugi irora mori dūmūtorenūwisah nam navosavos pugkum ugi Naviat Tumpora yetin tamūli marugi pokop; ĭm ōvun nagelo ūmnakīugi worokesi imo ōvun siame.

I. Piter 1:4

ra tan penum otū amtimti, sentevives, ūmafinte ūnpokop nisekomi,

I. Piter 3:7

Im kĭmi sugkū rasewondeme, kwante aremi dal irora retepmime ra nointanwi, mūsesieves iranda ovasiven popōwo irora mōmū nemeloklo ra nokolisiranda, ĭt kĭmi ōvun tampenūm dal irora ugi ĭtemas pau nomūrep; ma sugkū ūtū sompat ōvun nesenug enugkĭmi.

Netaiyi eni Jūd 1:14

Im pun ora Inok, mori sukrim dūrūgi marugi Adam, yemevsemevseugi, memokū, Urigi, Nov sūromon yivelum ĭm dal iyi ten taūsan ōvun tanepo eni, worūrian iranda oveteme omwisū,

Reveleson 5:6

Im yaū mokesi ilebotevin potnumpūtūō, ĭm ōvun nurah mori, ĭm ōvun elder, sai Lam yemetūr, sugkū nagkū dūmūtalugi, ĭm yeti nimpati seven iran ĭm nipmi isen seven sugkū, mirora oti ōvun.