Filipi 2:17 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹⁷ Im ĭtnesog, nagkū woreselĭgi de enyaū sugkū nimsin sokowara, ĭm nagelaū sorūg popōwo ugi tavniri enugkimi, yakum navos, ĭm yakum navos dal kĭmi omwisū;

Filipi 2:17 ပူးပေါင်းရင်းမြစ်များ

II. Timote 4:6

Im marima otanepugon nemas enyaū sugkū sokowara umwosiligi ugi, ĭm nempugon enyaū woreve okovelum.

Netiyi Eni Pol Apostol Punora Oveteme Rom 15:16

ma ya ante lĭvsaū eni Iesū Kristo pun ora lō Ityentail, worenūatokeli nam navosavos eni Nōbū, ma sakrefais—memagkū Ityentail—ante aremai, popōwo ugi numpūrak eni Naviat Tumpora.

II. Korint 12:15

Im ya um nakīugi woretevūrak ĭm woretorugat nisekon naviat enugkimi. Kō pol sugkū ya um nelintugkūm mōmū tamas, kĭmi kūm nelĭntokoyaū mōmū virok mōmū.

Kolose 1:24

Im ya umnavos ra mumpon norĭgumpūnu enyaū popōwo ugi kĭmi, ĭm okompeli norĭgumpūnū yemete isen Krĭstō, ra fan enyaū popōwo ugi nokolisiran, mori nilpon sī lō tumpora;

Filipi 1:20

sugkū ugi nakiugi horog ĭm ratevetūwi enyaū, ma ya otū ampi narumprum ra sie sī kō ma ugi natekisah horog, sugkū dan sū, sugkū marima sugkū Krĭstō ampi nilasilaswi ra nokolisirag, ugi nomūrcp, kū ugi nemás.

II. Korint 7:4

Yakum manūwi nam horog pugkūm, ĭm ya umanūwi narigi horog enugkimi, ya umovwar ugi nemolsep irag,

I. Yoane. 3:16

Im koskemagkili nelintugi, popōwo iyi yemtenimpe nomurep isen nisekont: ĭm aremai koskelentenimpe nomurep enugkos nisekonda raveveneme.

Netiyi Eni Pol Apostol Punora Oveteme Rom 12:1

Im popōwo pe ya umneserugkūm, ravūgsīeme, ugi ōvun nelĭntugi eni Nōbū, memagkū utenimpe nokolisirami, sokowara amūrepwi tumpora, aremī ugi nisekon Nōbū, mori ĭtnesog umante irami worumpi.

I. Piter 2:5

sugkū ōvun nevat nomurep, umnumpi kĭmi nimo nisekon Naviat Tumpora, ĭm worete ōvun tavsogi tumpora, worumpi ōvun sakrifīs tumpora, aremi ūnipmi eni Nōbū popōwo ugi Iesū Krĭstō.

I. Teselonia 2:8

im sugkū kam mūlĭntugkum tamas, ĭm ka kĭm lavos tawi worevugkūm nam navosavos wokon eni Nōbū, kō naviat enugkam sugkū, popōwo ugi nelintugi enugkam nisekomi.

Filipi 4:18

Kō ya okevi tiame sū, ĭm sikat mōmūgo tiame nisekūg: yakūm navos tamas popōwo ya okevi marugi Epafrodītus siame mori kĭmi kūmūtamūli poyaū, sī nepeneves aremī, sī talug ĭtemas, aremī ūnĭpmi eni Nōbū.

Filipi 2:30

popōwo ugi numpūrak eni Krĭstō yembotipot nemas iran, kō yetokū avieveve nomūrep isen ma iyi akompeli numpūrak enyau nisekomi mori yaū metū ekompeli.

Ovun Apostol 21:13

Kō Pol yemtamse memenūwi memokū, sie kūmnumpi kūm nageri mūmagkū worareki nowag kū? Tawi woreti neēti wokon, kō yaū tavesves ra Yerūsalem popōwo ugi nin eni Novsūromon Iesū.

Ovun Apostol 20:24

Kō ya kotūm mentarū ugi imosū ĭm ya kotūm masiugi nomūrep sorūg ya umagkū ugi magkū worokompeli numpūrak sorūg ugi navos, ĭm torugat mori yaumpi marugi Novsūromon Iesū, worumpūvsok ugi nam navosavos, ugi nelintugi isen Nōbū.

II. Korint 6:10

sugkū neteme ūmeselatevi iyi, kō dūtū talokoyaū; sugkū neteme norĭgumpūnū, kō yakum navos dan sū; sugkū neteme norumkora, kō dūvl nōēte ōveteme sikat popōwo ugi yaū; sugkū neteme tawi noete isen, kō siame nōēte omwisū sorūg yaū.

Filipi 2:18

ĭm sugkū sū wavos kĭmi ĭm wavos dal yaū. Im marima,

II. Korint 4:12

Popōwo pe sugkū umnumpi nemas nokilisirag ugi namarat irag, kō umnumpi nomūrep nisekomi kĭmi.