Filipi 2:15 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹⁵ ma kĭmi kwante ōveteme aremī ĭm itnesog, sugkū ovunyan eni Nōbū ĭm tawi sie sī ūr irami ūniminda palsi sendokie ĭm nilebokevat kūmante dal irora sugkū ōvun nilūo ra nemap, mōĭmsūli nam nomurep;

Filipi 2:15 ပူးပေါင်းရင်းမြစ်များ

Matiyu 10:16

Urĭgi, ya umentamūlokūm sugkū ōvun pugipugi ĭle-bōteven ōven wūlf;

Matiyu 17:17

Im Iesū yetamsi memenūwi memokū, Ah, palsi ūtūmuntavniri mūtūmuntarūves, ya antendōwi dal kĭmi afeli nempugon nĭgoi?

Matiyu 5:45

ma kĭmi wanti ōvun netnime eni Itemen kĭmi ūnpokūp ĭt iyi umeselieli nĭpminen umentūok iranda ōvetemĭndi mōveteme aremī, mementamūli nebĭp iranda ovun tanepō īnōvun sempiri.

Matiyu 5:48

Uti kĭmi aremī ĭndōwi sugkū Itemen kĭmi ūnpokūp aremī ĭndōwi.

Nam Navosavos Eni Luk 1:6

Mirora dūrū tanepo wokon ūnĭpmi isen Nōbū mūmnalekoleki ovun selnivi nam, movun nam alam omwisū isen Novsūromon mūtūareki.

Nam Navosavos Eni Luk 6:35

Kō wolintokonda ōv novsen nakan soremi. Wumpelēves, mūvugi wokon, mūtūōmamtemetemetugi mōmū, im nipmi soremi wanti tamas, ĭm kimi kwanti ovun netnime isen Tantevakepe; ĭtiyi umnumpelēves iranda mori ūtūmumpalugi, mōvetemendi.

Yoane 5:35

Iyi mori Lamp yemeliugesi memeselī, ĭm kimi kūmnagkīugi woravosūwi ra nilara eni.

Ovun Apostol 2:40

Miyi yemumpūvsok memenūavsokonda ugi nam sikat mōmū memokū, ūvĭ nēyōwara marugi imō palsi sat.

Ovun Apostol 20:30

Moveteme ra kĭmi wontūok, manūwi nam nagkaū magkū ōvun nurie mamplesi iranda.

Netiyi Eni Pol Apostol Punora Oveteme Rom 16:19

Popōwo tavnirigi enugkimi umevsor ūniminda ōveteme omwisū. Im popōwo ugi imo yakum avos tamas ugi kĭmi: kō yakum nakaiugi ma kwante nointanwi kĭmi ugi ima mori tiame aremai, kō ōvun nemlū netūkili pugi siame ūr.

I. Korint 1:8

mori onumpi kĭmi ūnam ran dan sū, ma otū anti sĭentie sī worūrian irami ran dan eni Iesū Kristo Novsūromon enugkos.

II. Korint 6:17

Popōwo pe Novsūromon umagkū, Uvelum marokonda kĭmi, mō mūte isūt pelah sī morokonda kĭmi, iyi Novsuromon mori Tantevakepe umagkū, Utū sugkori sī entie sī nelilūo kĭmi

Efesus 5:27

memagkū iyi antipe nilpon sī lō tumpora nisekon iyi, sī nilpon sī lō tumpora nilasewi tamas aremī, ĭm tawi sī se sī ūr kū nagkaū iran kū sie sī sugkū;

Filipi 1:10

ma kĭmi kwagkili siame mori aremī tamas; ma kwante itnesog ūnōwami kĭmi mūtū umpi sī nesorū mafeli dan eni Krĭstō;

Filipi 3:6

im sugkū neteme Faresi ugi alekoleki nam alam; yaū matekisah woretara ōvun kalesia; ĭm ugi tanepo ra nam alam wokon, yaū meti sentevives wokon.

I. Teselonia 5:23

Im iyi pe iyi Nōbū ninparata onumpi kĭmi tumpora ĭm aremī ĭndowi; ĭm aremī naviat enugkimi ĭm nowami ĭm nokolisirami wantĭndowi aremī ĭndowi, ĭm tawi sie sī pol sugkū Iesū Krĭstō Novsūromon enugkos ampelum.

I. Timote 3:10

Wagkilora aremī mampūm; penūri irora wontorugat sugkū ōvun dikon, nagkū nam numpūvsok aremī ugi irora.

I. Timote 3:2

Kō umagkū ugi bĭshop memagkū iyi ante aremī wokon, ĭm retepon sīteven, nemolsep nam isen, nelekon, nugkoves ĭm tasiasie, umnavugonora ōveteme, memagkilives woretavsogi; tawi neteme nesesaū, otum mentī ōveteme;

I. Timote 5:14

Im popōwo pe sugkū yakum magkū ōvun neviumpūwi itumpūkoneme wuntūok, mūvĭ ōvalalaū, mūfĭnte aremī temne enirora mūtū umpi sī sōie sī wontavūntand ugi ōvūn novsen-nakan enirora:

I. Timote 5:20

Urianda mori ūmnumpi sat ūnĭmĭnda ōveteme omwisū, ma sugkū irora nugkon wamtitugi.

I. Timote 5:7

Im imo siame sugkū kanūwi ugi nugkugko, ma irora wantĭndowi aremī ĭm tawi nam iranda.

Tītus 1:6

nagkū sī neteme ĭm nam numpūvsok aremī ugi iyi, retepon sīteyen wokon, ĭm ovunyan isen ōvun tavniri, ĭm tawi nam iranda ugi nelevokevat kū ugi nesesaū.

Tītus 2:10

irora ūtū wosendoekiye iranda; mūtū onomprok, kō wonumpi tanepo omwisū aremī; ma irora wanūwi narigi tavsogi isen Nōbū Nēyōwara enugkos ugi irora ran tiame sū omwisū.

Tītus 2:15

Tavsogi ĭmo siame, ĭm sūlives punora ōveteme mū yevora, ugi horogesah omwisū. Efinte ma tawi sī neteme agesok sat.

Hibru 7:26

Popōwo aremī nisekont neteme tavsogi tumpora mori, yeti tumporaves tanepoves sentevives ĭm yetve botipot ōvun narekisat, miyi yemsah ūnpokop horog wokon;

I. Piter 2:12

wumpi netevarū aremī kĭmi ūniminda ōvun nelevokevat; ma irora, pol sugkū irora wagesi ōvun numpūrak aremī enugkimi, wampīeves Nōbū ugi imo siame irora dūmūtavūntan sat irami ugi pe, ra nempugon nilara ampelum punora.

I. Piter 2:9

Kō kĭmi ōveteme lō dūmūtampolekūm, ōvun tavsogi horogesah, lō tumpora, ĭm netevokontū nisekon Nōbū, ma kĭmi kwosesi aremi wokon isen iyi mori yemtorokūm marugi nelevokevat ra nūsian nilara, navlugi isen;

II. Piter 3:14

Im nasūgsīeme paū, popōwo kĭmi kūmūsorugi imo tiame, ūtarūgi mōmatekisah ma kwantindowi ra ninparata, ĭm tawi sie sī ūr iramei kō sugkū ōvun tanepo ūnipmi eni.

Reveleson 2:5

Popōwo pe sugkū enteme mentarugi nomol nokowo mori enugkĭk, ĭm enūatumpeni ūnōwam ugi, ĭm umpi ōvun numpurak enugkĭk mori kim movum mumpi; kū entawi ya ampelum pun ok itnum, ĭm ya a paipelah lamp enugkĭk marugi nampon, nagku kĭk otū torileki ūnōwam.

Reveleson 3:9

Urigi, ya ontorora nugkon morokonda mori irora umentevita iran Sētn, ĭm irora ūmagkū irorairora ōveteme Yūdia, kō irora tawi, kō ūmnamlai; ūrigi, ya ontoror pe nokowo, ĭm irora wampelum wonteveta ra pot nowomi ĭm worokili memagkū ya um nelintugkĭk.