Filipi 1:27 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

²⁷ Kō aremī netevarū enugkĭmi ante aremī sugkū ra mumpon nam navosavos eni Krĭstō: ma nagkū ya ampelum magkosekūm kū ya ante ra nūrū sī, ya andegi nokowo kūm mante kĭmi, ma kĭmi kūmantūr ūnam ra naviat sīteven ĭm nowami sīteven ĭm ugi natekisah horog ugi tavniri ra nam navosavos;

Filipi 1:27 ပူးပေါင်းရင်းမြစ်များ

Matiyu 12:25

Im Iesū yemelavenūri tarū enirora memenūwi punora memokū, Lōsū umasepen sumpūi umnaseviokonda;

Ovun Apostol 2:46

Mirora dūmante ra tempel ugi tarū siteven mūmandūsevi yōūp ra ōvun nimo isenda, mirora dūmneni nevag isenda ugi navōs ĭm nelugelugi ves ūnōwanda,

Ovun Apostol 24:24

Penūri nugkon dan Feliks yivelum ūndū Drusila retepon isen, nasiven Isrēel, iyi yemorigi Pol me morĭgi nam ugi tavniri iran Krĭsto.

Ovun Apostol 4:32

Im semsimak ra irora mori dūmūtavniri dūmūte gi tarū ĭm naviat siteven: ĭm tawi sī yemenūwi mokū isen iyi sī se sī ra netevote sū isen; irora dūmokū siamesū isenda enirora sū.

Netiyi Eni Pol Apostol Punora Oveteme Rom 1:16

It voatūm narumprum ugi nam navos-avos ĭt iyi horog eni Nōbū worumkorēyōwara omwisū umentavnirigi; nisekonda lō Yūda, ĭm nisekonda, lō Krik sugkū.

Netiyi Eni Pol Apostol Punora Oveteme Rom 1:5

iyi Iesū Krĭstō Novsūromon, mugi iyi dūmumpi kos ōvun apostol,

Netiyi Eni Pol Apostol Punora Oveteme Rom 1:9

Im Nōbū umagkili, ĭm yakum torugat iran ugi nowag ra nam navosavos eni Netni, ma dan sū ya ummanūwi ugi kĭmi,

Netiyi Eni Pol Apostol Punora Oveteme Rom 10:8

Kō umagkū sie? Nam umpotipot iram, ūnugom, ĭm ūnōwam: mori nam ugi tavniri, mori ka kim lintorrenūwi:

Netiyi Eni Pol Apostol Punora Oveteme Rom 15:16

ma ya ante lĭvsaū eni Iesū Kristo pun ora lō Ityentail, worenūatokeli nam navosavos eni Nōbū, ma sakrefais—memagkū Ityentail—ante aremai, popōwo ugi numpūrak eni Naviat Tumpora.

Netiyi Eni Pol Apostol Punora Oveteme Rom 15:29

Im yakum magkili polsugkū ya ampelum pugkum, ya ampelum ra horog ra nevaieves eni Kristo.

I. Korint 1:10

Yakum nesenugkūm, ravūgsĭme, ugi nin eni Iesū Krĭsto Novsūromon enugkos, ma kwanūwi kĭmi omwisū nam siteven, ūtū wakan pugkūm kĭmi; kō ūte ūnūwami siteven ĭm ugi tarū siteven.

I. Korint 15:58

Popōwo pe sugku, ravūgsīeme paū aremī, ūte nugkugko, ūte ūnam, ūtin tandamsah indowi kĭmi ra ōvun numpūrak eni Novsūromon, popōwo kĭmi kūmagkili ma numpūrak enugkĭmi tawi nĭndewavo ra Novsuromon.

II. Korint 13:11

Im marima, ravūgsĭme, kĭmi paū. Wumpi aremī sīteven kĭmi; ūte ra ninparata: ĭm Nōbū mori oti ninparata ante mante dal kĭmi.

II. Korint 4:4

iranda mori nōbū ra imo nemap yemseni tarū sū isenda ōvun netū tavniri, ma nilara nam navosavos nilasilaswi eni Kristo, iyi mori safi eni Nōbū, otū oselī iranda.

II. Korint 9:13

popōwo ugi numpūvsok irami ugi imo numpūrakeves enugkĭmi irora ūmnumpi nilasilaswi iran Nōbū popōwo ugi sendiokives tavnirigi ugi navosavos eni Krĭsto, ĭm popōwo ugi itemas paū horog enugkimi punora, ĭm punora ōveteme omwisū;

Kalesia 1:7

kō ĭtnesog imo tawi nam navosavos pe sī: ko nugkon ōveteme ūnmakīugi woreyompelĭgi nōwami momumpi nagkaū nam navosavos eni Kristo.

Efesus 1:13

ra iyi kĭmi sugkū, kūmūrĭgi nam tanepo, mori nam navosavos ranēyōwara enugkimi,—ra iyi, kĭmi kūmū tavnirigi, kūm ampelesi iran ra Naviat Tumpora ugi ratevetūwi,

Efesus 1:15

Im popōwo pe, pol sugkū yaū morigi ugi tavniri enugkimi ra Iesū Kristo, ĭm nelintugi enugkimi punora ōveteme aremī omwisū,

Efesus 4:1

Ya umnesenugkūm, yaū mori neteme isen Novsūromon dūmūti yaū, memagkū ūtĭndowi aremī kĭmi sugkū dūmūvrugkūm ugi,

Filipi 1:5

popōwo ugi nesitū enugkimi worumpi naloves nam navosavos marugi dan mampūm mori mafeli marima;

Filipi 2:12

Popōwo pe ravūgsĭeme paū enyaū, sugkū mori kūmalekoleki ĭndowi mori, tawi wokon pol sugkū yaū dal kĭmi, kō marima mōmūgo pol sugkū yakum mante isūt, ūsorugi siame nēyōwara nisekomi ugi nemtitugi ĭm nevekūrakūra;

Filipi 2:24

kō yakum tavniri ra Novsūromon ma yaū sugkū ya ampelum pugkūm marima.

Filipi 3:18

Popōwo sikat ūmnavan, mori yaū morūnenūwi pugkūm ugi irora, ĭm ya umanūwi marima ugi nageri, memagkū, irora ōvun novsin nakan eni nēūmparom isen Krĭstō:

Filipi 3:20

Kō sī nūrū enugkos unpokop; ĭm kos kem lentevetūwi Nēyōwara, Iesū Krĭstō Novsuromon: iyi onumpi ĭtevaū nokolisirant netromoro,

Filipi 4:1

Popōwo pe sugkū, ravūgsīeme pau yakum nelĭntugkum tamas, kĭmi navos enyau ĭm kraūan enyau, ūte sugkū unam ra Novsūromon, ravūgsīeme kĭmi paū.

Kolose 1:10

worumpi aremī ra Novsūromon ĭm aremī ra siame sū, momampūwo ra ōvun numpūrak aremī omwisū, mōmenug ra nokili ugi Nōbū;

Kolose 1:4

popōwo kam lorĭgi tavniri enugkimi ra Iesū Krĭsto, ĭm ugi nelintugi enugkimi punora ōveteme aremī omwisū,

I. Teselonia 3:6

Kō pol sugū yemne marugkūm Timote ĭm pelum, yemorioki poyaū nam aremī ugi tavniri ĭm nelintugi enugkimi, ĭm ma kĭmi kūmentarūwokovaū dan sū, ĭm ma kĭmi kūmakīugi tamas worokosyaū, sugkū nakiugi enyaū worokosekūm;

I. Teselonia 4:1

Im ravūgsīeme, yakum nesenugkūm ĭm sūlives pugkūm ra Iesū Novsūromon memagkū, sugkū kūmūvī marokoyaū nokowo kwonavan kĭmi sugkū aremī ugi Nōbū, wumpi sugkū,—ma kĭmi kwante mōmū aremī tamas.

I. Timote 1:11

sugkū nam navosavos aremī wokon eni Nōbū nevieves, dūmūtipe irag worefinte.

I. Timote 1:19

momerarsivsi taviniri ra nōwan aremai; mori ugi imo nugkon ra irora dūmūtafugi morokonda ĭm dūmokeni tavniri (enirora):

II. Timote 4:7

Ya kompi navokat aremī, ya okompeli naloves ra rēs, yaū mete ūnam ran tavniri:

Tītus 2:10

irora ūtū wosendoekiye iranda; mūtū onomprok, kō wonumpi tanepo omwisū aremī; ma irora wanūwi narigi tavsogi isen Nōbū Nēyōwara enugkos ugi irora ran tiame sū omwisū.

Filimon 1:5

popōwo yaū morigi ugi nelintugi enugkĭk, ĭm ugi tavniri enugkĭk pugi Iesū Novsūromon, ĭm punora ōveteme aremī omwisū;

Yakobo 3:18

Im umnowi ra nimparata novwan tanepoves nisekonda mori umnumpi ninparata.

II. Piter 3:11

Im popōwo kūmagkili ma imosū ōvun tiame wampia sugkū, ūte kĭmi ugi netevarū ĭm numpurak aremī im tumporaves ra Nōbū,

II. Piter 3:14

Im nasūgsīeme paū, popōwo kĭmi kūmūsorugi imo tiame, ūtarūgi mōmatekisah ma kwantindowi ra ninparata, ĭm tawi sie sī ūr iramei kō sugkū ōvun tanepo ūnipmi eni.

Netaiyi eni Jūd 1:3

Ravūgsaiemo pau, pol sugkū yaū ĭm atekisah tamas woretaiyi pugkūm ugi nomūrep avrūni nisekonda oveteme omwisū, yaū mokū ūnōwag ma ya onetaiyi pugkūm woreyevekūm woratekisah ugi tavniri yetin temimpe nempugon sativen indowi pun ora ōvun tampoli.