Filipi 1:23 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

²³ Sī tarū endūrū enyaū, yakum nakīugi woreve worete dal Krĭstō; popōwo imo mōmū tamas aremī ĭndowi:

Filipi 1:23 ပူးပေါင်းရင်းမြစ်များ

Nam Navosavos Eni Luk 12:50

Kō sī baptisma ambaptiso yaū ugi; ĭm ya umasepen sokomulepwi afeli nempugon onokompelisū.

Nam Navosavos Eni Luk 23:43

Im Iesū yemenūwi pugi memokū, Itnesog, ya umanūwi pugkĭk, memagkū, Irē kante nandū yaū ra Paradīs.

Nam Navosavos Eni Luk 8:38

Miyi neteme mori ōv naviatindi dūmūvelum ilat marugi yemesenigi, memokū antendōwi nandū iyi; kō, Iesū yemtamūli, memenūwi, memokū,

Yoane 12:26

Nagkū sī umagkū iyi ontorugat irag, aremī iyi onampelesi irag; ĭm ra nūrū yaū yūi, iyi lĭvsaū enyaū yūi sugkū. Im nagkū sī olĭvsaū irag, Itemene yaū antipe nilaswi iran. Marima naviat enyaū umandĭgi sat.

Yoane 13:1

Im pol sugkū dūtūumpi narigari Paska, Iesū yemokili ma nempugon eni okovelum, miyi awi nemap, mampe pugi Itemen; Iyi yemelintokonda mori eni ra nemap, miyi yemelintokonda mafeli ra nisah.

Yoane 14:3

Im nagkū ya ampe woresiman sī nūrū nisekomi, ya umampelum mampi kimi dal yaū;

Yoane 17:24

Nate, ya umagkū aremī ma irora mori kĭmovoyaū wante dal yaū ra nūrū ya antewi, ma irora wagesi nilasilaswi enyaū, mori kĭmovo yaū; it kĭmelintokoyaū pol sugkū tawi natipotnin nemap.

Ovun Apostol 7:59

Mirora dūmūtevi Stifan ugi nevat, miyi yemovrugi memenūwi memokū, Ah, Iesū Novsūromon, vī naviat sorūg.

II. Korint 5:8

kos kim lenatekisah, ĭm kos kĭm lenakĭugi woretinĭmpe imo ūvrok, ĭm lantĭndowi ūndū Novsūromon.

II. Korint 6:12

Nelintugi ūnōwag nisekomi tawi virok, kō nelintugi ūnowami nisekūg oti virok.

Filipi 1:24

kō woretĭndowi ra nokolisirag mōmū aremi nisekomi.

I. Teselonia 2:1

Popōwo kĭmi kūmagkili, ravūgsieme, nivelum enugkam pugkūm, memagkū tawi sugkū nindewavū:

I. Teselonia 2:13

Im popōwo pe sugkū ka kĭm lumpalugi pugi Nōbū ĭndowi, ma pol sugkū kĭmi kūmūvī marugkam nam nempasewugi, nam eni Nōbū, kūmūvĭ tawi sugkū nam eni neteme kō sugkū oti ugi itnesog, nam eni Nōbū, mori umnumpi horog ūnōwami mori ūmentavniri.

I. Teselonia 4:17

ĭm polekū kos mori wamūrep, ĭm lante, wampīsah kos dal irora ra mumpon numpūwaū, worevtet iran Nōvsūromon ūnēī; ĭm sugkū ĭtnesog kos kel ante ūndū Novsūromon ūvūm nevisū ĭndowi.

II. Timote 4:6

Im marima otanepugon nemas enyaū sugkū sokowara umwosiligi ugi, ĭm nempugon enyaū woreve okovelum.

Reveleson 14:13

Im yaū morigi sai navian yemne ūnpokop, memenūwi memokū, Etaiyi, memagkū, Nevaieves irora mori umamas ra Novsūromon, ĭm randan sū indowi: miyi Naviat Tumpora emagkū, ĭtnesog, magkū irora wampai nemindog marugi ōvun nagelaū enirora; popōwo ĭtnesog ōvun novwan ōvun numpūrak enirora wonūrora.