Efesus 5:2 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

² ūte ugi nelintugi pugkūm kĭmi, sugkū Krĭsto yemelĭntugkūm, mōĭmtinepe iyi pe iyi nisekont, toveni nemas sokowar aremī pugi Nōbū nempeneves tamas aremī.

Efesus 5:2 ပူးပေါင်းရင်းမြစ်များ

Yoane 13:34

Sī nempasewugi ĭtevaū, ya umampugkūm, Usepen nelintugkūm. Ya um-nelintugkūra, ūsepen nelintugkūm sugkū.

Kalesia 2:20

Yaū mepmas ra nē umparum ūndū Krĭsto; ĭm ya umamūrep: ĭm tawi yaū mori umamūrep, kō Krĭstō umamūrep ūndū yaū: ĭm imo nomūrep mori yakum nomūrepwi marima ra nemap ya um amūrep ra tavniri, tavniri mori iran Netni eni Nōbū, mori yemelĭntokoyaū, ĭm yem espen tenimpe iyi nisekūg.

Kolose 3:14

ĭm mōmū iranda siame omwisū ūvīugi nelĭntugi, ĭt imo oti nam nam ūnam tanepoves.

II. Korint 2:15

Popōwo kam sī nempeneves eni Krĭstō ra Nōbū, nisekonda mori ūmankorēyōwara, ĭm nisekonda mori ūmentavtiti irora;

Tītus 2:14

iyi mori yespentenimpe iyi nisekont, ma iyi amkosēyōwara marugi ōvun sat sū omwisū, ĭm sendomsi sentevives sī netevokontū nisekon, mori ūmnatekisah ra ōvun numpurak aremī.

I. Korint 16:14

Wumpi ōvun numpūrak omwisū enugkimi ugi nōwami nelintugi.

Matiyu 20:28

sugkū Netni eni neteme, iyi yivelum metūmokū ōveteme wontorugat iran, kō yemokū iyi ontorugat iranda, mampugi nomūrep eni nĭpmi nevasĭgi nĭsekonda ōveteme sikat.

I. Piter 4:8

ĭm mōmū ra siame sū omwisū ute ugi nelintugi tamas pugkūm kĭmi; popōwo nelintugi umatiumpeni sat sū sikat:

II. Korint 8:9

Popōwo kĭmi kūmagkili Itemas paū eni Novsūromon Iesū Kristo, ma, iyi yeti neteme nōēte, kō yemyeti neteme norumkor popōwo ugi kĭmi, ma kĭmi kwante ōveteme nōēte popōwo ugi norumkor isen.

I. Yoane. 3:16

Im koskemagkili nelintugi, popōwo iyi yemtenimpe nomurep isen nisekont: ĭm aremai koskelentenimpe nomurep enugkos nisekonda raveveneme.

Reveleson 1:5

potnimpūtūō eni; ĭm marugi Iesū Krĭstō, numpūvsok tanepo, mori oti nevsorasah yipmovūm marugi nemas,

Hibru 9:26

kū intawi yemorūn mas mafeli natpotnin nemap ĭm ĭndowi afeli nempugon marima; kō yetūratumpene nempugon sīteven ra nisah aveni worevīpelah sat ugi sakrefīs ra iyi pe iyi.

Hibru 9:14

kō nde eni Krĭstō mōmū faneteme, worsendumsi nō wami marugi numpūrah nemas ugi, memagkū kĭmi kwontorugat iran Nōbū nomūrep: yetūte sie sī ūr iran, yemesepen sakrefīs iyi pugi Nōbū ugi Naviat Tumpora mori umante ūvūm nevisū ĭndowi.

I. Timote 2:6

Iesū Krĭsto, yespen tenĭmpe iyi nipmi nisekonda ōveteme omwisū; numpūvsok worokili ugi nimpugon isen;

Efesus 4:15

kō aremī kos kel anūwi nam itnesog ra nelintugi, ĭm lĭnalam ra siame sū pugi; mori Krĭstō, numpūnt;

I. Yoane. 3:23

Im imo oti selenivi nam eni, ma koskelentavnirigi ra nin eni Netni Iesū Krĭstō, ĭm nelĭntugkos, sugkū iyi yempasiwogkos.

I. Timote 4:12

Tawi sī neteme usendūkiye iram popōwo kĭk neviarep; kō aremi kante safi nisekonda ūmentavniri, ugi nam, ugi netevarū enugkĭk, ugi nelintugi, ugi tavniri, ĭm ugi sentevives.

I. Teselonia 4:9

Kō ugi nelĭntugi nisekonda ravūgeme sie ya onetīyi pugkūm ugi? popōwo Nōbū yemtavsogkūm worelĭntugkūm omwisū kĭmigo;

Efesus 4:2

ra nemolsep ĭm neteteven omwisū ĭm togesoveli, ĭm ninparata tarū ves ra nelintugi pugkum kĭmi;

Efesus 3:17

ma Krĭstō ante mante ūnōwami ugi tavniri: ma sugkū kĭmi, ugi nōatnin, ĭmpwap ūnam ra nelīntugi,

Kalesia 1:4

mori vemespen tenipe iyi ugi sat sū enugkos, ma iyi osemsempari irant marugi netevarū ra imo nemap sat, sugkū ugi tarū eni Nōbū Itament:

Reveleson 5:9

ĭm dūmūriuki ōvun beson kold ūvwarngi nūrah nempeneves, mirora oti ōvun nesenigi enirora ōvun tanepo. Im ĭt irora umesemsi narūfo ĭtevaū memenū vi memagkū, Kĭk aremai wokon, worevai netaiyi mori, ĭm woretaipelah woresompat iran: popōwo dūmūtalugkĭk, ĭm kĭm sevasi nisekon Nōbū ugi de enugkĭk ōveteme marugi lō su

Hibru 9:23

Im popōwo pe yeti aremī woresendumsi safi siame ūnpokop ugi sakrefis sugkū imosū; kō siame ūnpokop pe ĭtnesog ugi ōvun sakrefis mōmū aremī iranda imosū.

Efesus 3:19

ĭm worokili nelintugi eni Krĭstō horog tamas wokon sugkū nugkugko worokili ugi, ma kwampi kĭmi tamas marugi ūvwareves omwisū eni Nōbū.

Netiyi Eni Pol Apostol Punora Oveteme Rom 8:3

Im imo mori nam alam yetū faneteme worumpi popōwo ugi netromori ra nokolisiran, Nōbū yemtamuli Netni eni ra safi nokolisirant sat woreti nĭmsĭn sokowar ugi sat, yemenūwali sat ra nokolisirant:

Efesus 5:25

Im kĭmi ōvateman, kwonelĭntokonda ōvun retepmimi kĭmi sugkū Krĭstō yemelintugi nilpon sī lō tumpora, mōmeviugki nomūrep isen nimsin;

I. Korint 5:7

Sendumsi leven etūwī ma kĭmi kwante nilpon sī ĭtevaū, popōwo tawi leven enugkimi. Itnesog dūmūtalūgi Krĭstō nisekont, paska enugkos:

Netiyi Eni Pol Apostol Punora Oveteme Rom 4:25

iyi mori dūmū tinimpe sokomulep tīwi ugi sat sū enugkos, ĭm dūmūtori marugi nemas ma kos kel et tanepoyes ugi.

Yoane 6:51

Yaū yōūp umnomūrep mori yemne ra pokōp; nagkū sī oneni imo yōūp iyi amūrep īndowi; ĭm yōūp mori ya ampugi fan enyaū, mori ya ampugi tovuni nomūrep punora, ra nemap.

Netiyi Eni Pol Apostol Punora Oveteme Rom 8:37

Kō kos faneteme, ĭm kos kelen tantevakepe ra imo sū siame omwisū ugi iyi yemelĭntugkos.

Netiyi Eni Pol Apostol Punora Oveteme Rom 15:16

ma ya ante lĭvsaū eni Iesū Kristo pun ora lō Ityentail, worenūatokeli nam navosavos eni Nōbū, ma sakrefais—memagkū Ityentail—ante aremai, popōwo ugi numpūrak eni Naviat Tumpora.

II. Korint 2:14

Kō kompalugi iran Nōbū, It iyi umĭntorokas ĭndowi wontantevakepe ugi Krĭstō, miyi umnumpūvsok ugi kam nempeneves ugi nokili iyi ra nūrū sū.

Efesus 1:4

sugkū yemtampolokos ra iyi ra nĭmpugon tawi nemap, ma kos kel ante tumpora ĭm tawi sī ūr irant ūnipmi iyi ra nelintugi: yovum torokos mōmemumpi kos ovunyan isen ra Iesū Krĭstō pugi iyi,

Efesus 5:15

Ufinte nokowo kwonavan kĭmi, tawi sugkū ōvun numgi, kō sugkū ōvun nelekon;

Filipi 4:18

Kō ya okevi tiame sū, ĭm sikat mōmūgo tiame nisekūg: yakūm navos tamas popōwo ya okevi marugi Epafrodītus siame mori kĭmi kūmūtamūli poyaū, sī nepeneves aremī, sī talug ĭtemas, aremī ūnĭpmi eni Nōbū.

Hibru 8:3

Popōwo umetipe ōvun tavsogi tumpora woresakrefīs ugi ra ōvun itemas ĭm ōvun sarefīs; ĭm popowo pe it eti aremi ma imo tavsogi tumpora umantipe sugkū sie sī woresakrefīs ugi.