Efesus 1:7 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

⁷ iyi mori yempasi kos ugi de isen, memagkū worevīpelah sat sū enugkos, ugi ĭtemas paū isen,

Efesus 1:7 ပူးပေါင်းရင်းမြစ်များ

Matiyu 20:28

sugkū Netni eni neteme, iyi yivelum metūmokū ōveteme wontorugat iran, kō yemokū iyi ontorugat iranda, mampugi nomūrep eni nĭpmi nevasĭgi nĭsekonda ōveteme sikat.

Matiyu 26:28

ĭt imo de enyaū ugi nam ūnam ĭtevaū, umwosĭlĭgi mori nĭsekonda sikat nĭmsĭm nefielĭntugi sat sū.

Matiyu 6:12

Mefielentugkam sat sū enugkam, sugkū ka kemlafielentokonda mori umnumpi sat iramam.

Mark 14:24

Miyi yōmenūwi punora memokū, Imo oti de enyaū ugi nam ūnam ĭtevaū, pe mori otin wosĭlĭgi nisekonda sikat.

Nam Navosavos Eni Luk 1:77

Montavsokonda netevokontū isen nēōwara Ugi nefielentugi sat sū isenda,

Nam Navosavos Eni Luk 24:47

ĭm aremĭ wonterenūwi punora lōsū lōsū magkū ugi nevīeves nōwan, ĭm nefielintugi sat sū, ra nin isen wonatipotni ra Yerūsalem.

Yoane 20:23

ĭm satsū enirora kĭmi kūtūmafielintokonda, otūafielintokonda.

Ovun Apostol 10:43

Ovun profet omwisū dūmumpūsok iran mūmokū irora mori ūmontavnirĭgi afielintugi sat sū isenda ugi nin isen.

Ovun Apostol 2:38

Im Piter yemenūwi punora memokū, Uvieves nōwami, mūvĭ baptisma irami, kĭmi sū ra nin eni Iesū Krĭstō, worefielentugi sat sū soremi; ĭm kĭmi kwampi itemas isen Naviat Tumpora.

Ovun Apostol 20:28

Popōwo imo sugkū, ūfinte kĭmi, ĭm semsimak omwisū mori Naviat Tumpora yemetipe kĭmi worafĭnte irora semsimak eni isen Nōbū mori iyi yempasi ugi de isen Iyi.

Ovun Apostol 3:19

Popōwo imo sugkū ūvĭeves nōwami mūtorileki ma sugkū ĭyukuyeki sat sū soremi mōv nempugon nevĭeves wampelum ra nipmi isen;

Netiyi Eni Pol Apostol Punora Oveteme Rom 2:4

Kū kokesisat nelintugi horog nūsian aremī eni ĭm nefielitugi ĭm nemolsep tantop, metūkili memagkū nelintugi eni Nōbū umentorok worotorileki ūnōwan?

Netiyi Eni Pol Apostol Punora Oveteme Rom 3:24

dūmumpi irora tanepo ugi itemas paū isen popōwo ugi nēyōwara umante tovune Iesū Krĭstō iyi mori Nōbū yemetipe woreti nĭpmi tampenum,

Netiyi Eni Pol Apostol Punora Oveteme Rom 3:25

ra tavniri, ugi de isen nisekont, woresesi tanepoves eni, popōwo dūtū vī nūrian iranda ugi sat sū dūmumpi etūwī, ugi nefielintugi eni Nōbū;

Netiyi Eni Pol Apostol Punora Oveteme Rom 9:23

ĭm ma iyi anūatumpeni siame horog nilasewi aremī wokon isen iranda ōvun nurah yemelintugi, mori yipmovūm mumpi nimsin nilasewi, kos pe nokowo,

I. Korint 1:30

It kĭmi kūmante ra Iesu Krĭstō ugi Nōbū, yemete nisekont nointanwi marugi Nōbū, ĭm tanepoves, ĭm nelugelugeves, ĭm nēyōwareves;

II. Korint 8:9

Popōwo kĭmi kūmagkili Itemas paū eni Novsūromon Iesū Kristo, ma, iyi yeti neteme nōēte, kō yemyeti neteme norumkor popōwo ugi kĭmi, ma kĭmi kwante ōveteme nōēte popōwo ugi norumkor isen.

Efesus 1:14

mori oti natipotni ugi nevīkos ugi, pugi sevasi ra siami eni iyi pe iyi Nōbū, ra narigi ugi nilasilaswi isen.

Efesus 1:18

woretīpelah ves nĭpmi naviat enugkimi, ma kĭmi kwagkili nokowo yemtorugkūm ugi woretevetūwi,

Efesus 1:6

mori yemevugkos tamas ra Netni paū isen:

Efesus 1:8

ĭtemas mori yemumpi worenug pugkos ra nointanwi omwisū ĭm nelekon omwisū,

Efesus 2:4

—kō Nōbū, yemosen nelĭntugi tamas, popōwo ugi nelĭntugi nūsian mori yemelĭntugkos ugi,

Efesus 2:7

memagkū ra ōvun nimpugon ampelum iyi anūatumpene itemas paū nusian isen ra nelintugi pugkos ugi Iesū Krĭsto:

Efesus 3:16

sugkū ugi nūsian aremī nilasilaswi isen ma kĭmi kwante ra horog tamas ugi Naviat ūnōwami:

Efesus 3:8

Po yaū, mori mōmū virok iranda ōveteme aremi omwisū, kō dūmūvoyaū imo ĭtemas paū, ma ya ontoreuūwi punora lo pelah sī nam navosavos eni Krĭsto, nūsian aremī sugkū sie?

Filipi 4:19

Im Nōbū enyaū ampugkūm siame omwisū aremī nisekomi sugkū ugi siame noete nūsian aremī isen ĭm nilasilaswi ra Iesū Krĭstō.

Kolose 1:14

ugi iyi koskelevĭ nēyōwara ugi dē isen, ĭm nefielintugi sat sū enugkos:

Kolose 1:27

punora pe Nōbū yemokū iyi anūwi sie nūsian aremī nilasilaswi ugi imo nam yemetiumpeni punora lō pelah sī mori oti Krĭstō ūnisog kĭmi, ratevetūwi nilasilasewi:

Kolose 2:13

Im kĭmi kūmūte ōvun nemás popōwo ugi ōvun sat sū enugkĭmi ĭm netūvī namon ra nowami etuwī nugkugko, kĭmi mori, yemumpi kĭmi ōvun nomūrep dal iyi, miyi yemefielintogkos ōvun sat sū enugkos omwisū;

Kolose 2:2

ma irora wampī nemolsep ūnōwanda, worēetora ugi nelintugi punora dal irora, ĭm worevī ugi horog noĭntanwi tamas ugi ĭtnesog, ma irora wagkili siame natiumpene eni Nōbū, ĭm Krĭstō,

I. Timote 2:6

Iesū Krĭsto, yespen tenĭmpe iyi nipmi nisekonda ōveteme omwisū; numpūvsok worokili ugi nimpugon isen;

Tītus 2:14

iyi mori yespentenimpe iyi nisekont, ma iyi amkosēyōwara marugi ōvun sat sū omwisū, ĭm sendomsi sentevives sī netevokontū nisekon, mori ūmnatekisah ra ōvun numpurak aremī.

Tītus 3:6

Tumpora, mori yemwosilegi ugi tamas irant ugi Iesū Kristo Nēyōwara enugkos;

Hibru 9:22

Im popōwo ugi nam alam, ĭtnesog, umesendumsi ugi nde, ĭm nagkū otū woselĭgi nde oti nugkugko worevīpelah sat.

I. Piter 2:24

iyi pe iyi yemuriuki nipmi satsū enugkos ra nokolisiran ra nēūmparum, ma kos, kim lamas ugi satsū, wamūrep pugi tanepoves: ĭt kĭmi kūmaūrep popōwo ugi ōvun selatevi iran.

I. Piter 3:18

Popōwo ĭt iyi Krĭstō yempī nesorū nempugon sīteven wokon tīwi sat sū, neteme tanepo nisekonda ōvun narekisat, memagkū iyi ontorokos pugi Nōbū; dūmūtalugi nokolisiran, kō yōmomūrep ra naviat;

I. Yoane. 2:12

Ya umetaiyi pugkūm, ovunyan sorūg, popōwo umafielintugkūm sat su enugkimi popōwo ugi nin isen.

I. Yoane. 2:2

ĭt iyi tampenum taiwi ugi sat sū enugkos; ĭm tawi nisekont wokon, kō ni ekonda sugkū lō sū lō sū ra nemap omwisū.

I. Yoane. 4:10

Im ime, pe nelintugi itnesog, tawi ma kos ĭm nelintugi Nōbū, kō ma iyi yemelĭntugkos, memtamūli Netni paū eni tampenum taiwi sat sū enugkos.

Reveleson 14:4

Im irora ima mori dūtū umpi irora ūr ugi ōvasiven; popōwo irora ōvun nefi sentevives wokon. Im irora ima mori ūmnūri Lam ia ĭm ia mori iyi emagkū emampewi. Im dūmūvasi irora tampoli morokonda ōveteme, woreti novwan ĭtmampūn pugi Nōbū ĭm pugi Lam.

Reveleson 5:9

ĭm dūmūriuki ōvun beson kold ūvwarngi nūrah nempeneves, mirora oti ōvun nesenigi enirora ōvun tanepo. Im ĭt irora umesemsi narūfo ĭtevaū memenū vi memagkū, Kĭk aremai wokon, worevai netaiyi mori, ĭm woretaipelah woresompat iran: popōwo dūmūtalugkĭk, ĭm kĭm sevasi nisekon Nōbū ugi de enugkĭk ōveteme marugi lō su