Zacarías 9:2 - Biblia Enxet

² Apagkok nahan ma'a Hamat, apyetnama nak ketók xa tegma apkelyawe nak, tén han ma'a Tiro, Sidón yetlo m'a ektémakxa nak apmopwancha'a aqsok.

Zacarías 9:2 ပူးပေါင်းရင်းမြစ်များ

1 Reyes 17:9

“Emhók sa' ma'a tegma apwányam nak Sarepta, apyetnama nak Sidón, exnem sa' ma'a. Éltennássek eyke ko'o kelán'a tampe' ekha nak ma'a séltamho chá'a kagkok apto.”

2 Reyes 23:33

Apmomchek axta eyke faraón Necao ma'a Riblá aphéssama kañe' negmomaxchexa', yókxexma Hamat, yaqwayam enxoho metnehek wesse' apwányam ma'a Jerusalén. Apkeltémok axta chá'a eyánmagkasek énxet'ák ekyókxoho kañe' apheykegkaxa tres mil trescientos kilos sawo élmope ekmomnáwa, tén han treinta y tres kilos ma'a sawo ekyátekto ekmomnáwa.

Jeremías 25:22

tén han ma'a apyókxoho kelwesse'e apkelwányam nak Tiro tén han Sidón; tén han ma'a apyókxoho kelwesse'e apkelwányam apkelókxa ekhéyak nak neyáwa wátsam ekwányam Mediterráneo;

Jeremías 47:4

Hakte wokmek ekhem yaqwánxa kólmasséssók ma'a filisteos, tén han kólyementemekxak Tiro, tén han Sidón ma'a apkeleymomap nak makham ma'a ektáha nak chá'a appasmo.” Naqso', emasséssók sa' Wesse' egegkok ma'a filisteos, apkelánteyapma axta m'a egkexe Creta, apkelmeyáyekmo s'e.

Jeremías 49:23

Amya'a apxénamap Damasco: “Keltamháha apkelwáxok ma'a énxet'ák apheykha nak Hamat tén han ma'a Arpad, hakte wa'ak apheykegkaxa amya'a ekmaso. Apkelakawók apagko', apkelpekheke'.

Ezequiel 27:1

Epaqhetchessek axta ko'o Wesse' egegkok. Aptáhak axta seyáneya s'e:

Ezequiel 28:1

Epaqhetchessek axta ko'o Wesse' egegkok. Aptáhak axta seyáneya s'e:

Ezequiel 28:12

“Xép énxet, enneykmásses sa' xama negmeneykmasso senlapwayam ma'a wesse' apwányam Tiro, etne sa' yának se'e: “Keso aptáhakxa exchek appeywa Wesse' egegkok se'e: Xeyep axta apteme ektaqmalma agko' aptémakxa, ekyawe apya'áseyak tén han aptaqmalma kóllano'.

Ezequiel 47:16

Berotá, tén han ma'a Sibraim (apheykegko nak neyseksa m'a xapop Damasco tén han ma'a Hamat), tén han ma'a Hasar-haticón (ektemegwánxa nak néxa xapop ma'a Haurán).

Amós 1:3

Aptáhak Wesse' egegkok se'e: “Xámók agko' apkeláneyak apkeltémakxa ekmaso m'a énxet'ák Damasco, megkatnehek sa' mallegassáseykegkoho; hakte nápakha'a apketkók aptemessáseykegkok ma'a apheykha nak Galaad máxa aptemessessók ma'a hótáhap apaktek kélchexakkassól'a apyempe'ék, kélmeykhal'a m'a aqsok éxakkassól'a apyempe'ék élánamáxchel'a sawo.

Amós 6:14

Israelitas, kóltaqmelchesho kéllányo; aptáhak appeywa Wesse' Dios ekha apyennaqte s'e: “Alenmexchesek sa' ko'o kéxegke xama apchókxa, yaqwayam sa' enaqtawasagkohok kélyókxoho nak, eyeynamo m'a néxa xapop nak nexcheyha, ekweykekxoho m'a néxa xapop nak nepyeyam.”

Números 13:21

Apkelxegkek axta m'a énxet'ák, apkelanawók axta apchókxa eyeynamo m'a yókxexma meykexa nak énxet Sin, ekpayho nak nepyeyam, ekweykekxoho m'a Rehob, ekpayho nak nexcheyha, ekpayho nak nentaxnamakxa m'a Hamat.