Zacarías 8:8 - Biblia Enxet

⁸ anaqlanták sa' ma'a Jerusalén, yaqwayam sa' exmakha m'a. Énxet'ák ahagkok sa' ko'o etnahagkok ma'a, keñe sa' ko'o etnehek Dios apagkok, yetlo ekmámnaqsoho tén han ekpéwomo sektémakxa.”

Zacarías 8:8 ပူးပေါင်းရင်းမြစ်များ

Génesis 17:8

Agkések sa' ko'o exchep ma'a ekyókxoho xapop nak Canaán, tén han ma'a aptawán'ák neptámen nak, apheykegkaxa nak se'e kaxwo' nak, etnehek sa' apagkok megkatnégwayam néxa, ko'o sa' han atnehek Dios apagkok ma'a.

Jeremías 11:4

Hakte cháxa ekhémo mók nélpaqhetchásamáxkoho sélánéssama axta ko'o m'a apyapmeyk nano', sélántekkessama axta m'a Egipto, apchókxa ekhémókxa axta táxa axagkok kélpeykeseykekxexal'a sawo. Axta ektemék ko'o sélanagkama s'e: Hélyahakxoho sa', kóllána sa' chá'a ekyókxoho m'a séltamhókxa enxoho chá'a kóllána', keñe sa' ko'o atnehek kéxegke énxet'ák ahagkok, keñe sa' kéxegke héltéhek ko'o Dios kélagkok.

Jeremías 23:8

sa' aqsa chá'a kóltéhek naqsók kélpeywa s'e: ‘Memassegwomek sa' chá'a Wesse' egegkok, apkelántekkesso axta israelitas ma'a apchókxa ekpayho nak nexcheyha, tén han ma'a ekyókxoho apkelókxa apkelya'assamakxa axta chá'a apkexpánchessama.’ Kólhakha sa' chá'a m'a xapop kélagkok kélagko' nak.”

Jeremías 24:7

Agkések sa' apkelya'áseyak yaqwayam sa' elya'ásegwók sektáha ko'o Wesse', énxet'ák ahagkok sa' ko'o atnehek ma'a, keñe sa' ko'o etnehek Dios apagkok, hakte hey'ótak sa' ko'o yetlo ekmáyheykegkoho agko' apkelwáxok.

Jeremías 31:1

Aptáhak Wesse' egegkok se'e: “Hetnehek sa' ko'o Dios apagkok apyókxoho pók aptémakxa nak énxet'ák Israel xa ekhem nak, keñe sa' ko'o atnehek énxet'ák ahagkok.”

Jeremías 31:33

Keso yaqwánxa sa' katnehek ekhémo mók nélpaqhetchásamáxkoho peya nak ko'o alanaksek énxet'ák Israel ma'a ekhem sa': Apekkenchesek sa' segánamakxa ahagkok apkelwáxok, anaqtáxéssesagkok sa' nahan ma'a élchetámeykegkaxa nak apkelwáxok. Ko'o sa' hetnehek Dios apagkok, keñe sa' ko'o atnehek énxet'ák ahagkok ma'a. Ko'o sekxeyenma xa, sektáha nak Wesse'.

Jeremías 32:41

Kapayhekxak sa' chá'a ko'o ewáxok ektaqmela enxoho chá'a sekteméssesakxa, axnésha sa' ko'o s'e apchókxa nak ekweykmoho kañók agko' ewáxok, tén han meyke ekyexamaxkoho ewáxok.”

Jeremías 4:2

kélwanchek sa' hélmések kélpeywa yetlo kélxeyenma sekwesey, ekmámnaqsoho agko', tén han ektaqmalma tén han ekpéwomo. Sekwesey sa' chá'a elmaha elmaxnéssesek aqsok éltaqmalma apnámakkok ma'a pók aptémakxa énxet'ák, tén han ektaqmalma apkelxénamap.”

Ezequiel 11:20

Tén sa' etnahagkok ma'a ekhawo nak ektémakxa m'a segánamakxa ahagkok tén han ma'a séltémókxa nak chá'a etnahagkok, elanagkok sa' nahan. Énxet'ák ahagkok sa' ko'o atnehek ma'a, keñe sa' etnahagkok ko'o Dios apagkok ma'a.

Ezequiel 36:28

kólhakha sa' ma'a apkelókxa sekméssamakxa axta m'a kélyapmeyk nano', énxet'ák ahagkok sa' atnehek, keñe sa' ko'o héltéhek Dios kélagkok.

Ezequiel 36:33

“Ektáhak ko'o sekpeywa s'e, sektáha nak Wesse': Éyaxñáseykxeyk sa' agkok ko'o kéxegke ekyókxoho m'a kéltémakxa megkólya'assáxma nak, wának sa' kólhakha m'a tegma apkelyawe kélagkok nak, tén han kólnaqxétekhasagkokxak makham ma'a tegma aphopák appalleyam axta.

Ezequiel 37:25

Exnakha sa' ma'a apkelókxa sekméssamakxa axta m'a séláneykha Jacob, cham'a apheykegkaxa axta nahan ma'a apyapmeyk nano'. Sa' aqsa nahan chá'a exnakha m'a, yetlo apketchek tén han ma'a apyókxoho aptawán'ák neptámen; séláneykha David sa' aqsa nahan chá'a etnehek wánxa apkemha apmonye' apagkok.

Ezequiel 37:27

Axek sa' chá'a ko'o nepyeseksa m'a, ko'o sa' etnehek Dios apagkok, keñe sa' ko'o atnehek énxet'ák ahagkok ma'a.

Oseas 11:11

“Máxa náta sa' etnehek elchexyók apkeleñama m'a Egipto, yetlo apkelpexyennama, máxa wáx'ay sa' etnehek elchexyók apkeleñama m'a Asiria, wának sa' ko'o makham elhaták ma'a apxanák axta. Ko'o sekxeyenma xa, sektáha nak Wesse'.

Joel 3:20

Ko'o sa' ayaqmagkassásekxak ma'a aptekyawa axta; allegássesagkohok sa' ma'a ektáha axta apkelnapma. Keñe sa' ma'a Judá, tén han Jerusalén, exmakha sa' aqsa chá'a énxet'ák, keñe sa' ko'o sektáha nak Wesse', axek sa' chá'a m'a egkexe Sión.”

Levítico 26:12

aweynchamha sa' chá'a ko'o kélnepyeseksa kéxegke, Dios kélagkok sa' atnehek, keñe sa' ko'o kéxegke atnehek énxet'ák ahagkok.

Zacarías 10:10

Wának sa' elchexyók makham apkeleñama m'a Egipto, anaqlósawakxak sa' ma'a Asiria, anaqlakxak sa' ma'a Galaad tén han ma'a Líbano, megkawakxók sa' nahan apyókxoho m'a yókxexma nak, hakte apxámok sa' etnehek.

Zacarías 10:6

Aptáhak Wesse' egegkok se'e: “Agkések sa' ko'o apkelyennaqte m'a Judá aptawán'ák neptámen, alwagkasek sa' teyp ma'a José aptawán'ák neptámen. Anaqlakxak sa' makham ma'a apkelókxa apagko' nak, hakte apyósekak ko'o sélányo m'a. Etnahagkokxak sa' makham ma'a ektémakxa axta maltaqnaweykegko axta chá'a ko'o, hakte ko'o sekteme Dios Wesse' apagkok, sekháxenmo nak chá'a m'a apkelmaxneyéyak.

Zacarías 2:11

Temék sa' agkok xa, apxámok sa' pók aptémakxa énxet'ák elyo'ótak ma'a Wesse' egegkok. Sa' etnehek appeywa s'e: “Atnehek sa' nahan énxet'ák ahagkok xa énxet'ák nak. Keñe sa' axek chá'a ko'o kélnepyeseksa kéxegke.” Keñe sa' kólya'ásegwók kéxegke aptáha seyáphasso ko'o m'a Wesse' egegkok ekha nak apyennaqte.