Zacarías 3:9 - Biblia Enxet

⁹ Ekpekkenchessek ko'o apmonye' Josué xama meteymog siete nekhaw'ék, ko'o ahagko' sa' nahan alqahaksek ektémakxa eknaqtáxésamaxche. Keñe sa' xama ekhem agko' amasseksek apkeltémakxa melya'assáxma énxet'ák se'e apchókxa nak.

Zacarías 3:9 ပူးပေါင်းရင်းမြစ်များ

1 Reyes 1:20

Wesse', apyókxoho énxet'ák Israel apkelhaxnak exének énxet yaqwayam etnehek apyaqmagkasso apteme wesse' apwányam.

2 Crónicas 16:9

Apkeláneykha Wesse' egegkok ekyókxoho ektémakxa nak chá'a keso nélwanmeygkaxa, yaqwayam egkések chá'a apkelyennaqte m'a ektáha nak chá'a apcháyo ekmámnaqso' agko'. ¡Máxa ekyeyháxma eyke aptáhak xép aptáha kaxwo' xa ektáha nak! Katepagkok sa' eyke exchep kaxwók apkempakhamap.”

Salmos 103:12

Makhawók chá'a hegya'ássesek ma'a mólya'assáxma nak negko'o, ekhawo ektémakxa nak ekyetno makhawók mók ma'a teyapmakxa ekhem tén han taxnegwánxa ekhem.

Salmos 118:22

Tamhákxeyk kaxwók meteymog kélmámenyého kólmaha m'a apyetnakhasso axta apkeláneyak nak tegma.

Éxodo 28:11

Sa' elának kélnaqtáxésso nak kélwesey meteymog ma'a xama énxet apkeláneyo nak chá'a aqsok étkók éltaqmalma ektémól'a kólqahaksek ma'a xama kélqahassól'a. Elyepetches sa' ánet meteymog nak ma'a néten kéltahanchesso nak sawo ekyátekto ekmomnáwa,

Éxodo 28:21

Doce sa' nahan katnehek ma'a, hakte doce apkelwesey m'a Israel apketchek nak. Máxa sa' kólteméssesek ektémól'a kólqahaksek kélqahasso, kóltaxaksek chá'a xama meteymog apkelwesey m'a doce pók aptémakxa nak chá'a énxet'ák ma'a Israel.

Éxodo 28:36

“Elána sa' nahan xama aqsok ekpayhe élyenma sawo ekyátekto agko' la'a, elqahes sa' nahan ektémól'a m'a xama kélqahassól'a, ekxeyenma nak ekpeywa ‘Nempagkanchásamáxche Wesse' egegkok’.

Isaías 28:16

Ékeso éñamakxa, aptáha nak appeywa Wesse' egegkok se'e: “Apekkenek sa' ko'o xama meteymog ma'a Sión, meteymog kélyéseykha tén han ektaqmalma agko', yaqwayam sa' katnehek meteymog kélmámenyého kélagko' kólmaha, katnehek sa' ekyennaqtésso tegma apowhak. Énxet apcháyo enxoho xa, méko sa' katnehek apha.

Jeremías 31:34

Kamaskok sa' kaxwók elxekmósek pók, tén han apkelxegexma, tén han ma'a apnámakkok apancha'awo nak, yaqwayam enxoho hey'asagkohok ko'o, hakte hey'asagkohok sa' ko'o apyókxoho énxet, cham'a ekyawe nak kéláyo, ekweykekxoho m'a meyke nak kéláyo. Mayaqmagkásekxeyk sa' ko'o aqsok ekmaso apkelánéyak, megkaxénwakxók sa' chá'a kaxwók ewáxok ma'a melya'assáxma nak. Ko'o sekxeyenma xa, sektáha nak Wesse'.”

Jeremías 50:20

Ektáhak ko'o sekpeywa s'e, sektáha nak Wesse': Megkóteyaxcheyk sa' apkelsexnánémap tén han melya'assáxma énxet'ák Israel, tén han Judá xa ekhem nak, hakte mayaqmagkásekxeyk sa' ko'o apkeltémakxa axta m'a énxet'ák seyhayo nak elweynchamha makham.

Zacarías 13:1

“Kamayhekxak sa' ekteyapmakxa nak yegmen xa ekhem nak, yaqwayam sa' elyenyesagkok apkeltémakxa melya'assáxma tén han élmanyása apyempe'ék ma'a David aptawán'ák neptámen tén han ma'a énxet'ák apheykha nak Jerusalén.

Zacarías 3:4

Tén axta m'a Wesse' egegkok apchásenneykha apkelpaqhetchesa m'a appasmeykha axta chá'a aptamheykha apkeltamho elhaxyawássesek Josué xa apkelnaqta apkelpéseykmoho nak. Tén axta aptáha apcháneya s'e: “Elano, cháxa sekyenyókasa exchep aptémakxa mey'assáxma xa. ¡Wának sa' ko'o kaxwók kólántaxneyásekxak ma'a apáwa apkeltaqmalma apagko' nak!”

Zacarías 4:10

“Kalpayhekxak sa' kaxwók apkelwáxok apkelwet'a enxoho appenchesa aptamheykha Zorobabel ma'a metnéssesso axta naqsók ma'a sekxók axta eyeynókxa apkelane aptamheykha.” Tén axta aptáha makham Dios apchásenneykha s'e: “Cháxa siete cháléwasso étkók nak ekteme Wesse' egegkok apaqta'ák, eksawheykekxoho nak apkelányo s'e ekyókxoho nak keso náxop.”